အွန်လိုင်းကနေ အစ်ကိုတစ်ယောက်နဲ့တွေ့ပြီး စကားစပ်မိလို့ ပြောမိတာလေးတွေ ပြန်ပြောချင်မိပါတယ်။ သူ့အကြောင်း ကိုယ့်အကြောင်းလေး အနည်းငယ်ပြောမိပြီး သူလုပ်နေတဲ့အလုပ်လေးတွေနဲ့ ပတ်သက်လို့ သူကပြောပြပါတယ်။ သူပြောတဲ့စကားလေးအတိုင်းပါပဲ.. သူအခု နိုင်ငံရပ်ခြားမှာ အလုပ်လုပ်နေတယ်ပေါ့.. သူနိုင်ငံရပ်ခြားမသွားခင်.. မြန်မာနိုင်ငံမှာ ဗုဒ္ဓဘာသာကလေးသူငယ်တွေအတွက် ယဉ်ကျေးလိမ္မာသင်တန်း ဖွင့်ခဲ့တာ ငါးနှစ်တောင် ရှိသွားပြီး.. သူနဲ့အတူ ဆရာတော်တစ်ပါးနဲ့ သင်တန်းဆရာမနှစ်ဦးက ဦးဆောင်ပြီး ဖွင့်လှစ်ပေးခဲ့တာပါ။ အသိပညာဗဟုသုတ နည်းပါးပြီး ဗုဒ္ဓရဲ့အဆုံးမနဲ့ အလှမ်းဝေးနေတဲ့ ကလေးသူငယ်တွေကို ဗုဒ္ဓရဲ့အဆုံးမတွေ ရင်ထဲရောက်ရှိစေရေး၊ ဘာသာတရားကို တန်ဖိုးထားတတ်စေရေးနဲ့ ကလေးသူငယ်တွေ ယဉ်ကျေးလာစေပြီး အသိဥာဏ်အလိမ္မာ တိုးလာစေရေးတို့အတွက် အဓိကရည်ရွယ်ပြီး ဖွင့်လှစ်ပေးခဲ့တာပါ။ ဘာရံပုံငွေမှလည်းမရှိ ဘယ်သူမှလည်း ထောက်ပံ့မှုမရှိဘဲ ကိုယ်ရဲ့တတ်စွမ်းတဲ့ဘက်ကနေ ကလေးသူငယ်တွေကို အခမဲ့သင်ကြားပေးပြီး အသိပညာတွေ တိုးတက်လာအောင်.. သင်တန်းမတက်ချင်တဲ့ အသိဥာဏ်နုနယ်တဲ့ ကလေးသူငယ်တွေကို.. အစားလည်းကျွေး.. သင်တန်းမှာဆုရတဲ့ကလေးတွေကို ဆုလည်းချပေးပြီး သင်တန်းတက်ချင်စိတ်တွေ ဖြစ်လာအောင် အဖက်ဖက်မှ ကြိုးစားပြီး ဖွင့်လှစ်ပေးခဲ့တာပါ။ ဒီလိုမျိုးလေးတွေနဲ့ စည်းရုံးပြီး သင်တန်းကို ရေရှည်တည်တံ့အောင် စွမ်းဆောင်ခဲ့တာ.. ယခုဆို သင်တန်းမှာ ဗုဒ္ဓဘာသာကလေးသူငယ်တွေ (၁၀၀)တောင် ကျော်သွားပြီလို့ ဆိုပါတယ်။
အင်မတန်မှ ရင်ထဲမှာ ၀မ်းသာပီတိဖြစ်မိပါတယ်။ အမိမြေရဲ့အဝေးတစ်နေရာမှာ ရောက်နေပေမယ့်.. ကိုယ့်ရဲ့တတ်စွမ်းတဲ့ စွမ်းအားတွေနဲ့ အနာဂါတ်လူငယ်တွေကို ပံ့ပိုးပေးနေတဲ့ အစ်ကိုတစ်ယောက်ရဲ့စိတ်ရင်းကို မချီးကျူးပဲ မနေနိုင်ပါဘူး။ သူ့ရဲ့ရင်ထဲကစေတနာတွေကိုလည်း ကြည်ညိုလေးစားမိပြန်ပါတယ်။ အော်.. လူသာငယ်တာ.. အတွေးတွေ မငယ်တော့ဘူး..။ လူကသာ အမိမြေရဲ့အဝေးမှာရှိနေတာ.. ရင်ထဲမှာတော့ အမိမြေမှာရှိနေတဲ့ ဗုဒ္ဓဘာသာကလေးသူငယ်တွေအပေါ်မှာ ထားရှိတဲ့ အစ်ကို့ရဲ့မေတ္တာတရားကတော့ အစဉ်နီးစပ်နေတာပါပဲ…။ ပင်ပင်ပန်းပန်းနဲ့ ကြိုးစားရှာဖွေထားတဲ့ ကိုယ့်လုပ်အားကရရှိတဲ့ငွေလေးနဲ့ တစ်ဖက်တစ်လမ်းကနေ အနာဂါတ်မျိုးဆက်သစ်တွေအတွက် ထောက်ပံ့ပေးနေတာဟာ အင်မတန် မွန်မြတ်လှပါပေတယ်..။ ဗုဒ္ဓရဲ့အဆုံးမတွေနဲ့ အလှမ်းဝေးနေပြီး ဘာသာရေးအသိနည်းပါးတဲ့ ကလေးသူငယ် အယောက်(၁၀၀)ကို ဘုရားရှင်ရဲ့အဆုံးမတွေကို တန်ဖိုးထားတတ်လာအောင်.. လိမ္မာယဉ်ကျေးလာအောင် လုပ်ဆောင်ပေးလိုက်တာဟာ ဘုရားအဆူ(၁၀၀) တည်ပေးလိုက်တာထက်တောင် သာလွန်ပါသေးတယ်..။ အပြင်မှာတည်ထားတဲ့ စေတီဘုရားတွေကမှ လေဒဏ် မိုးဒဏ် ရာသီဥတုဒဏ်တွေနဲ့ အဖျက်အဆီး အမျိုးမျိုးကြောင့် ပျက်စီးနိုင်ပေမယ့်.. ကလေးသူငယ်တွေရဲ့ရင်ထဲမှာ ထည့်ပေးလိုက်တဲ့ ဗုဒ္ဓရဲ့အဆုံးမတွေကတော့.. သူတို့တွေ သေဆုံးသွားတဲ့အထိ.. သံသရာအထိ တည်မြဲသွားမယ်ဆိုတာ မလွဲနိုင်ပါဘူး..။
အစ်ကိုထပ်ပြောတဲ့ စကားလေး မှတ်သားမိပါသေးတယ်.. “ကလေးကောင်းမှ လူကြီးကောင်းမှာပါ” ဆိုတဲ့ စကားလေးပါ။ အင်မတန် မှတ်သားသင့်တဲ့ စကားလေးပါပဲ.. အစ်ကိုရေ။ တကယ်ပါ..။ မဟာဂန္ဓာရုံ ဆရာတော်ဘုရားကြီးရဲ့ သြ၀ါဒအတိုင်းဆိုရင်တော့.. “ရှေ့ဆောင်နွားလား၊ အဖြောင့်သွားမူ၊ နောက်နွားတသိုက် အဖြောင့်လိုက်၏” ဆိုတဲ့အတိုင်းပါပဲ..။ ဗုဒ္ဓရဲ့သာသနာမှာ.. ဘုရားရှင်ရဲ့ အဆုံးမတွေကို ခံယူကျင့်သုံးနေတဲ့ ဘုရားတပည့်သားသံဃာတော်တွေ လိုအပ်သလို.. ဗုဒ္ဓရဲ့အဆုံးမတွေကို သက်ဝင်ယုံကြည်ပြီး သာသနာကို ထောက်ပံ့ကြည်ညိုကိုးကွယ်တတ်တဲ့ လူပုဂ္ဂိုလ်တွေလည်း များစွာလိုအပ်တယ် ဆိုတာလေးကို သိစေချင်တာပါ။ သာသနာကို ထောက်ပံ့ကြည်ညိုတတ်တဲ့ လူပုဂ္ဂိုလ်တွေ နည်းသထက် နည်းလာမယ်ဆိုရင် သာသနာဟာလည်း အနှေးနဲ့အမြန် ကွယ်ပျောက်ရမှာပါ။ ဗုဒ္ဓရဲ့သာသနာထွန်းတောက်ဖို့ဆိုရင်.. ဆရာနဲ့ဒကာညီမျှပြီး သာသနာကို အကျိုးပြုနိုင်ဖို့ဟာ အရေးကြီးဆုံးပါပဲ။ ဒါမို့လို့လည်း အစ်ကိုပြောလိုက်တဲ့ ကလေးကောင်းမှ လူကြီးကောင်းမယ်ဆိုတဲ့ စကားလေးကို တန်ဖိုးရှိလှပါတယ်လို့ ပြောလိုက်တာပါ။ “ယခုလူငယ် နောင်ဝယ်လူကြီး” တဲ့.. ဒီကလေးသူငယ်လေးတွေ ငယ်စဉ်ကတည်းက သာသနာ့တန်ဖိုး သိလာမယ်ဆိုရင်.. သူတို့တတွေကြီးရင့်လာတဲ့အချိန်ခါ သာသနာအပေါ်မှာ ပိုပြီးတန်ဖိုးထားတတ်လာရင်.. ဗုဒ္ဓရဲ့သာသနာဟာ နေရောင်လရောင်အလား ထွန်းတောက်လာလိမ့်မယ်ဆိုတာ မလွဲပြန်ပါဘူး..။
ကလေးလေးပဲ ဘာမှမသိသေးပါဘူး.. ဘာမှအရေးမကြီးပါဘူးဆိုပြီး ဒီအတိုင်းပစ်ထားလိုက်မယ်ဆိုရင်တော့.. ဘာသာရေးအခြေခံ မရှိတဲ့.. ဘာသာရေးအသိမရှိတဲ့ သားဟာ ကျားဖြစ်လာနိုင်သလို.. သမီးဟာလည်း မီးဖြစ်လာနိုင်ပါတယ်..။ ဘာသာခြားဖြစ်သွားဖို့ဆိုတာလည်း အင်မတန် လွယ်ကူသွားသလို.. သာသနာ့တန်ဖိုးကိုသိပြီး တန်ဖိုးထားဖို့ဆိုတာလည်း ခေါင်းထဲမှာ မရှိနိုင်ပါဘူး။ သူ့အတွက် တစ်ခုခုအကျိုးရှိမယ်ဆိုရင် ကိုယ့်ရဲ့သာသနာကို ခြေစုံကန်ပြီး ထွက်ခွာသွားမှာပါ..။ တန်ဖိုးရှိမှန်း နားမလည်တော့ တန်ဖိုးမသိပေဘူးပေါ့..။ ဒီတော့ တန်ဖိုးသိဖို့အတွက်ဆိုရင် ဘယ်သူတွေ တာဝန်အရှိဆုံးလဲ..။ ဗုဒ္ဓဘာသာဝင်တိုင်းမှာ တာဝန်ရှိပါတယ်..။ ဒါဟာ တကယ်တော့.. တာဝန်တစ်ရပ်အနေနဲ့ ခံယူထားသင့်တဲ့ အရာမဟုတ်ပါဘူး.. ဗုဒ္ဓဘာသာဝင်တိုင်းရဲ့ ရင်ထဲနှလုံးသားထဲမှာ ခံယူထားရမယ့်.. ရှိထားသင့်တဲ့ သိထားရမယ့် အသိတရားတွေပါ။ မိမိကိုယ်တိုင် ဗုဒ္ဓဘာသာရဲ့အနှစ်သာရကိုသိရှိပြီး ကိုယ်တိုင်ခံယူကျင့်သုံးနေသလို.. အနာဂါတ်လူငယ် မျိုးဆက်သစ်တွေကိုလည်း သိရှိလာနိုင်အောင်.. လိုက်နာကျင့်ကြံတတ်လာအောင် လုပ်ဆောင်ပေးဖို့ဆိုတာ ဗုဒ္ဓဘာသာဝင်တိုင်းမှာ တာဝန်ရှိပါတယ်။
အဓိကအနေနဲ့ကတော့ ဗုဒ္ဓဘာသာဝင် မိဘတိုင်းမှာ တာဝန်ရှိပါတယ်။ “လက်ဦးဆရာမည်ထိုက်စွာ ပုဗ္ဗာစရိယ မိနှင့်ဖ” တဲ့..။ ဒီတော့.. လက်ဦးဆရာဖြစ်တဲ့ မိနဲ့ဖဟာ အဓိကကျတဲ့ အခန်းကဏ္ဍ တစ်ရပ်မှာ ပါဝင်ပါတယ်။ ခုတော့ဖြင့်.. မိဘတွေက ကိုယ့်သားသမီးလေး ဘုရားကို ဦးချနေတာနဲ့တင် ဟုတ်လှပြီလို့ ထင်နေကြပါတယ်။ ငယ်စဉ်ကလေးဘ၀ကထဲကမှ ဘာသာရေးအသိဖြစ်တဲ့ ဘုရားအဆုံးမတွေ ထည့်ပေးမထားတော့.. ဘာသာခြားနဲ့ ကောက်ယူသွားခါကျမှ အမွေဖြတ်ရ.. သားသမီးအဖြစ် စွန့်ပြစ်ရနဲ့.. အင်မတန် အရုပ်ဆိုးအကျဉ်းတန်စေပါတယ်။ ကိုယ့်သားသမီး ဘာသာခြားလက်ထဲမှာ ဘယ်လိုဖြစ်နေမလဲဆိုတာကို အလေးမထားမိပဲ လုပ်ချင်ရာ လုပ်ပြစ်ကြပါတယ်။ ဒီဆုံးရှုံးမှုဟာ ဗုဒ္ဓဘာသာမျိုးဆက်ဖြစ်တဲ့ ဗုဒ္ဓဘာသာမိန်းကလေးလည်း ဆုံးရှုံးသလို.. သူနဲ့ရရှိမွေးဖွားလာတဲ့ မျိုးဆက်သစ်တွေပါ ဘာသာခြားအဖြစ် အကုန်ကူးပြောင်းသွားရတဲ့အတွက်ကြောင့် ဗုဒ္ဓဘာသာမျိုးဆက်ပါ ဆုံးရှုံးစေပါတယ်။ တကယ်တော့ မိဘတွေအတွက်လည်း အမျိုးကောင်း သားသမီးတစ်ယောက် နစ်နာသလို.. သာသနာအတွက်လည်း ဥပဿကာကောင်းတစ်ယောက် ဆုံးရှုံးရတာပါပဲ။ ဒါမို့လို့ ဗုဒ္ဓဘာသာဝင် မိဘတိုင်းဟာ.. ကိုယ့်ရဲ့သားသမီးတွေကို သာသနာ့တန်ဖိုးသိရှိအောင် သွန်သင်ပေးဖို့ တာဝန်ရှိတယ်လို့ ပြောလိုတာပါ။
ကျွန်တော့အဖေ ကျွန်တော့်ကိုအမြဲဆုံးမတဲ့ စကားလေးတစ်ခွန်းရှိပါတယ်.. “သားရေ.. အဖေကတော့မင်းကို အပြစ်မလုပ်ခင် အပြစ်မလွန်မိခင်မှာပဲ လမ်းမှားမရောက်ရအောင် ပြောဆိုဆုံးမပြီး တားမြစ်တတ်တယ်.. ဖြစ်ပြီးမှတော့ ဘာတစ်ခွန်းမှ ပြောလိမ့်မယ် မထင်နဲ့” ဆိုတဲ့ ဆုံးမစကားလေးပါ။ အဖေပြောတဲ့ စကားလေးဟာ အမှားတစ်ခုခု လုပ်မိတော့မယ်ဆိုရင်တောင် ခေါင်းထဲမှာ အလိုလိုပေါ်လာတတ်ပါတယ်..။ ဒီလိုပါပဲနော်.. အုပ်ထိန်းသူ မိဘတွေအနေနဲ့ ကိုယ့်ရဲ့သားသမီးကို လမ်းမှားမရောက်ခင်မှာ တားမိဖို့.. လမ်းမှန်မှာ လျှောက်လှမ်းတတ်စေဖို့ဆိုရင်.. ဗုဒ္ဓရဲ့အဆုံးမတွေနဲ့ ထိန်းကွပ်ထားဖို့ဟာ အရေးကြီးပါတယ်။ လူတစ်ယောက်ကို လမ်းမှားလျှောက်မိမှ မှားတယ်လို့ ပြောမယ့်အစား.. လမ်းမှားမလျောက်ခင် လမ်းမှန်ကို ချပြပေးပြီး လျောက်တတ်ဖို့ သွင်သင်ပေးခြင်းဟာ အဓိကကျပါတယ်။ ခုကျွန်တော်ပြောနေတဲ့စကားတွေဟာ.. တကယ်တော့ အထက်မှာ ဖော်ပြခဲ့တဲ့ အစ်ကိုတို့ လုပ်ဆောင်နေတဲ့.. လမ်းမှန်ကိုချပြပေးပြီး လမ်းမှန်ကိုလျောက်တတ်အောင် သင်ကြားပေးနေတဲ့ ယဉ်ကျေးလိမ္မာဗုဒ္ဓဘာသာသင်တန်းတွေမှာ လျောက်လှမ်းခိုင်းဖို့ပါပဲ..။
ယခုအချိန်အခါမှာ မိဘတွေက သားသမီးတွေကို ဘာသာရေးအသိတွေနဲ့ ထိတွေ့ပေးဖို့ဆိုတာ အချိန်မရှိသလောက် ရှားပါတယ်။ ကိုရီးယားကားကြည့်ဖို့.. အပျော်ခရီးထွက်ဖို့.. မဟုတ်တဲ့ကိစ္စတွေနဲ့ အချိန်ဖြုန်းဖို့တော့ အချိန်ပေးတတ်ကြပါတယ်။ ကိုယ့်ရဲ့သားသမီးတွေကို ဘာသာရေးနဲ့နီးစပ်အောင်.. ယဉ်ကျေးလိမ္မာ အသိတရားတွေ ထည့်ပေးဖို့တော့ မစဉ်းစားမိတတ်ကြပါဘူး။ ဒါတွေဟာ ကိုယ့်ရဲ့သားသမီးတွေကို လမ်းမှားမရောက်ရောက်ရအောင် တွန်းပို့နေတာနဲ့တူသလို.. သာသနာ့အကျိုးကိုလည်း ဆုတ်ယုတ်စေအောင် မလုပ်ပေမယ့် လုပ်နေသလို ဖြစ်နေပါတယ်။ အခုလို သာသနာကို တစ်ဖက်တစ်လမ်းက စောင့်ရှောက်ပေးနေတဲ့ ဗုဒ္ဓဘာသာ ယဉ်ကျေးမှုသင်တန်းတွေ.. ဆရာတော်ဘုရားတွေ ဖွင့်လှစ်ပေးတဲ့ နွေရာသီအားလပ်ရက် ဘာသာရေးအသိသင်တန်းတွေ၊ တနင်္ဂနွေနေ့ အားလပ်ရပ်တွေမှာ ဖွင့်လှစ်ပေးတဲ့ ဗုဒ္ဓဘာသာ(Sunday school)လိုမျိုး သင်တန်းတွေနဲ့ ထိတွေ့ပေးဖို့ကျတော့ ဘယ်သူမှ သတိတရအနေနဲ့ အချိန်ပေးပြီး မလုပ်ပေးတတ်ကြပါဘူး။ ဖွင့်တဲ့သူတွေက ဖွင့်ပေးတာတောင် မတက်နိုင်ကြဘူးဆိုတော့ ဘယ်သူတွေမှာ တာဝန်ရှိပြန်မှာလဲ။ လူငယ်တစ်ယောက်ကို လမ်းမှန်ပေါ်မှာ အတင်းလျောက်ခိုင်းစရာမလိုပါဘူး.. လမ်းမှန်ပေါ်တင်ပေးပြီး လမ်းမှန်ဆိုတာကို နားလည်သဘောပေါက်စေဖို့ပဲ လိုပါတယ်။ ဒီလိုလမ်းမှန်ကို အမှန်တကယ်သိသွားရင်.. မလျောက်ပါနဲ့ ဆိုတာတောင် သူကဆက်လျောက်နေပါလိမ့်မယ်။ မိဘတွေအနေနဲ့လည်း လမ်းမှန်တွေပေါ်ကို တင်ပေးပါလို့ ပြောချင်မိပါတယ်..။ ဗုဒ္ဓဘာသာဝင်တိုင်းအနေနဲ့လည်း ကိုယ့်ရဲ့အနာဂါတ် လူငယ်မျိုးဆက်သစ်တွေကို လမ်းမှန်ပေါ်ရောက်အောင် တင်ပေးပါလို့ ပြောလိုပါတယ်။
ဒီပိုစ့်လေးရေးမိတာဟာ အွန်လိုင်းမှာတွေ့ခွင့်ရတဲ့ နိုင်ငံရပ်ခြားမှာ အလုပ်လုပ်နေတဲ့ အစ်ကိုတစ်ယောက်ကြောင့်ပါ။ သူလည်း ဒီလိုသင်တန်းမျိုးတွေကို ဒို့ဗုဒ္ဓဘာသာဝင်တွေအနေနဲ့ များများဖွင့်စေချင်ပြီး.. ဗုဒ္ဓဘာသာလူငယ်တွေ ဘာသာရေးအသိရှိစေဖို့ကို ဆန္ဒပြုစေချင်တာပါ။ သူဖြစ်စေချင်တဲ့ဆန္ဒလေးဟာ အင်မတန် တန်ဖိုးရှိပါတယ်။ တခြားဘာသာကို တိုက်ခိုက်ပုတ်ခတ်ဖို့ တစ်ခုမှမပါပါဘူး.. ကိုယ့်ဗုဒ္ဓဘာသာလူငယ်တွေကိုပဲ ဘာသာရေးအသိလေးတွေ ရင်ထဲနှလုံးသားထဲရောက်အောင် ထည့်ပေးစေချင်တဲ့ သဘောတရားလေးပါပဲ။ အင်မတန် တန်ဖိုးရှိပါ့..။ ဗုဒ္ဓရဲ့အဆုံးမတွေကို ကျင့်ကြံလိုက်နာသူတွေ ရှိနေသ၍.. သာသနာမကွယ်ပျောက်နိုင်ပါဘူး။ ကလေးသူငယ်တွေကို ဘာသာရေးအသိထည့်ပေးတဲ့သင်တန်းတွေဟာ.. တကယ်တော့ သာသနာကို စောင့်ရှောက်နေတာနဲ့ထပ်တူပါပဲ။ ဒီလိုမျိုး လူငယ်တစ်ယောက်က ကလေးအယောက်(၁၀၀)ကျော်ကို ဘာသာရေးအသိတွေ ပေးနိုင်မယ်ဆိုရင်.. ဒီလိုမျိုးလူငယ်မျိုးတွေ နောက်ထပ် အယောက်(၁၀၀)လောက် ထပ်မံပေါ်ထွက်လာမယ်ဆိုရင် ဘယ်လောက်ကောင်းလိုက်မလဲပေါ့နော်..။ ရင်ထဲမှာတွေးရင်းတွေးရင်းနဲ့တောင် ကြည်နူးနေမိပြန်ပါတယ်..။ ဗုဒ္ဓဘာသာဝင်တိုင်း ကိုယ်တတ်နိုင်တဲ့ဘက်.. ကိုယ်စွမ်းနိုင်တဲ့ဘက်ကနေ အနာဂါတ်ဗုဒ္ဓဘာသာမျိုးဆက်တွေကို လမ်းမှန်ပေါ်တင်ပေးပါလို့ တိုက်တွန်းလိုပါတယ်..။ လမ်းမှန်ကို မိမိကိုယ်တိုင် မတွန်းပို့နိုင်သော်လည်း တွန်းတင်ပိုးပေးနေတဲ့သူတွေကို ထောက်ပံ့အကျိုးပြုနိုင်ပါစေလို့လည်း ဆန္ဒပြုမိပါတယ်။ ဒါဟာ.. တကယ်တော့ အနာဂါတ်လူငယ်တွေရဲ့ရင်ထဲမှာ ဘုရားတည်ပေးလိုက်တာပါပဲ..။ လမ်းမှန်ကိုချပြပေးနိုင်တဲ့ တာဝန်မဟုတ်တဲ့အသိတွေ ဗုဒ္ဓဘာသာဝင်တိုင်းမှာ ရှိစေပြီး.. ဘုရားကိုယ်စီတည်ပေးနိုင်ကြပါစေ..။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဆရာတော်အရှင်ဆန္ဒာဓိကရဲ့ တရားစာအုပ်တွေကို ဖတ်ဖူးမှတ်ဖူးမိတဲ့သူတွေ တော်တော်များများအနေနဲ့ အရဟံရဲ့ အနက်အဓိပ္ပါယ်ဖွင့်ဆိုချက်တွေကို မှတ်သားမိမယ်လို့ ထင်ပါတယ်။ ဆရာတော်ရဲ့စာအုပ်တိုင်းမှာ အရဟံရဲ့ဂုဏ်တော်အဖွင့်ကို အမြဲတမ်း ထည့်သွင်းပူဇော် ရှိခိုးလေ့ရှိပါတယ်။ ဆရာတော်ရဲ့စာအုပ် မဖတ်ရသေးခင်.. ဘုရားရှင်ရဲ့ အရဟံဂုဏ်တော်လေးကို နှလုံးသွင်းပြီး ကြည်ညိုသဒ္ဓါပွားလိုက်ရရင်ကို ရင်ထဲမှာ အလိုလို ငြိမ်းချမ်းအေးမြသွားတာပါပဲ။ အရဟံဆိုတဲ့ အဓိပ္ပါယ်လေးကို သိပြီးသား ဓမ္မမိတ်ဆွေတွေ အနေနဲ့ရော မသိရသေးတဲ့သူတွေအတွက်ပါ ပူဇော်နိုင်ရန် ဖော်ပြပေးချင်ပါတယ်..။ အရဟံ- ကိလေသာ ကင်းစင်တော်မူသော မြတ်စွာဘုရား၊ အရဟံ- ပူဇော်အထူးကိုခံယူတော်မူထိုက်သော မြတ်စွာဘုရား၊ အရဟံ- ဆိတ်ကွယ်ရာအရပ်၌ပင် မကောင်းမှုကိုပြုတော်မမူသော မြတ်စွာဘုရား တဲ့။ ဘုရားရှင်ရဲ့ ဂုဏ်တော်တွေ အားလုံးကို ကြည်ညိုဦးခိုက်ပူဇော်မိပါတယ်.. အဲ့အထဲမှာမှ အရဟံ- ဆိတ်ကွယ်ရာ အရပ်၌ပင် မကောင်းမှုကို ပြုတော်မမူသော မြတ်စွာဘုရားဆိုတဲ့ ဂုဏ်တော်ကို ပိုပြီးကြည်ညိုသဒ္ဓါပွားမိပါတယ်။
ဘုရားရှင်ရဲ့ဂုဏ်တော်တွေဆိုတာ ကြည်ညိုယုံသက်သက်တင် ခံယူထိုက်အပ်တဲ့ အရာတွေမဟုတ်ပါဘူး။ ဘုရားရှင်ကိုယ်တော်မြတ်ကြီးဟာ.. ရရှိထားတဲ့ဂုဏ်တော်တွေအတိုင်း အကြည်ညိုခံထိုက်အောင်၊ အပူဇော်ခံထိုက်အောင် နေထိုင်ပြုမူပြီး.. ပြောတဲ့အတိုင်းလည်း လုပ်တယ်.. လုပ်တဲ့အတိုင်းလည်း ပြောခဲ့တဲ့အတွက် ပူဇော်ထိုက်အပ်တဲ့ ဂုဏ်တော်တွေနဲ့ အပူဇော်ခံထိုက်တာပါ။ ငါပြောသလိုလုပ် ငါလုပ်သလိုမလုပ်နဲ့ဆိုပြီး ဆုံးမခဲ့တာ မဟုတ်ပါဘူး.. ငါပြောသလိုလည်းလုပ် ငါလုပ်သလိုလည်းလုပ်ဆိုတဲ့ ဂုဏ်တော်မျိုးနဲ့ သတ္တ၀ါတွေအားလုံးကို စံနမူနာပြ ပြုမူဆုံးမကျင့်ကြံပြီး နေထိုင်ပြသွားခဲ့တာပါ။ ဒီတော့ ဘုရားရှင်ရဲ့ဂုဏ်တော်တွေကို ပွားလိုက်တယ်ဆိုရင်.. အော်.. ဘုရားရှင် ကိုယ်တော်မြတ်ကြီးဟာ ဆိတ်ကွယ်ရာမှာ မကောင်းတဲ့အလုပ်တွေကို ကိုယ်တော်ဖြင့်လည်း ပြုတော်မမူဘူး.. နှုတ်တော်ဖြင့်လည်း ပြောတော်မမူဘူး.. စိတ်တော်ဖြင့်လည်း ကြံစည်တော် မမူဘူးဆိုတဲ့ ဂုဏ်တော်လေးကို နှလုံးသွင်းပြီးတော့.. ငါလည်း မလုပ်ဖြစ်အောင် စောင့်ထိန်းမှ.. မပြောဖြစ်အောင်စောင့်ထိန်းမှ.. မကြံစည်မိအောင် စောင့်ထိန်းမှဆိုပြီး ပူဇော်မှသာ ဘုရားရှင်ရဲ့ဂုဏ်တော်ကို တကယ်ယုံကြည်သက်ဝင် ပူဇော်ရာရောက်နေတာပါ။
ဘုရားရှင်ရဲ့ ဂုဏ်တော်တွေ ပွားများပြီး ကြည်ညိုတယ်ဆိုတာ.. ဘုရားရှင်ရဲ့ဂုဏ်တော်တွေအတိုင်း မိမိရဲ့ရင်ထဲနှလုံးသားထဲမှာ ကိန်းဝပ်အောင် ပြုမူလုပ်ကိုင်ဆောင်ရွက်ပြီးတော့.. ကြည်ညိုသင့် ကြည်ညိုခံထိုက်တဲ့ ဂုဏ်တော်တွေ မိမိရဲ့ရင်ထဲနှလုံးသားထဲမှာ ပွားများသထက် ပွားများလာပြီး လိုက်နာကျင့်ကြံတာကို ဆိုလိုတာပါ။ ခုကျတော့.. အဲ့လိုမဟုတ်ကြတော့ပါဘူး။ ဂုဏ်တော်ပွားရမယ်ဆိုရင်.. ပါးစပ်ကတတွတ်တွတ်နဲ့ ရွတ်နေတာများပါတယ်..။ သီတဂူဆရာတော်ဘုရားကြီး ဆုံးမသလိုပါပဲ… “ဒကာဒကာမတွေ.. အရွတ်ကြီးပဲ လုပ်မနေကြနဲ့.. အဖတ်လေးလည်းစားကြဦး” ဆိုတဲ့ အတိုင်းပါပဲနော်။ အသားဟင်းတစ်ခွက်ချက်မယ်ဆို အရွတ်နဲ့အသား ဘယ်ဟာစားမလဲဆိုရင်.. များသောအားဖြင့် အသားပါတာစားကြတာ များပါတယ်..။ ဒါပေမယ့်.. ဓမ္မကျတော့ ရွတ်ပဲရွတ်ကြတယ်.. အကျင့်ပိုင်းထိ ပါမလာကြပါဘူး။ အရွတ်မှာတင် လမ်းဆုံးနေပြီး.. တကယ်ကျင့်ကြံရမယ့် အနှစ်သာရပိုင်းကျတော့ ချန်ထားသလို ဖြစ်နေကြတာ များပါတယ်။
ဒီလိုပါပဲနော်.. သရဏဂုံပဲပွားပွား.. မေတ္တာပဲပွားပွား.. ဂုဏ်တော်ပဲပွားပွား.. ဘာတွေပဲနှုတ်က တတွတ်တွတ်ဆိုပြီး ပွားနေပါစေ.. ပွားတဲ့အတိုင်း မကျင့်ကြံရင် အရာမရောက်ပြန်ပါဘူး။ ဗုဒ္ဓသာသနာဟာ အတွေးသမားတွေအတွက် အရာမရောက် အကျင့်သမားမှသာ အရာရောက်တယ်ဆိုတဲ့ သီတဂူဆရာတော်ဘုရားကြီးရဲ့ အဆုံးမကလည်း ဘုရားရှင်သာသနာရဲ့ တကယ့်အနှစ်သာရကို ထောက်ပြထားပြန်ပါတယ်..။ သရဏဂုံပဲပွားပြီး သရဏဂုံပျက်ဆီးစေမယ့်.. ဘိုးတော်၊ နတ်၊ ယတြာ၊ ဗေဒင် စတဲ့ ဘုရားအဆုံးမနဲ့ ဆန့်ကျင်နေတဲ့ အဆုံးမတွေကို ကိုးကွယ်ယုံကြည်နေမယ်ဆိုရင်လည်း သရဏဂုံကိုရွတ်နေယုံ သက်သက်ပဲရှိပါတယ်.. ဘုရားရှင်ရဲ့အဆုံးမတွေကို အကျင့်နဲ့ပူဇော်ရာ မရောက်ပြန်ပါဘူး။ မေတ္တာတွေပွားပြီးတော့ ပွားတဲ့မေတ္တာတွေအတိုင်း သတ္တ၀ါအားလုံးအပေါ်မှာ ပြုမူပြောဆိုကြံစည်မှုတွေဟာ မှားယွင်းနေမယ်ဆိုရင်လည်း မစစ်မှန်တဲ့မေတ္တာနဲ့တင် လမ်းဆုံးနေအုံးမှာပါ။ ဒီတော့ ဗုဒ္ဓရဲ့သာသနာဟာ အကျင့်သမားတွေရဲ့ သာသနာဆိုတာ သေချာနားလည်သဘောပေါက်ဖို့ လိုအပ်ပါတယ်။
ဦးဖိုးကျားရေးသားထားတဲ့ ဘုရားဖူးခြင်းဆိုတဲ့ဆောင်းပါးမှာ.. “ဘုရားကိုသွားဖူးတာထက် ဘုရားစကား နားထောင်တာ ပိုပြီးကုသိုလ်ရတယ်.. နောက်ပြီး… ဘုရားကိုကြည်ညိုသည်ဆိုသည်မှာ ဘုရားစကားကို နားထောင်မှ ကြည်ညိုရာ ရောက်သည်” ဆိုတဲ့ အဆုံးမလေးကို မှတ်သားမိပါတယ်။ အင်မတန် တန်ဖိုးရှိတဲ့ အဆုံးမလေးပါပဲ။ လူအများစုဟာ ဘုရားဆိုတာ ရှိခိုးထိုက်တယ်.. ရှိခိုးသင့်တယ်ဆိုတာတော့ သိကြပါတယ်.. ဒါပေမယ့် ဘုရားစကားနားထောင်ပြီး ဘုရားစကားအတိုင်း လိုက်နာကျင့်ကြံဖို့.. ဘုရားရှင်ရဲ့အဆုံးမတွေကို မိမိရဲ့အကျင့်တရားနဲ့ ပူဇော်ဖို့ကျတော့ သတိမထားမိကြတာများပါတယ်။ ဒီအတွက်ကြောင့်လည်း ဗုဒ္ဓရဲ့အဆုံးမတွေကို ကျင့်ကြံနေကြတဲ့သူတွေဟာ ကြီးပွားသင့်သလောက် မကြီးပွား.. တိုးတက်သင့်သလောက် မတိုးတက်ကြရတာပါ။ ဘုရားရှင်ရဲ့အဆုံးမတွေကို မလိုက်နာမကျင့်ကြံပဲ.. မအောင်မြင်တဲ့အခါကျတော့မှ.. အလွယ်လမ်းလိုက်ကာ အချောင်ရချင်တဲ့စိတ်တွေမွေးပြီး.. စိတ်ဓါတ်ပိုင်း ဆိုင်ရာတွေ နိမ့်ကျသည်ထက် နိမ့်ကျရတာပါပဲ..။ အဓိကလိုအပ်ချက်ကို ရှာကြည့်တော့ ဘုရားရှင်ရဲ့အဆုံးမတွေကို အကျင့်ပိုင်းထိ မလိုက်နာမကျင့်ကြံကြတဲ့အတွက်ပါပဲ။
ကျွန်တော် အမြဲတမ်း တွေးမိတဲ့ စကားလေးတစ်ခွန်း ရှိပါတယ်။ အဲ့ဒါကတော့ အရဟံ- ဆိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား ဆိုတဲ့ ဂုဏ်တော်တစ်ခုရဲ့ အကျင့်နဲ့တင် ကမ္ဘာကြီးကို ငြိမ်းချမ်းသွားအောင်၊ သတ္တ၀ါအားလုံးကို ငြိမ်းအေးသွားအောင် လုပ်လို့ရတယ်ဆိုတဲ့ အတွေးလေးပါပဲ။ တစ်ယောက်ကတစ်ယောက်ကို ဆိတ်ကွယ်ရာအရပ်မှာ မကောင်းတာမလုပ်ဖြစ်အောင်၊ မကောင်းတာမပြောဖြစ်အောင်၊ မကောင်းတာမကြံစည်ဖြစ်အောင် တစ်ဦးချင်းစီက စောင့်ထိန်းကျင့်ကြံပြီး ပြုမူပြောဆိုကြံစည်သွားမယ်ဆိုရင် ကမ္ဘာပေါ်မှာ ဘယ်စစ်ပွဲမှ၊ ဘယ်ထောင်မှ၊ ဘယ်တရားရုံးမှ၊ ဘယ်မတရားတဲ့အမှုမှ ဖြစ်လာမှာ မဟုတ်ဘူးဆိုတာတော့ လက်ခံမယ်ထင်ပါတယ်။ ဒီလိုဆိုရင်.. ငါးပါးသီလဆိုတဲ့ အခြေခံစောင့်ထိန်းအပ်တဲ့ သီလတရားဆိုတာ အလိုလိုလုံခြုံပြီး စောင့်ထိန်းကျင့်ကြံပြီးသား ဖြစ်သွားမှာပါ။ တစ်ယောက်နဲ့တစ်ယောက် မနာလိုတာတွေ၊ ၀န်တိုတာတွေ၊ ရန်ပြုလိုတာတွေအချင်းချင်း နည်းသွားကြမှာပါပဲ။ ဒါဆို ဘယ်သူ့ဘယ်သူမှ အန္တရယ်ပေးချင်စိတ် မရှိကြတော့ပဲ.. သတ္တ၀ါအားလုံး ငြိမ်းချမ်းသွားမှာပါ။ ဒါဟာ ဘုရားရှင်ရဲ့ ဂုဏ်တော်ပေါင်းများစွာထဲက အရဟံ ဆိုတဲ့ ဂုဏ်တော်လေးတစ်ခုရဲ့ အကျိုးရလဒ်ပါ။
ခုတော့.. ဒါတွေနဲ့ဆန့်ကျင်ဖက်တွေ လုပ်လာကြပါတယ်။ ဆိတ်ကွယ်ရာမှာတင် မဟုတ်ကြတော့ပါဘူး.. ပေါ်တင် ခိုးကြ.. ၀ှက်ကြပါတယ်.။ ဗြောင်လိမ် ဗြောင်စားတွေ ပေါ်လာကြပါတယ်။ ဘယ်သူသေသေ ငတေမာရင်ပြီးရော ဆိုတဲ့ စကားတွေ မှိုလိုပေါက်အောင် သုံးလာကြပါတယ်။ လူရိုးသချို င်္င်းမှာရှိတယ်ဆိုတဲ့ စကားတွေတောင် ဟာသတွေအနေနဲ့ ပြောလာကြပါတော့တယ်။ ဘာမှန်းမသိသေးတဲ့ ဖြူစင်တဲ့လူငယ်တွေရဲ့ စိတ်တွေကိုတောင် သူများမိုးခါးရည်သောက်ရင် လိုက်သောက်ရတယ်ဆိုတဲ့ စကားတွေက ဖျက်ဆီးပြစ်နေပါတယ်။ အခြေခံလူ့ကျင့်ဝတ်တွေဖြစ်တဲ့ လူသားတိုင်း လိုက်နာသင့်တဲ့ အခြေခံကျင့်ဝတ်တွေတောင် မမြင်တစ်မျိုး မြင်တစ်မျိုး ဖောက်ဖျက်ပြစ်နေကြတာတွေ မြင်တွေ့နေရတာပါ။ ချဲ့တွေးပြီး ပြောရမယ်ဆိုရင် ပြောလို့တောင် ကုန်မယ်မထင်ပါဘူး။ ဘယ်မှာလဲ.. အရဟံဆိုတဲ့ ဘုရားရှင်ရဲ့ဂုဏ်တော်ကို ပူဇော်တဲ့သူတွေ.. အဲ့ဒါတွေကြည့်ရင်ကို အကျင့်ပိုင်းတွေမှာ တအား အားနည်းနေတာတွေ တွေ့နေရပါတယ်။
"သာသနာထွန်းကားတယ်ဆိုတာ ဘုရားအဆုံးမကို သိတဲ့အတိုင်းကျင့်တဲ့သူတွေ များသထက် များလာတာ.. ဘုရားအဆုံးမကို လိုက်နာသထက် လိုက်နာလာတဲ့သူတွေ များသထက် များလာတာကိုသာ သာသနာထွန်းကားလာတယ်လို့ ဆိုနိုင်ပါတယ်" ဆိုတာ ဖော်ပြပြီးပါပြီ။ ဘယ်လောက်ကြီးပဲ ဘုရားရှင်ရဲ့သာသနာတွေ ထွန်းကားနေပါတယ်ပြောပြော.. လိုက်နာကျင့်ကြံတဲ့သူတွေ အားနည်းလာရင်တော့ စိတ်ဓါတ်ပိုင်း ဆိုင်ရာတွေ နိမ့်ကျသထက် နိမ့်ကျနေတယ်လို့ ဆိုရမှာပါပဲ။ သာသနာရဲ့တန်ဖိုး မြှင့်ဖို့ဆိုတာ လိုက်နာကျင့်ကြံနေတဲ့သူတွေရဲ့လက်ထဲမှာ ရှိနေသလို.. နိမ့်ကျဖို့ဆိုတာလည်း လိုက်နာကျင့်ကြံနေသူတွေရဲ့ လက်ထဲမှာပဲ ရှိနေတာပါ။ အရဟံဆိုတဲ့ ဂုဏ်တော်တစ်ခုသာ လိုက်နာကျင့်ကြံမယ်ဆိုရင်တောင်.. ခုပြောနေတဲ့ အပြစ်လို့ ပြောတဲ့အရာတွေဟာ.. စိတ်ကူးထဲမှာတောင် ထည့်စဉ်းစားဖို့ မလိုလောက်ဖူးလို့ ထင်ပါတယ်။
ဘုရားရှင်ရဲ့အဆုံးမတွေ များစွာရှိပါတယ်။ ဒီအထဲမှာမှ အများကြီးကျင့်ကြံစရာ မလိုပါဘူး။ တစ်ခုသိပြီး အဲ့တစ်ခုကို သိတဲ့အတိုင်း လိုက်နာကျင့်ကြံစောင့်ထိန်းဖို့နဲ့ မကောင်းမှုတွေ နည်းသထက် နည်းပါးအောင် ကျင့်ကြံဖို့ဟာ ပိုပြီးအရေးကြီးပါတယ်။ အခုတော့ဖြင့်.. ဘုရားရှင်ရဲ့ အရဟံဆိုတဲ့ ဂုဏ်တော်ကိုတောင် ပူဇော်မှုတွေ လွဲမှားနေကြတဲ့အတွက် နိမ့်ကျသည်ထက် နိမ့်ကျလာရတာပါ။ ဒါ့ကြောင့်.. သိသလောက်ကျင့်ပါ..ဆိတ်ကွယ်ရာအရပ်မှာ အကုသိုလ်တွေ မလုပ်ဖြစ် မပြောဖြစ် မကြံစည်ဖြစ်အောင် တစ်ဦးချင်းတစ်ယောက်ချင်းစီ လိုက်နာကျင့်ကြံပေးခြင်းဖြင့် သာသနာကို မြှင့်တင်ပေးပါလို့ ပြောလိုပါတယ်။ ကျွန်တော်လည်း လုံးဝအပြစ်ကင်းလို့ ပြောနေတာ မဟုတ်ပါဘူး.. ပုထုဇဉ်ဖြစ်တဲ့အတွက် မိမိကိုယ်တိုင်လည်း နည်းနိုင်သမျှနည်းအောင် ကျင့်ကြံလိုက်နာပြီး ကိုယ့်ကိုယ်ကို ဆုံးမနေရတာပါပဲ။ ဒါ့ကြောင့်.. အကုသိုလ်များ လုပ်မိတော့မယ်ဆိုရင်.. အရဟံဆိုတဲ့ ဆိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရားဆိုတဲ့ ဂုဏ်တော်လေးကို နှလုံးသွင်းပြီး.. နှလုံးသွင်းတဲ့အတိုင်း လိုက်နာကျင့်ကြံပြီး စောင့်ထိန်းနိုင်ကြပါစေလို့ ဆန္ဒပြုပါတယ်..။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ခုတလော အွန်လိုင်းပေါ်မှာ ဘာသာရေးကို အခြေခံပြီး ပုတ်ခတ်ပြောဆိုနေကြတာတွေ မြင်တွေ့နေရပါတယ်။ ဒါဟာအင်မတန်မှ အရုပ်ဆိုးအကြည်းတန်စေပါတယ်..။ ကိုးကွယ်မှုဆိုင်ရာဆိုင်ရာတွေမှာ သူ့ခံယူချက် သူ့ယုံကြည်ချက်တွေနဲ့ မြတ်နိုးကိုးကွယ်နေကြတာတွေ ရှိကြပါတယ်။ ကိုယ့်ယုံကြည်ကိုးကွယ်မှုကို ထိပါးပုတ်ခတ်လာတာတွေကို လက်သင့်ခံလို့မရသလို.. အခြားဘာသာတွေကို ပုတ်ခတ်စော်ကားမှု ပြုနေတာကိုလည်း အားပေးအားမြောက်ပြုဖို့ မလိုအပ်ပါဘူး။ အဓိကကတော့. ကိုယ်ကိုးကွယ်ယုံကြည်ရာဖြစ်တဲ့ ကိုယ့်သာသနာရဲ့တန်ဖိုးကို မြှင့်ပေးချင်တယ်ဆိုရင်.. မိမိကိုယ်တိုင်ပဲ မြင့်သထက်မြင့်လာအောင် စွမ်းဆောင်ပေးနိုင်စွမ်းရှိသလို.. နိမ့်ကျအောင်လုပ်မယ်ဆိုရင်လည်း မိမိကိုယ်တိုင်ပဲ နိမ့်ကျသထက် နိမ့်ကျအောင် လုပ်နေသလိုတွေ ဖြစ်နေတတ်တယ်ဆိုတာ သိဖို့လိုအပ်ပါတယ်။ အဲ့ဒါအဓိကအကြောင်းရင်းပါ။ အချို့တွေက ကိုယ့်သာသနာကိုထိလာရင် အရုပ်ဆိုးအကြည်းတန်စေတဲ့ စကားတွေနဲ့ ပြန်လည်ချေပတာတွေ ရှိတတ်ပါတယ်။ ဒါတွေဟာ သာသနာကို ချစ်နေသလိုလို.. ကာကွယ်နေသလိုလိုနဲ့ နိမ့်ကျသည်ထက် နိမ့်ကျအောင် လုပ်နေတာနဲ့ တူပါတယ်။ ဒါကိုတော့ ဗုဒ္ဓဘာသာတွေအနေနဲ့ အဓိကသိထားဖို့ လိုအပ်ပါတယ်။
ကျွန်တော်တို့တွေဟာ ဗုဒ္ဓဘာသာဝင်တွေပါ။ ဘုရားရဲ့အဆုံးမအောက်မှာ ဘုရားရှင်ရဲ့ဆုံးမစကားတွေနဲ့ လိုက်နာကျင့်ကြံနေကြတဲ့သူတွေလို့ ပြောမယ်ဆိုရင် ဘုရားရှင်ဟာ ကျွန်တော်တို့တွေရဲ့ လက်ဦးဆရာလို့ ဆိုရမှာပါ။ ဒီတော့.. ကိုယ့်ရဲ့ဆရာရဲ့အဆုံးမတွေဟာ ဘာတွေလဲ.. ဘယ်လိုတွေ သင်ခဲ့လဲ.. ဘယ်လိုတွေ နေထိုင်ကျင့်ကြံဖို့ သင်ခဲ့လဲ ဆိုတာတွေနဲ့ နေထိုင်ပြုမူပြီး လိုက်နာကျင့်ကြံတတ်ဖို့လိုပါတယ်။ ဘုရားရှင် လက်ထက်တော်အခါတုန်းက.. ဘုရားရှင်ကို ထိပါးပုတ်ခတ်ယုံမျှ မကပါဘူးနော်.. အမျိုးမျိုး ဆဲရေးတိုင်းထွာတာတွေ.. အမျိုးမျိုး လုပ်ကြံသတ်ဖျတ်တာတွေ များစွာပါပဲ.. အဲ့ဒီ့များစွာတွေထဲမှာ ဘုရားရှင် ဘယ်လိုသာသနာပြုခဲ့သလဲ.. ဘယ်လိုမျိုး ပြုပြင်ဆုံးမပေးခဲ့သလဲ ဆိုတာလေးတွေကို မှတ်သားနှလုံးသွင်းဖို့ လိုအပ်ပါတယ်။ ဘုရားရှင် ကိုယ်တော်မြတ်ကြီးဟာ သူ့အပေါ်တိုက်ခတ်မှုတွေ.. ဝေဖန်ပုတ်ခတ်မှုတွေ.. လုပ်ကြံသတ်ဖြတ်မှုတွေကို ဒီလိုမျိုး အကြည်းတန်စေတဲ့ စကားတွေနဲ့ ပြန်လည် ချေပရမယ်လို့များ ဟောပြဆုံးမခဲ့ပါသလား.. ဒီလိုထိပါးပုတ်ခတ်လာမှုတွေကို ဒီလိုပဲ မကြားဝင့်မနာသာ စကားတွေနဲ့ ပုတ်ခတ်ပြောဆိုပြစ်ရမယ်လို့များ ဆုံးမထားခဲ့ပါသလား။
ဘုရားရှင်ကိုယ်တော်မြတ်ကြီးဟာ ယုတ်ညံ့တဲ့စကားမျိုးတွေ ပြောဖို့နေနေသာသာ.. နှုတ်ကနေ လိမ်လည်ပြောဆိုမှုမျိုးကို တစ်ခွန်းတစ်ပါဒမျှ မပြုမှုခဲ့တဲ့အတွက် သုဂတ ဂုဏ်တော်နဲ့ ရှိခိုးကြည်ညို အပူဇော် ခံထိုက်နေတာပါ။ ဒီတော့.. ကျွန်တော်တို့တွေဟာ ဗုဒ္ဓဘာသာဝင်တွေမှန်ရင်.. အားလုံးဟာ ဘုရားရှင်ရဲ့ တပည့်သားတွေပါပဲ.. ဘုရားရှင်ရဲ့အဆုံးမအောက်မှာ ရှင်သန်နေထိုင်တဲ့သူတွေဟာ ဒီလိုမျိုး နိမ့်ကျနေတဲ့စကားတွေနဲ့ ပြန်လည်ပုတ်ခတ်နေမယ်ဆိုရင်.. ဘုရားရှင်ရဲ့ အဆုံးမတွေကိုပါ နိမ့်ကျနေတယ်လို့ ပြောနေတာနဲ့ တူနေပါတယ်။ ဒီတော့ တခြားသူတွေ ဘယ်လောက်ရိုင်းရိုင်း တို့ဗုဒ္ဓဘာသာတွေ မရိုင်းဖို့လိုတယ်.. တခြားသူတွေဘယ်လောက် ပုတ်ခတ်ပုတ်ခတ်.. တို့ဗုဒ္ဓဘာသာတွေ မပုတ်ခတ်ဖို့လိုတယ် ဆိုတာလေး ပြောချင်မိပါတယ်။
ပုတ်ခတ်တဲ့သူတွေကို တဖက်ကပြန်ပြီး တွေးကြည့်မယ်ဆိုရင် သနားဖို့ကောင်းတဲ့လူတွေလို့ပဲ မြင်မိပါတယ်။ ဘုရားရှင်လက်ထက်တော်အခါတုန်းက ဘုရားရှင်ကို အမျိုးမျိုး လုပ်ကြံစွပ်စွဲပုတ်ခတ်ခဲ့တဲ့ ဒေ၀ဒတ္တ၊ ကိုယ်ဝန်ဟန်ဆောင်ပြီး စွပ်စွဲတဲ့ စိဉ္စမာနတို့လိုမျိုး အခြားအခြားသောပုဂ္ဂိုလ်တွေဟာ.. တကယ်တော့ သနားစရာတွေပါပဲ။ အတိတ်ကံရဲ့အကျိုးပေးတွေကိုက ဘုရားရဲ့အဆုံးမနဲ့ ဆန့်ကျင်ပြီး အတိုက်အခံလုပ်ဖို့ကံတွေ ပါလာခဲ့ရတာပါ။ “ပျက်စီးချိန်တန်လာလျှင် မည်သူကပင် သတိပေးပြောဆို တားမြစ် ဆုံးမပါသော်လည်း နားမ၀င်ဘဲ မိမိလုပ်သမျှ အပြုအမူ အနေအထိုင် အပြောအဆိုများကိုသာ အမှန်ထင်နေတတ်၏” ဆိုတဲ့ အဆုံးမအတိုင်းလို့ပဲ နှလုံးသွင်းရမှာပါပဲ။ “မောဟအမှောင် အားကြီးလာလျှင် အမေပြောလည်းမရ၊ အဖေပြောလည်းမရ၊ နောက်ဆုံး ဘုရားပြောသော်လည်း ရမည်မဟုတ်ပေ” ဆိုတဲ့ အတိုင်းပါပဲ.. ဘယ်လောက်ကြီးပဲ ကြည်ညိုထိုက်တဲ့ဂုဏ်တွေ.. ရိုသေလေးစားထိုက်တဲ့ဂုဏ်တွေ ရှိနေပါစေ.. ဘယ်လောက်ကြီးပဲ ကောင်းမွန်တဲ့လမ်းကြောင်းတွေ ပြောပြပြီးဆုံးမနေပါစေ.. မောဟအမှောင် အားကြီးလာရင်တော့ ဘယ်သူ့ဘယ်သူမှ မကယ်နိုင်ပါဘူး..။ သူ့လမ်းကြောင်းသူ လျောက်နေတယ်လို့ပဲ နှလုံးသွင်းဆင်ခြင်ရမှာပါ။ ဒါကိုမှ ကိုယ်ကသွားပြီး မကြည်ညိုရကောင်းလား.. စော်ကားနေရတာလား ဆိုရင်တော့ သူ့ကိုအမှီပြုပြီး ကိုယ်ပါ အကုသိုလ် များစေနိုင်ပါတယ်။
ဆရာတော်တစ်ပါးဟောပြဆုံးမပေးတာလေး မှတ်သားမိပါတယ်.. “လူတစ်ယောက်နဲ့ ပြိုင်ပြီး ငြင်းဆိုပြောဆိုနေတာတွေ.. ဆဲရေးတိုင်းထွာပုတ်ခတ်နေတာတွေဟာ ကိုယ့်အဆင့်ကို သူနဲ့တန်းတူမညီ ညီအောင် လုပ်နေတာနဲ့ တူတယ်” ဆိုတဲ့ ဆုံးမစကားလေးပါ။ သူရိုင်းတိုင်း လိုက်ရိုင်းရရင် ကိုယ်ပါ လူရိုင်းဖြစ်သွားမယ်ဆိုတဲ့ အတိုင်းပါပဲ။ ကျွန်တော်တို့ ဗုဒ္ဓဘာသာဟာ အဆုံးမအထိန်းကွပ် မရှိတဲ့ ဘာသာမဟုတ်ပါဘူး.. ဘုရားရှင်ရဲ့အဆုံးမအောက်မှာ နေထိုင်ကျင့်ကြံနေကြတဲ့ ဘာသာဝင်တွေပါ။ ဒီတော့ ဘုရားရှင်ရဲ့ အဆုံးမတွေကို မှန်ကန်ကြောင်း ပြချင်ရင်.. အဲ့အဆုံးမတွေကို လိုက်နာကျင့်ကြံနေတဲ့သူတွေဟာ ဘယ်လောက်ထိ အဆုံးမအတိုင်း နေထိုင်နိုင်သလဲဆိုတာနဲ့ပဲ ဖော်ကျူးရမှာပါ။ ငါတို့အဆုံးမတွေက မှန်တယ်လို့ အော်နေစရာမလိုပါဘူး.. မှန်တာနဲ့ထိုက်တန်နိုင်အောင် နေထိုင်ပြနိုင်ဖို့ဟာ ပိုပြီး အရေးမကြီးပေဘူးလား..။ အဲ့ဒါဟာ အဓိကပါပဲ..။
နောက်တစ်ချက်အနေနဲ့ကတော့.. ဘုရားရှင်ကိုယ်တော်မြတ်ကြီး ဆုံးမခဲ့တဲ့.. “ရဟန်းတို့… သူတစ်ပါးတို့သည် ငါ၏ အပြစ်ကိုဖြစ်စေ၊ တရား၏အပြစ်ကို ဖြစ်စေ၊ သံဃာ၏ အပြစ်ကို ဖြစ်စေ ပြောကြရာ၌ ဤစကားသည် ဤအကြောင်းကြောင့်လည်း မဟုတ်၊ ဤအကြောင်းကြောင့်ကြောင်း မမှန်၊ စင်စစ်အားဖြင့် ဤအပြစ်သည် ငါတို့၌ ထင်ရှားမရှိဟု မဟုတ်သည်ကို မဟုတ်သည့် အတိုင်း သင်တို့ ဖြေရှင်းရမည်” ဆိုတဲ့ အဆုံးမလေးပါ။ ဒီတော့ ဘုရားရှင်ရဲ့အဆုံးမအတိုင်း ပြန်လည်စဉ်းစားတွေးခေါ်ဖို့ လိုအပ်ပါတယ်။ ကိုယ်ပြန်လည်ဖြေရှင်းပေးရမယ့်သူ.. ဟောပြဆုံးမပေးရမယ့်သူဟာ ကိုယ်ပြောဆို ရှင်းလင်းပြတဲ့အမှန်တရားကို လက်သင့်ခံနိုင်တဲ့ဥာဏ်မျိုး ရှိတဲ့သူလား.. ဒါမှမဟုတ် ကိုယ်ပြောလိုက်တဲ့ စကားတစ်ခွန်းကြောင့် သူ့ရဲ့အမြင်တွေ အတွေးတွေ ပြောင်းလဲသွားနိုင်မှာလား ဆိုတဲ့အကြောင်းကို ဦးစွာစဉ်းစားဖို့ လိုအပ်တယ် ဆိုတာလေးပါ။ ကျွန်တော်ပြောတဲ့အထဲမှာ ဘုရားရဲ့အဆုံးမတွေကို ဒီအတိုင်း ပြီးစလွယ် ဘယ်သူစော်ကားနေနေ လက်ပိုက်ကြည့်နေရမယ်လို့ ဆိုလိုတာမဟုတ်ပါဘူးနော်.. ဟုတ်တိုင်းမှန်စွာ လက်ခံနိုင်တဲ့သူမျိုးဆိုရင်တော့ ဘုရားရှင် အဆုံးမအတိုင်း ပြောပြဆုံးမပေးပါ.. လက်မခံနိုင်တဲ့သူမျိုးဆိုရင်တော့ ဦးစွာစဉ်းစားချင့်ချိန်ပြီးမှ ပြောဆိုပါလို့ တိုက်တွန်းပါရစေ..။
ဒီအကြောင်းရာလေးကို ရေးရတာဟာ ဘယ်သူ့ဘယ်သူမှ ပုတ်ခတ်လိုပြီး ပြောလိုခြင်းမဟုတ်ပါဘူး။ ဗုဒ္ဓဘာသာဝင်အများစုကို သတိထားပြီး လုပ်ကိုင်ပြောဆိုစေချင်တဲ့ သဘောလေးပါပဲ။ ကျွန်တော်တို့ သာသနာဟာ သူများပါးစပ်မှာတင် လမ်းဆုံးသွားမယ့်ဘာသာမျိုး မဟုတ်ဘူးဆိုတာ သိစေချင်တာပါ။ သူများ နှိမ့်ချတိုင်းလည်း မနိမ့်ကျနိုင်သလို.. သူများ ချီးမွမ်းတိုင်းလည်း သဘောကျနေရမယ့်ဘာသာ မဟုတ်ပါဘူး။ ဒါပေမယ့် ဗုဒ္ဓဘာသာဝင်တစ်ယောက်ရဲ့ နှုတ်ကထွက်လိုက်တဲ့ စကားတစ်ခွန်း.. ရေးသားလိုက်တဲ့ စာတစ်ကြောင်းဟာ ဗုဒ္ဓရဲ့အဆုံးမတွေနဲ့ မဆန့်ကျင်နေဖို့ အဓိကလိုအပ်ပါတယ်။ ဘုရားရှင်ရဲ့ အဆုံးမနဲ့ ဆန့်ကျင်ပြီး လုပ်ကိုင်ပြောဆိုနေမယ့်အစား ဗုဒ္ဓဘာသာ မဟုတ်ဖူးလို့ ပြောလိုက်တာဟာ ပိုပြီးသင့်တော်ပါတယ်။ ဒီလိုမှ မဟုတ်ရင် ကိုယ်ပြောလိုက်တဲ့စကား.. ကိုယ်ရေးလိုက်တဲ့ အရေးသားတွေဟာ ဘုရားရှင်ရဲ့ အဆုံးမတွေကို ဖျက်ဆီးစော်ကားရာ ရောက်နေပါတယ်..။ ဒါ့ကြောင့် ဘုရားရှင်ရဲ့အဆုံးမတွေကို မိမိကိုယ်တိုင် ဖျက်ဆီးနေတဲ့သူမျိုး မဖြစ်အောင် ထိန်းသိမ်းစောင့်ရှောက်ကြပါလို့ အဓိက မှာလိုပါတယ်..။ ဘုရားရှင်ရဲ့သာသနာအတွက် ဘုရားရှင်ရဲ့အဆုံးမတွေကို လိုက်နာကျင့်ကြံခြင်းဖြင့် မိမိရဲ့ဘာသာသာသနာကို စောင့်ရှောက်နိုင်ကြပါစေလို့ ဆန္ဒပြုပါတယ်..။ ကိုယ့်ကြောင့် ကိုယ့်သာသနာ… မနိမ့်ကျပါစေနဲ့…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
သာသနာဆိုတာ အဆုံးမဆိုတဲ့ အဓိပ္ပါယ်ပါ။ ဗုဒ္ဓသာသနာဆိုတာကတော့ ဗုဒ္ဓရဲ့အဆုံးမပါ။ သာသနာဆိုတာကို အခြေခံပြီးတော့ အမျိုးမျိုး သုံးနှုန်းထားတာတွေ ရှိပါတယ်။ သာသနာပြုတယ်တို့.. သာသနာထွန်းကားတယ်တို့.. သာသနာသန့်ရှင်းရေးတို့.. ဆိုတဲ့စကားအရပ်ရပ်ကို ဗုဒ္ဓဘာသာဝင်တွေ တော်တော်များများ သုံးကြပါတယ်။ အဲ့ဒီ့အမျိုးမျိုးတွေအထဲမှာ ကျွန်တော်အပြောချင်ဆုံးကတော့ သာသနာထွန်းကားတယ်ဆိုတဲ့ အသုံးနှုန်းလေးပါ။ အဆုံးမထွန်းကားတယ်ဆိုတဲ့ စကားပေါ့။ သာသနာတော်ကြီး စည်ပင်လာတယ်.. ထွန်းကားလာတယ်ဆိုတာ ဘာကိုဆိုလိုတာလဲ။ ဗုဒ္ဓဘာသာထဲကို ၀င်ရောက်လာတဲ့သူတွေ များသထက် များလာတာလား.. ဒါမှမဟုတ် ဘုရားရှင်ရဲ့သာသနာကို ၀င်ရောက်ပြီး ရှင်ရဟန်းပြုတဲ့ ရဟန်းသံဃာတွေ များသထက် များလာတာလား.. ဒါမှမဟုတ် ရွှေစေတီကြီးတွေ တ၀င်းဝင်းနဲ့ ဘုရား၊ ကျောင်းကန်တွေ ပေါများလာတာလား.. ဒါမှမဟုတ် တရားရိပ်သာတွေ တရားစခန်းတွေမှာ ရိပ်သာဝင်တဲ့လူဦးရေတွေ များသထက် များလာတာလား ဆိုတဲ့ လားပေါင်းများစွာအပေါ်မှာ အခြေခံပြီး စဉ်းစားကြည့်မိပါတယ်။ အဲ့လိုမျိုးတွေ များသထက် များလာတာဟာ သာသနာထွန်းကားလာတာလား…။
ဘုရားရှင်ရဲ့သာသနာဖြစ်တဲ့ အဆုံးမတွေ ထွန်းကားလာတယ်လို့ ပြောလိုက်တာဟာ ဘုရားအဆုံးမကို ဘုရားရှင် ဆုံးမခဲ့တဲ့အတိုင်း လိုက်နာကျင့်ကြံအားထုတ်တဲ့သူတွေ များသထက် များလာတာကို ဆိုလိုတာပါပဲ။ ဗုဒ္ဓဘာသာထဲကို ၀င်ရောက်လာတဲ့သူတွေ များတိုင်း သာသနာထွန်းကားတယ်လို့ ပြောလို့မရနိုင်သလို.. ၀င်ရောက်လာတဲ့သူတွေ မရှိတိုင်းလည်း သာသနာ မထွန်းကားဘူးလို့.. ပြောလို့မရနိုင်ပါဘူးဆိုတဲ့ စကားလေးကို အရင်ဆုံး ပြောလိုပါတယ်။ အချို့တွေက ထင်ကြပါတယ်။ ဗုဒ္ဓဘာသာဝင်တွေ အများဆုံးဖြစ်တဲ့ မြန်မာနိုင်ငံမှာ ရွှေစေတီကြီးတွေ ၀င်းဝင်းထိန်နေတာ.. ရဟန်းသံဃာတော်တွေ များသထက်များလာတာ.. တရားရိပ်သာတွေမှာ တရားစခန်းဝင်တဲ့ ယောဂီတွေ များသထက်များလာတာကို သာသနာတော် ထွန်းကားလာပြီလို့ ထင်ကြတာ တွေရှိပါတယ်။ တကယ်တော့ ရွှေစေတီကြီးတွေ ဘယ်လောက်ဝင်းဝင်း.. ရဟန်းသံဃာတွေ ဘယ်လောက်များများ.. တရားစခန်းဝင်တဲ့ ယောဂီတွေ ဘယ်လောက်များများ သာသနာထွန်းကားတယ်လို့ မဆိုနိုင်ပါဘူး။ သာသနာထွန်းကားတယ်ဆိုတာ ဘုရားအဆုံးမကို သိတဲ့အတိုင်းကျင့်တဲ့သူတွေ များသထက် များလာတာ.. ဘုရားအဆုံးမကို လိုက်နာသထက် လိုက်နာလာတဲ့သူတွေ များသထက် များလာတာကိုသာ သာသနာထွန်းကားလာတယ်လို့ ဆိုနိုင်ပါတယ်။
ဘုရားရှင်ရဲ့ အဆုံးမတွေ ထွန်းကားလာမှုကို အရေအတွက်နဲ့ တိုင်းတာကြည့်မယ်ဆိုရင် အမှားကြီး မှားသွားပါလိ့မ်မယ်။ နောက်ပြီး အများသူငါချီးမွမ်းနေယုံနဲ့ ဒါအကောင်းဆုံးပဲ ဒါအမှန်ပဲလို့ထင်နေရင်လည်း အထင်နဲ့တင် လမ်းဆုံးနေပါအုံးမယ်။ ဆရာတော် ဦးသုမင်္ဂလ ဟောပြဆုံးမတဲ့ အဆုံးမလိုပါပဲ.. “ဗုဒ္ဓဘာသာကို အကောင်းဆုံး ဘာသာအဖြစ် ချီးမွမ်းခြင်း ခံရတယ်ဆိုတာကို ၀မ်းမသာနိုင်ဘူး.. အချီးမွမ်းခံနိုင်လောက်အောင် ဘုရားအဆုံးမတွေကို လိုက်နာကျင့်ကြံတဲ့သူတွေရှိမှသာ ၀မ်းသာနိုင်မယ်” ဆိုတဲ့ အဆုံးမစကားလေးပါ။ ဆရာတော်ရဲ့အဆုံးမဟာ အင်မတန် တန်ဖိုးရှိပါတယ်။ သူများချီးမွမ်းနေယုံနဲ့ ကျေနပ်နေရမယ့် သာသနာ မဟုတ်သလို.. သူများနှိမ့်ချတိုင်းလည်း နိမ့်ကျသွားမယ့် သာသနာ မဟုတ်ဘူးဆိုတာ သဘောပေါက်ထားဖို့ လိုပါတယ်။ ချီးမွမ်းတဲ့သူတွေ မရှိလည်း ဘုရားအဆုံးမတွေဟာ ချီးမွမ်းခံထိုက်နေမှာ ဖြစ်သလို.. ကဲ့ရဲ့နှိမ့်ချနေတိုင်းလည်း ဘုရားအဆုံးမတွေဟာ နိမ့်ကျသွားမယ့်အရာ မဟုတ်ပါဘူး.. လိုက်နာကျင့်ကြံတဲ့သူတွေ မရှိမှသာ ကွယ်ပျောက်သွားမယ့် သာသနာပါ။ တန်ဖိုးကြီးမားတဲ့ ပတ္တမြားတစ်တုံးကို အမြင်နဲ့ကြည့် အတွေးနဲ့တွေးပြီး အတုလား အစစ်လားဆိုပြီး အငြင်းပွားချင်သလို ပွားနေပါစေ.. ပတ္တမြားရဲ့တန်ဖိုးကတော့ ပတ္တမြားတန်ဖိုးအတိုင်းပါပဲ.. ဘာမှပြောင်းလဲသွားမှာ မဟုတ်ပါဘူး။ ခိုးယူဖျောက်ဖျက်ပါစေအုံး.. တန်ဖိုးကတော့မပျောက်ပျက်ပါဘူး.. ပတ္တမြားလို့ သတ်မှတ်တန်ဖိုးထားတဲ့သူတွေ မရှိမှသာ ပတ္တမြားဆိုတဲ့နာမည်ပျောက်သွားရမှာပါ။
ဒီအကြောင်းလေး ပြောမိတော့.. သီတဂူဆရာတော်ဘုရားကြီးရဲ့ ဆုံးမသြ၀ါဒကိုလည်း နားထဲက ကြားယောင်မိပြန်ပါတယ်.. “ဗုဒ္ဓသာသနာမှာ အတွေးသမားတွေအတွက် အရာမရောက်၊ အကျင့်သမားမှ အရာရောက်တယ်.. ကျင့်မှသိနိုင်မယ်..” ဆိုတဲ့ ဆုံးမစကားလေးပါပဲ။ မှန်ပါပေတယ်.. အချို့က အမြင်နဲ့ကြည့်ကြတယ်.. အချို့က အကြားနဲ့ နားစွန့်ကြတယ်.. အချို့က အတွေးနဲ့ စိမ့်ဝင်တွေးတောကြတယ်။ အပေါ်ယံ အမြင်အတွေးတွေဟာ အတွင်းထဲက တန်ဖိုးရှိလှတဲ့ အနှစ်သာရကို မသိနိုင်ပါဘူး။ အနှစ်သာရကို သိရှိချင်တယ်ဆိုရင်တော့ ကိုယ်တိုင်ကျင့်ကြံအားထုတ်မှသာ ရနိုင်ပါလိ့မ်မယ်။ ကိုယ်တိုင်ကျင့်ကြံအားထုတ်ကြည့်ပါဆိုတဲ့ သီတဂူဆရာတော်ဘုရားကြီးရဲ့ ဆုံးမစကားကို.. လာလှည့်ရှုလှည့်ကျင့်လှည့်ဆိုတဲ့ တရားဂုဏ်တော်ကလည်း ထပ်တူ ကြိုဆိုနေပြန်ပါပေတယ်။ ၀ါဝါမြင်တိုင်းလည်း ရွှေမထင်နဲ့.. ဆိုတဲ့ စကားအတိုင်းပါပဲ.. အဝေးကမြင်တိုင်း အ၀ါရောင်တွေ့ရင် ရွှေလို့ထင်ရပေမယ့်.. တကယ့်ရွှေအစစ်ရဲ့ အရည်အသွေးကို သိဖို့အတွက်ဆိုရင်တော့ ကိုယ်တိုင်လေ့လာသုံးသပ်ပြီး မှတ်ကျောက်တင်ကြည့်မှသာ ဘယ်သူက အတုလို့ပြောနေနေ ရွှေအစစ်လို့ မိမိကိုယ်တိုင် လက်ခံယုံကြည်လာမှာ ဖြစ်ပါတယ်ဆိုတဲ့ အတိုင်းပါပဲနော်။
ဒီတော့ ဗုဒ္ဓသာသနာမှာ အရေးကြီးဆုံးဟာ အကျင့်ပိုင်းမှာ အဓိကကျတယ်ဆိုတာလေး သိလာရပါတယ်။ ဗုဒ္ဓသာသနာရဲ့အဆုံးမအနှစ်သာရတွေကို အနှစ်ချုပ်ကြည့်မယ်ဆိုရင်.. မကောင်းမှုရှောင် ကောင်းမှုဆောင် ဖြူအောင် စိတ်ကိုထားဆိုတဲ့ သုံးချက်ပါပဲ။ "မကောင်းတာမှန်သမျှမလုပ်နဲ့.. ကောင်းတာမှန်သမျှ တခုမှမကျန် အကုန်လုပ်.. စိတ်ကို ဖြူစင်သန့်ရှင်းအောင်ထား" ဆိုတဲ့ အဆုံးမတွေပါပဲ။ ဘုရားရှင်ရဲ့အဆုံးမဖြစ်တဲ့ ဘယ်အဆုံးမမဆို ဒီအချက်သုံးချက်က လွတ်သွားတယ်ဆိုတာ မရှိပါဘူး။ ဒီတော့ ဘယ်အလုပ်ပဲ လုပ်နေနေ ဘယ်နေရာပဲ ရောက်နေနေ.. ဘယ်သူတွေနဲ့ပဲနေရနေရ ဒီသုံးချက်က လွတ်မသွားဘူး.. ဒီသုံးချက်အတိုင်း လိုက်နာနေတယ်ဆိုရင် ဒါဟာ ဘုရားအဆုံးမကို လိုက်နာကျင့်ကြံပြီး ဘုရားရှင်ရဲ့သာသနာကို တရားအကျင့်နဲ့ပူဇော်ရာ ရောက်နေတာပါပဲ။ ဒီအကျင့်တရားကို ကျင့်ကြံနေတာဟာ ကျငြ့်ကံတဲ့သူရဲ့ ရင်ထဲနှလုံးသားထဲမှာ သာသနာထွန်းကားနေတဲ့ အချိန်ပါပဲ။ ဘုရားအဆုံးအမတွေ မိမိရင်ထဲမှာ ကိန်းအောင်းနေတာဟာ မိမိရင်ထဲမှာ သာသနာထွန်းကားနေတာပါပဲ။
ဒီလိုဆိုရင် အဆုံးမတွေ ထွန်းကားတယ်.. အဆုံးမတွေ ကိန်းအောင်းနေတယ်ဆိုတာကို ထိုင်တာတွေ၊ ထတာတွေ ရပ်တာတွေ လျောင်းတာတွေနဲ့ သုံးသပ်လို့ မရဘူးဆိုတာလည်း သေချာသွားပါတယ်။ လျောင်း၊ ထိုင်၊ ရပ်၊ သွားဆိုတဲ့ အချိန်တိုင်းမှာ ဘုရားအဆုံးမ အချက်သုံးချက်ကိန်းနေရင် ဒီလူရဲ့ရင်ထဲမှာ သာသနာ ထွန်းကားနေတယ်လို့ ပြောလိုက်ပါရစေ..။ ရွှေစေတီကြီးတွေတော့ တစ်ဆူပြီး တစ်ဆူတည်တဲ့သူတွေ များလာပါရဲ့.. လူတွေရဲ့ရင်ထဲမှာ လောဘ၊ ဒေါသ၊ မောဟဆိုတဲ့ မီးသုံးပါးတွေ ငြိမ်းမသွားဘူး.. နည်းမသွားဘူးဆိုရင်တော့ ဒါဟာ ဘုရားသာသနာထွန်းကားတာ မဟုတ်ပါဘူး။ ဗုဒ္ဓရဲ့အဆုံးမကို လိုက်နာကျင့်ကြံနေပါတယ်ဆိုတဲ့ ဗုဒ္ဓဘာသာဝင်တွေ တစ်ယောက်နဲ့တစ်ယောက် လိမ်ညာလှည့်ဖျားပြီး ခေါင်းပုံဖြတ်နေမယ်.. တကိုယ်ကောင်းဆန်နေမယ်.. ဗုဒ္ဓဘာသာရဲ့အခြေခံသီလတွေကို ဖောက်ဖျက်နေမယ်ဆိုရင်လည်း သာသနာထွန်းကားတယ်လို့ မပြောနိုင်ပြန်ပါဘူး။ ရဟန်းသံဃာတွေ ဘယ်လောက်များများ ဘုရားရှင်အဆုံးမအတိုင်း လိုက်နာဟောပြဆုံးမတဲ့သူတွေ နည်းသထက် နည်းလာရင်တော့ ဒါဟာသာသနာထွန်းကားတယ်လို့ မဆိုပြန်နိုင်ပါဘူး။
နောက်ဆုံးအနေနဲ့ ပြောလိုတာကတော့.. ဘယ်လောက်ကြီးပဲ ရိပ်သာတွေမှာ ယောဂီတွေများများ.. ရိပ်သာမှာကျင့်ကြံအားထုတ်ခဲ့တဲ့ ဘုရားအဆုံးမတွေတိုင်း လောကီလူ့ဘောင်မှာ လိုက်နာကျင့်သုံးမှု မရှိသေးဘူးဆိုရင်တော့.. ကျင့်ကြံသူတွေရဲ့ရင်ထဲမှာ သာသနာမထွန်းကားသေးပြန်ပါဘူး။ ဒီတော့ သာသနာထွန်းကားတယ်ဆိုတာ အပြင်မှာ ရွှေစေတီတည်ထားတဲ့အတိုင်း မိမိရဲ့ရင်ထဲမှာ ဘုရားအဆုံးမတွေ တည်အောင်.. တရားရိပ်သာတွေမှာ ကျင့်ကြံအားထုတ်ခဲ့တဲ့ ဘုရားအဆုံးမတွေအတိုင်း.. လောကီလူ့ဘောင်မှာ တရားနဲ့ဘ၀ကို ထပ်တူဖြစ်အောင်နေနိုင်တာတွေမှ ဘုရားသာသနာထွန်းကားတယ်လို့ ပြောလိုက်ပါရစေ…။ ဘုရားအဆုံးမအတိုင်း လိုက်နာကျင့်ကြံတဲ့သူတွေ များသထက်များ၍ သာသနာအစစ်မှန် ထွန်းကားနိုင်ပါစေ…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
အရင်ဆုံး ကိုယ့်ကိုယ်ကို ပြန်မေးကြည့်မိတယ်။ ဗုဒ္ဓကို ဘာလို့ယုံတာလဲ ဆိုတဲ့ မေးခွန်းလေးပါ။ တန်ခိုးကြီးလို့လား.. ဒါမှမဟုတ် မိဘဘိုးဘွားတွေ မိရိုးဖလာအစဉ်အလာအရ ကိုးကွယ်ခဲ့တဲ့ အတွက်လား.. ဒါမှမဟုတ် ဆုတောင်းရင် ဆုတောင်းပြည့်ပြီး ကိုယ့်ရဲ့ အပြစ်တွေများ ဖြေဖျောက်ပေးမှာမို့လို့လား.. ဒါမှမဟုတ် ယုံဆိုယုံလိုက်ကွာ.. ဘာမှမေးမနေနဲ့.. ကိုးကွယ်လိုက်ပြီးတာပဲ.. ဆိုတဲ့ သူတစ်ပါးရဲ့ စေခိုင်းမှုကြောင့် ကိုးကွယ်နေရတဲ့ အကြောင်းလေးတွေကြောင့်လားဆိုပြီး တွေးကြည့်မိပါတယ်။ ဘာကိုယုံတာလဲ.. ယုံတယ်ဆိုရင် ကိုယ်ယုံကြည်တာ တစ်ခုခုတော့ အခိုင်အမာရှိရမယ်။ အခိုင်အမာမရှိပဲ မှန်းယုံ ရမ်းယုံမယ်ဆိုရင်တော့ ဘုရားရှင်ကို တကယ်ယုံကြည်တာ မဟုတ်တော့ပဲ အားကိုးရှာတဲ့ သဘောမျိုး ဖြစ်သွားပါလိမ့်မယ်။ အခိုင်အမာယုံကြည်မှုမရှိသေးပဲ မှန်းယုံရမ်းယုံမယ် ဆိုရင်တော့ ဘုရားရှင်ရဲ့ အဆုံးမတွေဟာ လိုက်နာကျင့်ကြံစရာလို့ မထင်တော့ပဲ.. ဆုတောင်းနေရုံနဲ့ ဆုတောင်းတဲ့အတိုင်း ပြည့်သွားလိမ့်မယ်လို့ ထင်သွားပါလိမ့်မယ်..။ ဒီတော့ ထပ်မေးပါဦးမယ်.. ဘာကိုယုံတာလဲ..။
ကျွန်တော်ယုံကြည်တာ အခိုင်အမာတစ်ခုရှိပါတယ်။ ဘုရားရှင်ရဲ့ အဆုံးမတွေကို ယုံကြည်မိပါတယ်။ ဘုရားရှင်ရဲ့ အဆုံးမတွေဟာ သတ္တ၀ါအားလုံးအပေါ်မှာ ဘယ်သူ့ဘယ်သူမှ အကျိုးမယုတ်စေခဲ့တဲ့ အဆုံးမတွေဖြစ်လို့ပါ။ လူသားတွေရဲ့ ရင်ထဲနှလုံးသားထဲမှာ ငြိမ်းအေးမှု အမှန်တရားတွေကို ပေးစွမ်းနိုင်လို့ပါပဲ။ ဘုရားရှင် ဟောပြဆုံးမခဲ့တဲ့ အဆုံးမတွေမှာ တစ်ပါးသူကို ထိခိုက်နစ်နာစေလိုတဲ့ အဆုံးမတွေ တစ်ခုမှ မရှိခဲ့ပါဘူး။ လူတွေရဲ့ ရင်ထဲမှာ အမြဲတမ်းတောက်လောင်နေတဲ့ လောဘ၊ ဒေါသ၊ မောဟမီးတွေကို ငြိမ်းချမ်းသွားနိုင်အောင် ငြှိမ်းပေးနိုင်စွမ်းရှိပါတယ်။ တိရိစ္ဆာန်တစ်ကောင်အလား အိပ်၊ စား၊ ကာမတွေခံစားပြီး လူ့ဘ၀ကို အချိန်ကုန် အသုံးချသွားမယ့်သူတွေကို.. လူ့ဘ၀ရလာတာဟာ ဘယ်လောက်တန်ဖိုးရှိတယ်ဆိုတဲ့ အသိတရားတွေ ရရှိလာအောင်.. လူ့ဘ၀ကို တန်ဖိုးထားတတ်လာစေတဲ့ အသိတရားတွေ ထည့်ပေးနိုင်စွမ်းလည်း ရှိပါတယ်။ အ၀ိဇ္ဇာအမှောင်ထုအားကြီးပြီး ဥာဏ်မျက်စိကန်းနေတဲ့သူတွေကို ဥာဏ်မျက်စိတပ်ပေးသလို ၀ိဇ္ဇာအလင်းရောင် ပေးစွမ်းနိုင်စေပါတယ်။ ဒါတွေဟာ ဘုရားရှင်ရဲ့ အဆုံးမကျေးဇူးတွေကြောင့်ပါ။ တကယ်တော့ ဘုရားရှင်ရဲ့ ဓမ္မဂုဏ်တော်တွေဟာ စာဖွဲ့လို့ ချီးကျူးလို့တောင် ကုန်နိုင်လောက်မယ် မထင်ပါဘူး။
ဘုရားရှင်ရဲ့ အဆုံးမတွေဟာ မျက်စိမှိတ်ပြီး ဆုတောင်းနေရုံနဲ့ ခေါင်းထဲဝင်ရောက်လာမယ့် အရာတွေမဟုတ်ပါဘူး။ ထိုင်နေပြီးတော့ ဘုရားရှင်ကယ်ပါဆိုပြီး ဒုက္ခကနေကင်းလွတ်သွားမယ့် အဆုံးမတွေလည်း မဟုတ်ပါဘူး။ ကိုယ်တိုင်လေ့လာမှတ်သားပြီး လိုက်နာကျင့်ကြံအားထုတ်မှသာ လက်တွေ့ခံစားရမယ့် အကျိုးကျေးဇူးတွေရရှိမှာပါ။ ဗုဒ္ဓရဲ့အဆုံးမတွေကို သေချာမလေ့လာပဲနဲ့ သူများယုံလို့ လိုက်ယုံလိုက်ရတယ်.. မိဘက ငါတို့ကိုးကွယ်တာ အမှန်ပဲဆိုလို့ လိုက်ကိုးကွယ်နေရတယ်ဆိုရင် ဒီလူဟာ ဗုဒ္ဓဘာသာဝင်စစ်စစ်တစ်ယောက် မဟုတ်သေးပါဘူး။ ဗုဒ္ဓရဲ့အဆုံးမတွေကို တကယ်မလေ့လာမသုံးသပ်ပဲ ဗုဒ္ဓဘာသာဝင်တစ်ယောက်အဖြစ် ခံယူထားတာဟာ ဘုရားရှင်ရဲ့ အဆုံးမတွေကို မျက်နှာလွှဲထားရာ ရောက်သလို.. ဗုဒ္ဓသာသနာကိုလည်း အဆင့်နှိမ့်လိုက်သလို ဖြစ်စေပါတယ်။ ဘုရားဆိုတာကို ရှိခိုးဖို့ ဆုတောင်းဖို့လောက်နဲ့တော့ မကိုးကွယ်သင့်ဘူးလို့ ကျွန်တော့အနေနဲ့ ပြောချင်ပါတယ်။ ရှိခိုးရုံ ဆုတောင်းရုံဆိုရင်တော့ ဗုဒ္ဓဆုံးမခဲ့တဲ့အဆုံးမတွေဟာ အလကားဖြစ်သွားမှာပါပဲ။ ဘုရားရှင်ရဲ့ အဆုံးမတွေကို တကယ်သိချင်ရင်.. တကယ်လိုက်နာ တကယ်ကျင့်ကြံကြည့်မယ်ဆိုရင်တော့ လက်တွေ့ကို သိရှိခံစားရရှိလာရမယ်ဆိုတာ မလွဲပါဘူး။
ဘုရားရှင်အပေါ်မှာ ယုံကြည်မှုသဒ္ဓါတရား တိုးချင်တယ်ဆိုရင် ဘုရားရဲ့ အဆုံးမတွေကို လိုက်နာကျင့်ကြံမှသာ တိုးလာမှာဖြစ်ပါတယ်။ ဒီလိုမှမဟုတ်ပဲ.. ဘုရားစာဆိုလို့သာ လိုက်ဆိုနေရတယ်.. ဘာတွေရေးထားတာလည်း ဘာမှလည်း နားမလည်ဘူးဆိုရင်တော့ အကန်းယုံနေတာပဲ ဖြစ်နေမှာပါ။ တရားဂုဏ်တော်(၆)ပါးဖြစ်တဲ့ (၁) သွာက္ခာတဂုဏ်- ဘုရားရှင်သည် မဂ်တရား ဖိုလ်တရား နိဗ္ဗာန် ပရိယတ်(၁၀)ပါးသော တရားတော်မြတ်တို့ကို ကောင်းမွန်စွာ ဟောကြားတော်မူအပ်သော ဂုဏ်၊ (၂) သန္ဒဋ္ဌိတဂုဏ်- တရားတော်တို့ကို ကျင့်ကြံတော်မူသောသူသည် ကိုယ်တိုင်သိမြင်နိုင်တော်မူသော ဂုဏ်၊ (၃) အကာလိကော- အမြတ်လေးပါး မဂ်တရားသည် အခါမလင့် အကျိုးပေးသော ဂုဏ်၊ (၄) ဧဟိပဿိက- လာပါ၊ ရှုပါ၊ ကျင့်ကြံပါဟု တိုက်တွန်းခြင်းငှာ ထိုက်သော ဂုဏ်၊ (၅) သြပါနေယျိက- တရားတော်တို့အား အာရုံထင်၍ ဆင်ခြင်ပွားများ စွဲမှတ် ဆောင်ထားထိုက်သော ဂုဏ်၊ (၆) ပစ္စတံ ဝေဒိတဗ္ဗ၀ိညူဟိ- တရားတော်တို့အား ပညာရှိတို့သည် ကိုယ်စီကိုယ်ငှ သိအပ်ခံစားအပ်သော ဂုဏ်၊ ဆိုတဲ့ ဂုဏ်တော်(၆)ပါးကို တကယ်လက်တွေ့ခံစားသိရှိချင်တယ် ဆိုရင် ဘုရားအဆုံးမအတိုင်းသာ လိုက်နာကျင့်ကြံလိုက်ပါလို့ တိုက်တွန်းလိုပါတယ်။
နောက်တစ်ချက်အနေနဲ့.. “အတ္တာဟိအတ္တနောနာထော” ဆိုတဲ့ အဆုံးမစကားလေးပါ။ ဒီအဆုံးမစကားလေးကို ဗုဒ္ဓဘာသာဝင်တိုင်း မှတ်သားမိမယ်ထင်ပါတယ်။ ဒီဆုံးမစကားတစ်ခုနဲ့တင် ဘုရားရှင်ကို အသက်နဲ့ထပ်တူ ကြည်ညိုလို့ရပါတယ်။ တကယ်တော့ ဒီအဆုံးမဟာ ဓမ္မဆိုတဲ့ အမြဲတမ်း မဖောက်မပြန်မှန်ကန်တဲ့တရားတွေကို မြင်သာအောင် မီးမောင်းထိုးပြလိုက်တာပါပဲ။ မိမိကိုယ်သာ ကိုးကွယ်ရာတဲ့။ ဘုရားရှင်ကိုယ်တော်မြတ်ကြီးက သူ့ကိုကိုးကွယ်ရင် မင်းတို့အပြစ်တွေ ကြေငြိမ်းပေးမယ်လို့ မဆုံးမခဲ့ပါဘူးနော်။ ငါဘုရားကို ကိုးကွယ်.. မင်းတို့ကို ငါဘုရား စောင့်ရှောက်မယ်ဆိုပြီးလည်း မဆုံးမခဲ့ပါဘူး။ အမြဲတမ်း မဖောက်မပြန် မှန်ကန်တဲ့ အဆုံးမတွေကို ချပြခဲ့တယ်.. လမ်းမှန်ကိုချပြခဲ့တယ်.. ဒီလမ်းကိုလျောက်.. ဒီလမ်းဟာ ဒုက္ခငြိမ်းတယ်.. ဒီလမ်းဟာ အကျိုးများစေတယ်.. ဒီအဆုံးမတွေကိုကျင့်မှ ဒီအဆုံးမတွေနဲ့ထိုက်တန်တဲ့ အကျိုးတရားတွေ ရရှိလိမ့်မယ်လို့ ဟောပြဆုံးမသွားခဲ့တာပါနော်။ လောကီရော လောကုတ္တရာမှာပါ ကိုယ်လုပ်မှ ကိုယ်ရမယ်ဆိုတဲ့ အသိတရားဟာ အသိဥာဏ်ရှိတဲ့သူတိုင်းသိပါတယ်။ ဘုရားရှင်ရဲ့ အဆုံးမတွေဟာ.. တရားဆိုတဲ့အတိုင်း အင်မတန်မှ တရားမျှတပါတယ်။
ဘုရားရှင်ကို ယုံတဲ့နေရာမှာ မှန်းယုံရမ်းယုံပြီး မကိုးကွယ်မိပါစေနဲ့လို့ အလေးအနက်ထား ပြောလိုပါတယ်။ ဘုရားရှင်ရဲ့ အဆုံးမတွေဟာ လွယ်လွယ်နဲ့ ရှာဖွေတွေ့ရှိခဲ့တာ မဟုတ်ပါဘူး။ လေးအသင်္ချေနဲ့ ကမ္ဘာတစ်သိန်းကာလပတ်လုံး သတ္တ၀ါတွေအတွက် မနားမနေ ပါရမီတွေ ဖြည့်ပြီးမှ ရရှိလာတဲ့ အမှန်တရားတွေပါ။ ဘုရားရှင်ရှိခဲ့တယ်ဆိုတာကို ကိုယ်ကမျက်စိနဲ့ မမြင်တွေ့ခဲ့ရလို့ လက်မခံနိုင်ဘူးဆိုရင်တောင်မှ.. ဒီအဆုံးမတွေကို ဟောပြဆုံးမသွားတဲ့ ပုဂ္ဂိုလ်မျိုးဟာ တုနှိုင်းမဲ့တဲ့ပုဂ္ဂိုလ်မျိုးပဲဆိုတာ လက်ခံယုံကြည်ရမှာပါပဲ။ သူရဲကောင်းတွေကို ကိုယ့်မျက်စိနဲ့ တကယ်မမြင်တွေ့ခဲ့ရပေမယ့်.. သူတို့လုပ်ဆောင်ခဲ့တဲ့ သမိုင်းကြောင်းတွေကို ပြန်ကြည့်မယ်ဆိုရင် သူတို့ဟာ သူရဲကောင်းဆိုတဲ့ဂုဏ်နဲ့ ထိုက်တန်တယ်ဆိုတာ အသိမှတ်ပြုရသလိုပါပဲ.. ဘုရားရှင်ကို တကယ်မျက်စိနဲ့ မတွေ့မြင်ခဲ့ရပေမယ့်.. ဘုရားရှင်ဟောပြဆုံးမခဲ့တဲ့ အဆုံးမတွေဟာ အဖိုးမဖြတ်နိုင်တဲ့ တုနှိုင်းမဲ့တန်ဖိုးရှိလှတဲ့ ရတနာတွေပဲဆိုတာတော့ လက်ခံတတ်လာအောင် ယုံကြည်တတ်လာအောင် လိုက်နာကျင့်ကြံကြည့်ပါလို့ တိုက်တွန်းလိုပါတယ်။ “တရားကိုမြင်မှဘုရားကိုမြင်မယ်.. ဘုရားကိုမြင်မှ သံဃာကိုမြင်မယ်.. ဘုရား၊ တရား၊ သံဃာမြင်မှ နိဗ္ဗာန်မြင်မယ်” ဆိုတဲ့ အဆုံးမအတိုင်း.. အရင်ဆုံးတရားကို မြင်အောင် ရှာတွေ့နိုင်ကြပါစေလို့ ဆန္ဒပြု လိုက်ပါတယ်…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
အချိန်တွေကတော့ တရွေ့ရွေ့နဲ့ အမြဲကုန်ဆုံးသွားနေတာပါ။ နှစ်ဟောင်းကနေ နှစ်သစ်ကိုကူးခဲ့တာ အရင်နှစ်တုန်းက ဒီအချိန်မှာ (HAPPY NEW YEAR) လို့အော်ခဲ့တဲ့ (၂၀၀၉)ခုဟာ ယခုဆို နှစ်ဟောင်းဖြစ်သွားခဲ့ပြီ။ အဲ့တုန်းကတော့ သူ့ကိုကြည့်ပြီး ပျော်ပျော်ကြီး (HAPPY NEW YEAR) လို့ပြောခဲ့တာ မှတ်မိအုံးမယ် ထင်ပါတယ်။ အခုတော့ သူကိုစွန့်ပြီး (၂၀၁၀)ကို (HAPPY NEW YEAR) လို့ အော်ကြပြန်ပြီပေါ့။ အော်.. သူတို့လည်းပဲ သူ့ဘာသာသူနေတာ လူတွေက အိုတယ်ဟောင်းတယ်လို့ လိုက်ပြီး သတ်မှတ်ပြစ်နေကြတာပါနော်။ ကိုယ်ကသာ နှစ်တွေကိုလိုက်ပြီး အဟောင်းအသစ်လို့ သတ်မှတ်တာ ကိုယ့်ကိုကိုယ်ကျတော့ ပြန်သတ်မှတ်ဖို့ မေ့နေပြန်ပါရော။ ကိုယ့်ကိုကိုယ်ရော.. ကိုယ့်စိတ်ကိုရော ဘယ်လိုသတ်မှတ်ဦးမှာလဲ.. အရင်နှစ်ဟောင်းက စိတ်ညစ်စိတ်ယုတ်တွေကို ဒီနှစ်သစ်မှာ စိတ်သစ်လူသစ်နဲ့ စိတ်ဟောင်းလူဟောင်းတွေ မဖြစ်အောင် ကြိုးစားဖို့ဆိုတာလေး သတ်မှတ်ဖို့ ကောင်းပါတယ်။ ဒီအတိုင်းသူ့ဘာသာ ကုန်ဆုံးသွားတဲ့နှစ်တွေတောင် ကိုယ်က လိုက်ပြီးအဟောင်းအသစ် သတ်မှတ်နေတယ်ဆိုရင်.. ကိုယ့်ကိုကိုယ်လည်း ကိုယ့်ရဲ့စိတ်တွေဟာ ဟောင်းနေလား သစ်နေလားဆိုတာ သတ်မှတ်ကြရအောင်ပါလား..။
တစ်နှစ်ဆိုတာ အချိန်ပေါင်းများစွာနဲ့ ဖွဲ့စည်းထားတာပါ။ စက္ကန့်ပေါင်းများစွာ နာရီပေါင်းများစွာပေါင်းစုပြီး ရက်ပေါင်းများစွာကနေ ဖြစ်ပေါ်မွေးဖွားလာတာကို နှစ်တစ်နှစ်အဖြစ် သတ်မှတ်လိုက်တာပါ။ ပုံမှန်အားဖြင့် ရက်ပေါင်း (၃၆၅)ရက်ကို တစ်နှစ်အဖြစ်သတ်မှတ်လိုက်တာပါပဲ။ တစ်ရက်ပြီးတစ်ရက်နဲ့ ကုန်ဆုံးသွားတဲ့ ရက်တွေမှာ ကိုယ့်အတွက် ဘာတွေလုပ်ခဲ့လဲ.. ဘာတွေအကျိုးရှိခဲ့လဲဆိုတာလေး ပြန်ပြီး စီစစ်ကြည့်ဖို့ လိုပါတယ်။ ဒီလိုမှမဟုတ်ရင် ဖြတ်သန်းလာခဲ့တဲ့ တစ်နှစ်ဆိုတဲ့ ရက်ပေါင်း (၃၆၅)ရက်ဟာ ရေပေါ်မှာ အရုပ်ဆွဲသလိုပါပဲ.. ဘာမှထင်ကျန်သွားမှာ မဟုတ်ပါဘူး။ တချို့တွေက နှစ်သစ်ကိုရောက်ပြီဆို နှစ်သစ်မှာ ဘာတွေဘယ်လို လုပ်ကြမယ်ဆိုပြီး ရည်ရွယ်ထားကြတာရှိတယ်.. ဒါပေမယ့် ကျန်ခဲ့တဲ့ နှစ်ဟောင်းမှာ ဘာတွေလုပ်ခဲ့လဲဆိုတာတော့ ပြန်စဉ်းစားကြဖို့ အတော်လေး မေ့နေကြပါတယ်။ ကိုယ်လုပ်ခဲ့တဲ့ ကောင်းမှုမကောင်းမှုတွေကို ပြန်စဉ်းစားပြီး ကောင်းမှုဆိုရင် ဆက်လက်ဖြစ်ပွားအောင် မကောင်းမှုဆိုရင် ဆက်လက်မလုပ်ဖြစ်အောင် စောင့်ထိန်းလိုက်နာ ကျင့်ကြံခြင်းဟာ ဘုရားရှင်သာသနာရဲ့ တိုးတက်ကြီးပွားခြင်း အကြောင်းပါပဲ။ ဒါမလို့လည်း ကိုယ်လုပ်ခဲ့တဲ့ နှစ်တစ်နှစ်ရဲ့ အချိန်အတိုင်းအတာကို ပြန်လည် စီစစ်ကြည့်စေချင်တာပါ။
ကျေးဇူးတော်ရှင်သာမညတောင် ဆရာတော်ဘုရားကြီးရဲ့ သြ၀ါဒအတိုင်းဆိုရင်ဖြင့် “ မနုဿ လူတို့မှာ၊ နေထွက်ကရှာဖွေ၊ နေ၀င်သို့ရောက်၊ ကုသလနှင့် အကုသလာ၊ ဘယ်သူက သာသည်ဟု၊ ဥာဏ်စက္ခု ပြန်၍ရှင်း၊ ထိုစာရင်း မရှင်းလျှင်၊ လောကတွင် လူမဟုတ်၊ လောကုတ်မှာ မဂ်ဖိုလ်ရှုံး လူရုပ်ပျောက်ဆုံး” ဆိုတဲ့ ဆုံးမသြ၀ါဒ အတိုင်းပါပဲနော်။ လူတွေဟာ မွေးဖွားလာကြတယ်.. နေထိုင်သွားကြတယ်.. သေဆုံးသွားကြတယ်..။ အဲ့ဒီ့လို မွေးဖွားခြင်းနဲ့ သေဆုံးခြင်းရဲ့ကြားမှာပဲ နေထွက်ကနေ၀င် ရှာဖွေ ရုန်းကန်လှုပ်ရှားနေကြရတယ်။ မမောမပန်းနဲ့ စား၊ ၀တ်၊ နေရေးဆိုတဲ့ သုံးခုလောက်ကို အခုသုံးရာလောက်အထိ ဆွဲချဲ့လုပ်ကိုင်ကြရင်း ဘ၀ကို လက်ပြနှုတ်ဆက် သွားကြရတယ်။ ဒီတော့ လူ့လောကရောက်တာဟာ ဘာလုပ်ဖို့ ရောက်လာရတာလဲ.. ဒီလိုပဲ မွေး၊ အို၊ နာ၊ သေနဲ့ ဘ၀ကို လက်ပြနှုတ်ဆက်သွားမှာလား..။ ကုသိုလ် အကုသိုလ်ဆိုတဲ့ အရာတွေကို စိတ်ထဲမှာ အမှတ်တမဲ့ထားပြီး လုပ်ကိုင်ပြောဆိုနေကြရင်ဖြင့် လောကကြီးမှာ လူဖြစ်လာတာဟာ လူဖြစ်ရှုံးပြီး လူရုပ်ပျောက်ဆုံးနေမှာပါပဲ။
ကျွန်တော်တို့တွေ အလွန်ဆုံး (HAPPY NEW YEAR) ဆိုတဲ့ စကားလုံးကို အော်ရလှ အကြိမ်(၆၀)ဆိုတာ အလွန်ဆုံးပါပဲနော်။ ဒါအများဆုံး တွက်ထားတာပါ။ အကြိမ်(၆၀)လောက် အော်ပြီးရင်တော့ လောကကြီးကို လက်ပြနှုတ်ဆက်သွားရမှာပါ။ (HAPPY NEW YEAR) လို့ တစ်ခါအော်လိုက်လေလေ တစ်နှစ်ကိုယ်အိုသွားလေလေ ဆိုတာကိုတော့ သံဝေဂ ရသင့်ပါတယ်။ ဒါကိုတောင်မှ ကိုယ်အိုတာကို လိုက်ပြီး ပျော်နေတဲ့လူတွေရှိတာ ဘယ်လိုပါလိမ့်လို့ စဉ်းစားမိပါတယ်။ နှစ်တစ်နှစ်ကနေ တစ်နှစ်ကို ပြောင်းသွားတာဟာ တကယ်တော့ မိမိကိုယ်တိုင် အိုသွားသလို.. သေမင်းဆီသွားဖို့ ခြေလှမ်းတွေ နီးလာတာပါ။ သေမင်းဆီသွားဖို့ ခြေလှမ်းတွေ နီးလာတာနဲ့အမျှ သူ့ကိုရင်ဆိုင်နိုင်ဖို့ ခွန်အားတွေဟာ အရင်နှစ်ကထက် ဒီနှစ်မှာ များသထက်များအောင် ကြိုးစားမယ်ဆိုရင်ဖြင့် (HAPPY NEW YEAR) လို့ ကိုယ်အော်လိုက်တဲ့ စကားလေးဟာ တကယ်အသက်ဝင်သွားမှာပါ။ ဒီလိုမှ မဟုတ်ရင်ဖြင့် သေမင်းကို ရွဲ့ပြီးများ ပြောနေသလားလို့…။
နှစ်သစ်မှာ သေမင်းအကြောင်းပြောလို့ နိမိတ်မရှိလိုက်တာလို့ ထင်ကြပါလိမ့်မယ်။ ဆရာတော် အရှင်ဆန္ဒာဓိကရဲ့ ဆုံးမသြ၀ါဒအတိုင်းပြောရရင်ဖြင့် “သေမင်းအကြောင်းလောက် စဉ်းစားဖို့ကောင်းလောက်တဲ့ မင်္ဂလာလောကမှာမရှိဘူး.. သေမင်းအကြောင်းကို စဉ်းစားတာဟာ လောကမှာ မင်္ဂလာ အရှိဆုံး” ဆိုတဲ့ စကားလေးလိုပါပဲနော်။ နှစ်သစ်မှာ တကယ်တော့ လူသားအားလုံးကို သေမင်းအကြောင်းမမေ့ဖို့ မိတ်ဆက်ပေးတာဟာ မင်္ဂလာအရှိဆုံးပါပဲ။ လူတွေဟာ သေမင်းကို မေ့ထားကြတယ်.. သေခြင်းတရားကို မေ့လျော့ခြင်းဟာ ကုသိုလ်တွေ လုပ်ဖို့ မေ့လျော့စေခြင်းရဲ့ အကြောင်းရင်းတစ်ရပ်ပါပဲ။ ငါမသေနိုင်သေးဘူး ငါနေရအုံးမယ်ထင်တဲ့သူတွေဟာ ကုသိုလ်တွေလုပ်ဖို့အတွက် မေ့လျော့နေတတ်ပါတယ်။ ကုသိုလ်တွေလုပ်ဖို့ မေ့လျော့ရင်ဖြင့် အကုသိုလ်တွေစုနေတဲ့ နေရာပဲ သွားကြရမှာပါ။ ဒါမလို့လည်း နှစ်သစ်မှာ သေခြင်းတရားကို ဆင်ခြင်နှလုံးသွင်းကြည့်စေချင်တာပါ။
လူတွေက သေမင်းအကြောင်းပြောရင် နှာခေါင်းရှုံကြတာများပါတယ်။ ဟယ်.. မပြောကောင်းမဆိုကောင်းဆိုပြီး တားတဲ့လူက ရှိပါသေးတယ်။ အ၀ိဇ္ဇာအမှောင်အားကြီးတော့ သူများထီပေါက်ရင်သာ ကိုယ်ပေါက်မယ်ထင်တာ.. သူများ မတော်တဆ သေဆုံးခဲ့လို့ရှိရင် ကိုယ်သေမယ် မထင်တတ်ကြပါဘူး။ ငါ့မှာ လုပ်စရာတွေ အများကြီးကျန်သေးတယ်.. ငါမရှိရင် မဖြစ်ပါဘူး.. ငါမှမအားသေးတာ.. အချိန်တန်လုပ်မှာပေါ့ ဆိုတဲ့ စကားတွေနဲ့ သေမင်းကိုဆင်ခြေပေးပြီး မျက်နှာလွှဲနေကြတာ များကြပါတယ်။ ဒီလိုမျိုး မျက်နှာလွှဲရင်းနဲ့ပဲ ကုသိုလ်တရားတွေနဲ့ ဝေးသထက် ဝေးတဲ့ဆီရောက်သွားကြရတာပါ။ ကုသိုလ်နဲ့ဝေးရင်တော့ လျောက်လှမ်းဖြတ်သန်းလာခဲ့တဲ့ (HAPPY NEW YEAR) ဆိုတဲ့ စကားတွေဟာ အော်သာ အော်လိုက်ရတယ်.. ရင်ထဲကမပါတဲ့ စကားလုံးတွေ ဖြစ်သွားပါလိမ့်မယ်။
လူသားအားလုံးကို နှစ်သစ်မှာ မင်္ဂလာအရှိဆုံးဆိုတဲ့ သေခြင်းတရားကို မမေ့ရအောင် မိတ်ဆက်ပေးလိုက်ပါတယ်။ မိမိကိုယ်မိမိလည်း ပြုပြင်ထိန်းသိမ်းနိုင်ဖို့အတွက်ပါပဲ။ နှစ်သစ်တွေကတော့ တစ်နှစ်ပြီးတစ်နှစ် ပြောင်းနေမှာပါ.. ကိုယ်ကလည်း တစ်နှစ်ပြီး တစ်နှစ် အော်နေမှာပါပဲ။ ဒီတော့ ကိုယ်အော်လိုက်တဲ့ (HAPPY NEW YEAR) ဆိုတဲ့ စကားလေးဟာ ရင်ထဲက တကယ်ပျော်ရွှင်လို့ အော်လိုက်တဲ့ စကားလား.. ဒါမှမဟုတ် သူများအော်လို့သာ လိုက်အော်နေရတဲ့ စကားလားဆိုတာတော့ ကိုယ်တိုင် ဝေဖန်ဆန်းစစ်ဖို့လိုပါတယ်။ ကိုယ်လုပ်ခဲ့တဲ့ ကုသိုလ်ကောင်းမှုတွေဟာ ပြီးခဲ့တဲ့နှစ်ထက် လာမယ့်နှစ်သစ်မှာ ပိုများစေမယ်ဆိုရင်ဖြင့် ကိုယ်အော်လိုက်တဲ့ (HAPPY NEW YEAR) ဆိုတဲ့ စကားလေးဟာ တကယ်ကို ရင်ထဲကလာတဲ့ (HAPPY NEW YEAR) လေးဖြစ်သွားမှာပါ။ ရင်ထဲကလာတဲ့ (HAPPY NEW YEAR) လေးဖြစ်ရအောင် ပြီးခဲ့တဲ့နှစ်ထက် လာမယ့်နှစ်မှာ ကုသိုလ်တွေများသထက်များအောင် အကုသိုလ်တွေ နည်းသထက်နည်းအောင် ကျင့်ကြံနိုင်ကြပါစေလို့ ဆန္ဒပြုဆုတောင်းလိုက်ပါတယ်။ ဓမ္မမိတ်ဆွေများအားလုံး ရင်ထဲကတကယ်လာတဲ့ (HAPPY NEW YEAR) တွေ ပိုင်ဆိုင်နိုင်ကြပါစေလို့…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဧည့်သည်ဆိုတာ ဘယ်ကိုရောက်ရောက် ခဏတာပဲတည်းခိုခွင့်ရပြီး အချိန်တန်ရင် ကိုယ့်ရဲ့နေအိမ်ကို ပြန်သွားရတာပါပဲ။ ဒီအိမ်မှာ ဘယ်လောက်ပဲပျော်ပျော် ဘယ်လောက်ပဲနေချင်နေချင်.. အချိန်တန်လို့ အိမ်ရှင်က လက်မခံချင်ဘူး.. ကိုယ်လည်းအိမ်ပြန်ရမယ့် အချိန်ရောက်ပြီဆိုရင်တော့ နှုတ်ဆက်ပြီးပြန်သွားရမှာပါပဲ။ ကျွန်တော်တို့တွေဟာလည်း ဒီလိုပါပဲနော်။ လူ့လောကလူ့ဘောင်ကို ခဏတာလေးလာရောက်ပြီး ဧည့်သည်အဖြစ် ခဏတာနေခွင့်ရကြတဲ့ ဧည့်သည်တွေပါ။ အချို့တွေက ဧည့်သည်အဖြစ်နဲ့ ခဏတာတည်းခိုခွင့်ရကြပေမယ့် အိမ်ရှင်တွေအတွက် အကျိုးစီးပွားဖြစ်အောင် လုပ်ဆောင်သွားကြတာရှိသလို.. အချို့ကျတော့လည်း အိမ်ရှင်တွေအတွက် ၀န်ထုပ်ဝန်ပိုးလိုဖြစ်နေပြီး အကျိုးမဲ့သလို တာဝန်မဲ့သလို နေထိုင်သွားကြတာတွေလည်း ရှိကြပါတယ်။ ကိုယ်ကလည်းပဲ လူ့လောကကြီးမှာ နေထိုင်တဲ့ ဧည့်သည်လူသားတစ်ယောက် ဖြစ်တဲ့အတွက်.. လူ့လောကကြီးကို အကျိုးပြုသွားတဲ့ ဧည့်သည်ကောင်းတစ်ယောက်လား.. ဒါမှမဟုတ် လူ့လောကကြီးအတွက် အပိုဝန်ထုပ်ဝန်ပိုးတစ်ယောက် ဖြစ်နေတဲ့ ဧည့်သည်ဆိုးတစ်ယောက်လားဆိုတာ သေချာဆန်းစစ်ကြည့်ဖို့ အရေးကြီးပြီပေါ့။
ဓမ္မဘေရီဆရာတော် ဟောပြဆုံးမသွားတဲ့ ဆုံးမသြ၀ါဒလေးတစ်ခု မှတ်သားမိပါတယ်။ "လူတွေဟာ မြေကြီးပေါ်မှာ နေထိုင်ကြီးပြင်းလာကြရတယ်.. ဒီလိုကိုယ့်ကိုနေထိုင်စေနိုင်ဖို့ အခိုင်အမာတစ်ခု ပေးထားတဲ့ မြေကြီးအတွက် ကိုယ်ဟာ ၀န်ထမ်းကောင်းတစ်ယောက်လား.. ဒါမှမဟုတ် အပိုဝန်ထုပ် တစ်ယောက်လား" ဆိုတဲ့ စကားလေးပါ။ ကျွန်တော်တို့တွေဟာ နေ့စဉ်နဲ့အမျှ မြေကြီးပေါ်မှာ နေထိုင်သွားလာကြတယ်.. မြေကြီးကို အကြောင်းပြုပြီး ပေါက်ရောက်လာကြတဲ့ သစ်ပင်တွေဆီမှ အောက်ဆီဂျင်ကို ရယူပြီး အသက်ဆက်ကြရတယ်။ မြေကြီးကိုအကြောင်းပြုကြီး ရရှိလာတဲ့ စားနပ်ရိက္ခာတွေကို စားသောက်ကြရတယ်။ အဆုံးစွန်ဆုံး ကိုယ့်ကို အကျိုးကျေးဇူးများစွာပေးတဲ့ မြေကြီးပေါ်မှာပဲ ကျင်ကြီးကျင်ငယ်ကို စွန့်ပစ်နေကြရတယ်။ ဒီလိုမျိုး ကိုယ့်ကို အကျိုးများစေအောင် လုပ်ဆောင်ပေးနေတဲ့ မြေကြီးပေါ်မှာနေထိုင်ပြီး မြေကြီးကို အကျိုးဖြစ်စေနိုင်အောင် ဘာတွေများ လုပ်ဆောင်ပေးခဲ့ပြီလဲ။
လူ့လောကလူ့ဘောင်ကို ရောက်ရှိလာပြီး ကမ္ဘာမြေကြီးပေါ်မှာ ခြေချလိုက်ပြီဆိုကတည်းက.. ကိုယ်ဟာ ကမ္ဘာမြေကြီးအတွက် သတ္တ၀ါတွေအားလုံးအတွက် အကျိုးစီးပွားကို ထမ်းဆောင်နိုင်တဲ့ ၀န်ထမ်းကောင်းတစ်ယောက်လား ဒါမှမဟုတ် ကမ္ဘာမြေပေါ်မှာနေထိုင်တဲ့ လူဆိုတဲ့ အသိဥာဏ်ရှိတဲ့ သတ္တ၀ါမှတစ်ပါး အခြားသတ္တ၀ါတွေလို အသိဥာဏ်မဲ့တဲ့ ၀န်ထုတ်ဝန်ပိုးဖြစ်စေတဲ့ အပိုဝန်ဆောင်တစ်ယောက်လား ဆိုတာလေး ပြန်ဆန်းစစ်ကြည့်ဖို့ဟာ အင်မတန် အရေးကြီးပါတယ်။ ဒီလိုမှမဟုတ်ရင် ကမ္ဘာမြေကြီးပေါ်မှာ အသိဥာဏ်မဲ့စွာပဲ တာဝန်မဲ့ နေထိုင်သွားမယ်ဆိုရင်တော့ အသိဥာဏ်ရှိတဲ့လူလို့ ပြောနေပေမယ့် အသိဥာဏ်မဲ့တဲ့ တိရိစ္ဆာန်ကောင်အလား ဘာမှထူးခြားသာလွန်သွားမှာ မဟုတ်ပါဘူးနော်။
တစ်ချို့တွေ ကမ္ဘာမြေကြီးပေါ် ရောက်လာတယ်။ လူတွေကို အကျိုးပြုဖို့နေနေသာသာ ကိုယ့်အတ္တတစ်ခုထဲကို ကြည့်ပြီး သတ္တ၀ါတွေရဲ့အသက်ကို သတ်ဖြတ်ပြစ်ကြတယ်။ လူပေါင်းများစွာရဲ့ အသက်အိုးအိမ်စည်းစိမ်တွေကို ဖျက်ဆီးပြစ်ကြပါတယ်။ သူတို့တွေကြောင့် ကမ္ဘာကြီးဟာ မျက်ရည်ပေါင်းများစွာ ကျခဲ့ပြီး လောဘ၊ ဒေါသပေါင်းများစွာ ဖြစ်စေခဲ့ရတာပါ။ သူတို့တွေဟာ ကမ္ဘာမြေကြီးပေါ်မှာ ခဏတာတည်းခိုခွင့်ရကြတဲ့ ဧည့်သည်တွေဖြစ်ပေမယ့် ကမ္ဘာမြေကြီးအတွက် ဘာအကျိုးကျေးဇူးမှ မပြုတဲ့အပြင် ကမ္ဘာမြေကြီးကို ဒုက္ခပေါင်းများစွာတွေ ပေးသွားကြတဲ့သူတွေပါ။ လူတွေရဲ့ ရင်ထဲနှလုံးသားထဲမှာ လောဘ၊ ဒေါသ၊ မောဟတွေ အစုလိုက်အပြုံလိုက် ထည့်ပေးသွားတဲ့သူတွေလို့ ပြောမယ်ဆိုရင်လည်း မမှားနိုင်ပါဘူး။ ဒါဆိုရင် သူတို့တွေဟာ ကမ္ဘာမြေကြီးအတွက် လာခြင်းမကောင်းတဲ့ ဧည့်သည်တွေပဲလို့ ပြောလိုက်ပါရစေ။
ဒါဆိုလာခြင်းကောင်းတဲ့ဧည့်သည်ဆိုတာ ဘယ်လိုမျိုးလဲ။ လာခြင်းကောင်းတဲ့ဧည့်သည်ဆိုတာကတော့ မိမိအကျိုး အများအကျိုးကို အပြည့်အ၀သယ်ပိုးဆောင်ရွက်ပြီး သတ္တ၀ါတွေရဲ့အကျိုးစီးပွားကို အများသူငါထက် သာလွန်ကောင်းမွန်အောင် အကျိုးပြုဆောင်ရွက်သွားတဲ့ ပုဂ္ဂိုလ်မျိုးကိုဆိုလို တာပါ။ သတ္တလောကတစ်ခုလုံးမှာ သတ္တ၀ါတွေရဲ့အကျိုးစီးပွားကို အစွမ်းဆောင်နိုင်ဆုံးဟာ ဗုဒ္ဓမြတ်စွာပါပဲ။ ဗုဒ္ဓမြတ်စွာဟာ သေရာအရပ်ကို အမြဲသွားနေကြတဲ့ သတ္တ၀ါတွေအားလုံးအတွက် လမ်းဟောင်းကို ပြောင်းလဲစေပြီး မသေရာအမြတ်နိဗ္ဗာန်လမ်းကို ဆိုက်ရောက်နိုင်အောင် လမ်းမှန်ကို ချပြခဲ့တဲ့ လမ်းပြဧည့်သည်ကောင်းပင် မဟုတ်ပါလား။ အမြဲတမ်းသေရာလမ်းကိုလျောက်လှမ်းပြီး လောဘ၊ ဒေါသ၊ မောဟတွေနဲ့ပြည့်နှက်နေတဲ့ သတ္တ၀ါအားလုံးရဲ့စိတ်သဏ္ဍန်ကို လောဘ၊ ဒေါသ၊ မောဟဆိုတဲ့ ကိလေသာတွေနဲ့ ကင်းဝေးစေအောင် တရားရေအေး အမြိုက်ဆေးတွေ တိုက်ကျွေးပြီး မသေရာ အမြတ်နိဗ္ဗာန်ကို ပို့ဆောင်ပေးနိုင်တဲ့ မြတ်ဗုဒ္ဓဟာ လာခြင်းကောင်းသောဧည့်သည်ပါပဲ။
လာခြင်းကောင်းသော ဧည့်သည်တွေ ရှိသလို လာခြင်းဆိုးသော ဧည့်သည်တွေလည်း ရှိတတ်ပါတယ်။ လာခြင်းဆိုးသောဧည့်သည်တွေ အများအပြားရှိတဲ့အနက် ဧည့်သည်ဆိုးတစ်ယောက်ရဲ့ အကြောင်းအရာလေး တင်ပြလိုပါတယ်။ ဒီအကြောင်းလေး စတင်ဖတ်မိတော့ ရင်ထဲမှာ တော်တော်လေး အလိုမကျဖြစ်မိပါတယ်။ သတ္တ၀ါတွေအပေါ်မှာ မေတ္တာတော်အနန္တနဲ့ ပြည့်စုံတော်မူပြီး သတ္တ၀ါတွေရဲ့အကျိုးစီးပွားကို တုနှိုင်းမရှိ စွမ်းဆောင်သွားတဲ့ ဘုရားရှင် ကိုယ်တော်မြတ်ကြီးအပေါ်မှာ တုန့်ပြန်လိုက်တဲ့ စကားတစ်ခွန်းပါ။ “အရှင်ဘုရားတို့… ၀မ်းမနည်းကြပါနဲ့၊ ဘုရားရှိတုန်းကဆိုရင် ဘယ်ဟာ မအပ်ဘူး၊ ဘယ်ဟာ အပ်တာဆိုပြီး တပည့်တော်တို့ကို ချုပ်ခြယ်နေတာ၊ အခုတော့ ဘုရားမရှိတော့ဘူး။ တပည့်တော်တို့ လုပ်ချင်ရာ လုပ်လို့ ရပြီ၊ တပည့်တော်တို့ လွတ်လပ်ပြီ” ဆိုပြီး ဘုရားရှင်ပရိနိဗ္ဗာန်စံခါနီးမှာ တုန့်ပြန်လိုက်တဲ့ သုဘဒ္ဒရဲ့စကားတစ်ခွန်းပါ။ အင်မတန် နားခါးစေတဲ့ စကားတစ်ခွန်းပါပဲ။ ဘုရားရှင်ကိုယ်တော်မြတ်ကြီးကိုယ်တော်တိုင် ရှိတော်မူနေတဲ့ အချိန်မှာတောင် ဒီလိုစကားမျိုးပြောထွက်လိုက်သူရဲ့ စကားတစ်ခွန်းကြောင့် ရှင်မဟာကဿဖကိုယ်တော်မြတ်ကြီး ကိုယ်တော်တိုင် သာသနာတော်ကြီးအတွက် ရင်လေးစေခဲ့မိတာ အမှန်ပါပဲ။
လာခြင်းဆိုးတဲ့ဧည့်သည်တွေဟာ မိမိကိုယ်တိုင်လည်း လောကအတွက် ကောင်းကျိုးမပေးသလို ကောင်းကျိုးပေးတဲ့သူတွေကိုပါ ပြစ်တင်ပြောဆိုတတ်ပါတယ်။ ဘုရားရှင်ရဲ့အဆုံးအမသာ ကျွန်တော်တို့တွေ သိခွင့်မရကြဘူးဆိုရင် ကုသိုလ် အကုသိုလ်ဆိုတာ လုံးဝမသိဘဲ လုပ်ချင်ရာလုပ် ပြောချင်ရာပြောပြီး တိရိစ္ဆာန်တစ်ကောင်လိုပဲ ဘ၀ကိုအကျိုးမဲ့ အသုံးချသွားကြမယ်ဆိုတာ မလွဲပါဘူး။ လူ့လောကကြီးကို ရောက်လာတာ မြေကြီးပေါ်မှာ အသက်ရှင်နေရတုန်းမှာ ငါကောင်းစားဖို့ဆိုတဲ့ ငါဆိုတဲ့ အတ္တတစ်ခုကို ရှေ့တန်းတင်ပြီး “ငါ့အတွက်” “ငါ့အတွက်” ဆိုတာတွေနဲ့ လောဘ၊ ဒေါသ၊ မောဟမီးတွေ တဟုန်းဟုန်းနဲ့ တောက်လောင် နေကြမှာပါ။ မေတ္တာ၊ ဂရုဏာ၊ မုဒိတာ၊ ဥပေက္ခာဆိုတဲ့ စိတ်ထားတွေဟာ ဘယ်မှာရှာရမှာလဲလို့တောင် မေးယူရမယ် ထင်ပါတယ်။ ဒီလောက် တန်ဖိုးများစေတဲ့ ဘုရားရှင်ရဲ့အဆုံးအမတွေကို ရှုပ်တယ်လို့ပြောထွက်ခဲ့တဲ့ သုဘဒ္ဒရဲ့စိတ်မျိုးဟာ လောကကြီးအတွက် သူ့ကိုထမ်းထားရတဲ့မြေကြီးအတွက် အကျိုးမဲ့စေတဲ့ လာခြင်းဆိုးဧည့်သည် တစ်ယောက်ပါပဲ။
ဒီအကြောင်းအရာလေး ပြောမိတော့ မဟာဂန္ဓာရုံဆရာတော်ဘုရားကြီးရဲ့ ဆုံးမသြ၀ါဒလေး သတိရမိပါတယ်။ “အကယ်၍သာ မြတ်ဗုဒ္ဓသည်၊ လူ့ရွာထင်ရှား မပွင့်ငြားက၊ ဤကားကုသိုလ် အကုသိုလ်နှင့် ထိုထိုဘုံဘ၀ မသိရ များလှ အပြစ်တွေ” ဆိုတဲ့ သြ၀ါဒလေးပါပဲ။ လာခြင်းမကောင်းတဲ့ လူမိုက်ဧည့်သည်တွေအတွက်ကတော့ ဘုရားရှင်ဟောပြဆုံးမခဲ့တဲ့ အဆုံးအမတွေဟာ တားမြစ်ထားတာလို့ထင်ကြပြီး ဘုရားအဆုံးအမတွေကို ရှုပ်တယ်လို့ ထင်ကြမှာပါပဲ။ လာခြင်းကောင်းတဲ့ ပညာရှိသူတော်ကောင်းတွေအတွက်ကတော့ ဘုရားရှင်ရဲ့အဆုံးမတွေဟာ တန်ဖိုးဖြတ်လို့ တန်ဖိုးသတ်မှတ်လို့ မရနိုင်ကောင်းအောင် အဖိုးထိုက်တန်တဲ့ ရတနာတွေပဲဆိုတာ ယုံကြည်လက်ခံနေကြမှာပါ။ လာခြင်းကောင်းတဲ့ ဧည့်သည်တွေဖြစ်ဖို့ ဘုရားရှင်ရဲ့အဆုံးအမတွေကို လိုက်နာရင်း မိမိအကျိုး အများအကျိုးကို သယ်ပိုးဆောင်ရွက်နိုင်တဲ့ သူတော်ကောင်းတွေ ဖြစ်ကြပါစေလို့ ဆန္ဒပြုရင်း ကမ္ဘာမြေကြီးကို ကျေးဇူးဆပ်နိုင်တဲ့သူတွေ ဖြစ်ကြပါစေ..။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ကလစ်ပေး၍ဒေါင်းလုပ်နိုင်ပါသည်..။
အခုတင်ပေးတဲ့ စာအုပ်လေးဟာ ဆရာတော် အရှင်ဇ၀န ကိုယ်တိုင် ဟောပြဆုံးမထားတဲ့ အဆုံးအမတွေပါ။ အင်မတန် အကျိုးများစေတဲ့ စာအုပ်တစ်အုပ်ပါပဲ။ ယခုခေတ် ထေရ၀ါဒဗုဒ္ဓဘာသာဝင်တွေ လွဲမှားနေတဲ့ အတွေးအခေါ်တွေ အယူအဆတွေကို ဒီစာအုပ်လေးက လမ်းမှန်ပြပေးတဲ့ သဘောပါပဲ။ တလွဲထင် တလွဲတွေးပြီး အားကိုးမှားနေတဲ့ ကိုးကွယ်မှုအမျိုးမျိုး ယုံကြည်မှုအမျိုးမျိုးတွေကို ဒီစာအုပ်ကို သေချာဖတ်ခြင်းအားဖြင့်လည်း လမ်းမှန်သို့ရောက်စေပါတယ်။ ကျွန်တော့်ကိုလည်း ဓမ္မမိတ်ဆွေ တစ်ယောက်မှ ပြန်လည်ဝေငှပေးတဲ့အတွက် ပြန်လည်ဖြန့်ဝေပေးခြင်း ဖြစ်ပါတယ်။ ပြန်လည်ဖြန့်ဝေခွင့်ပြုတဲ့ ဓမ္မမိတ်ဆွေကိုလည်း ကျေးဇူးအထူးတင်ရှိပါတယ်။ ဒေါင်းလုပ်ဖိုင်ဆိုဒ် နည်းတဲ့အတွက်လည်း လွယ်ကူစွာဒေါင်းလုပ် ရယူနိုင်ပါတယ်။ ဒီစာအုပ်လေးအား ပြန်လည်ဖြန့်ဝေခြင်းဖြင့် ဓမ္မမိတ်ဆွေအပေါင်း ဘုရားအဆုံးအမကို လက်ဆင့်ကမ်းဖြန့်ဝေပေးရင်းဖြင့် သာသနာပြုနိုင်ကြပါစေ..။ ဓမ္မမိတ်ဆွေအပေါင်း.. ဘုရားအဆုံးအမအတိုင်း လိုက်နာကျင့်ကြံရင်း မဂ်ဖိုလ်နိဗ္ဗာန်သို့ ဆိုက်ရောက်နိုင်ကြပါစေ..။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဗုဒ္ဓဘာသာဝင်တစ်ယောက်အနေနဲ့ အခြေခံယုံကြည်ရမယ့် သဒ္ဓါတရားငါးချက်ရှိတဲ့အထဲမှာ ကံနဲ့ ကံရဲ့ အကျိုးကို ယုံကြည်ဖို့ဟာ အခြေခံအချက်တစ်ချက် အနေနဲ့ ပါဝင်ပါတယ်။ နေ့စဉ်ကိုယ်ပြုလုပ်နေတဲ့ ကာယကံမှု၊ ၀စီကံမှု၊ မနောကံမှုဆိုတဲ့ အရာတွေဟာ လှည်းဘီးသွားရာ လှည်းခြေရာပါသလို ကိုယ်နဲ့ ထပ်ချပ်မကွာ လိုက်နေတာပါ။ လုပ်လိုက်တဲ့ ကာယကံမှုတွေ၊ ပြောလိုက်တဲ့ဝစီကံမှုတွေ၊ ကြံလိုက်တဲ့ မနောကံမှုတွေဟာ စေတနာပါရင်ပါသလောက် ကုသိုလ်အလုပ်တွေနဲ့ပါတ်သတ်ရင် ကုသိုလ်အကျိုး ခံစားရမှာ ဖြစ်သလို.. အကုသိုလ်အလုပ်တွေနဲ့ ပါတ်သတ်ရင်လည်း အကုသိုလ်အကျိုးတွေ ခံစားရမှာပါ။ ဒါ့ကြောင့် နေ့စဉ်နဲ့အမျှ မိမိလုပ်ကိုင်ဆောင်ရွက်နေတဲ့ ကာယကံမှု၊ ၀စီကံမှု၊ မနောကံမှုတွေကို သတိထားပြီး လုပ်ကိုင်ပြောဆို ကြံစည်သင့်ပါတယ်။ မိမိက အမှတ်တမဲ့ပြောလိုက်တဲ့ စကားလေးတစ်ခွန်း.. တွေးကြံလိုက်တဲ့ အကြံလေးတစ်ခုဟာ သူတစ်ပါးအတွက် ထိခိုက်နစ်နာသွားခဲ့မယ်ဆိုရင်.. မိမိထံသို့လည်း အလားတူ ပဲ့တင်သံမျိုး မုချဧကန် ရောက်လာမည်ဆိုတာလည်း မလွဲပါဘူး။ ကိုယ်ပြုသည့်ကံပဲ့တင်သံ ကိုယ့်ထံပြန်လာမည် ဆိုတဲ့ စကားလေးအတိုင်းပါပဲ။
ကိုယ်ပြုသည့်ကံ ပဲ့တင်သံ ကိုယ့်ထံပြန်လာမည်ဆိုတဲ့ စကားလေးဟာ အင်မတန်မှ မှတ်သားသင့်တဲ့ စကားလေးတစ်ခွန်းပါ။ ဆရာမကြီး ဒေါက်တာမတင်ဝင်းရဲ့ ၀ဋ်ဆိုတာ လည်တတ်တဲ့သဘောရှိတယ် ဆိုတဲ့ အဆုံးအမစာအုပ်လေး ဖတ်မိမှ ပိုပြီးသံဝေဂရမိပါတယ်။ အမှုမဲ့အမှတ်မဲ့နဲ့ လုပ်လိုက်တဲ့ အလုပ်တွေ၊ ကြံလိုက်တဲ့ အကြံစည်တွေဟာ ကိုယ်ပြုခဲ့တဲ့ ကံအလျောက် ကိုယ့်ထံမုချမသွေပြန်လာမှ ပြန်လည်ပေးဆပ်လိုက်ရတာဟာ မနည်းပါလားလို့လည်း သံဝေဂရမိပါတယ်။ ဒီအကြောင်းအရာတွေဟာ ဘုရားရှင်ကိုယ်တော်မြတ်ကြီး ကိုယ်တော်တိုင် ပြန်လည်ဟောပြဆုံးမမှ သိခွင့်ရခဲ့ရတာပါ။ ဒါမှမဟုတ်ရင် မကောင်းတာလုပ်တဲ့သူတွေ ကြီးပွားတာမြင်ရင် ငါတို့လည်း မကောင်းတာလိုက်လုပ်မယ်ဆိုတဲ့သူတွေ ဘယ်လောက်တောင် များမလဲဆိုတာ မသိပါဘူး။ ဘုရားရှင် ကိုယ်တော်မြတ်ကြီးသာ မပွင့်ထွန်းလာခဲ့ဘူးဆိုရင် လောကကြီးဟာ မကောင်းမှုတွေနဲ့ ပြည့်နက်နေမယ်ဆိုတာလည်း မလွဲပါဘူး။
ကိုယ်ပြုသည့်ကံအလျောက် ပြန်လည်ခံစားရတဲ့ ဘုရားရှင်လက်ထက်က အကြောင်းအရာလေးကို ဖော်ပြပေးလိုပါတယ်။ ဘယ်သူမပြု မိမိမှုလို့ပဲ ပြောရပေမပေါ့။ မြတ်စွာဘုရားရှင်လက်ထက်တော် အခါတုန်းက သာဝတ္ထိပြည် ဇေတ၀န် ကျောင်းတော်မှာ နေ့စဉ် တရားနာရင်း ဥပုသ်သီလယူတဲ့ မဟာကာလ ဥပါသကာတစ်ဦးရှိပါတယ်။ တစ်ညလုံးဇေတ၀န်ကျောင်းတော်မှာ တရားအားထုတ်အချိန်ကုန်ရင်း မနက်လင်းမှ ပြန်တတ်ပါတယ်။ တနေ့ သူပြန်လာရင်း ရေစပ်တစ်ခုမှာ မျက်နှာသစ်နေတဲ့အချိန်နဲ့ သူခိုးတစ်ယောက်ကလည်း ရွာထဲက ပစ္စည်းတွေ ခိုးယူပြီးပြေးလာတာနဲ့ တိုးခဲ့ပါတယ်။ ဒီလိုတိုးတဲ့အချိန်မှာ သူခိုးက ရွာထဲကလူတွေ လိုက်လာတာ လွတ်အောင်ဆိုပြီး သူ့ရဲ့ရှေ့မှာ ခိုးခဲ့တဲ့ ပစ္စည်းတွေပစ်ချပြီး ထွက်ပြေးသွားခဲ့ပါတယ်။ ရွာထဲက လူတွေက မဟာကာလဥပါသကာနဲ့ ခိုးရာပါပစ္စည်းကို တွေ့တဲ့အခါမှာ မဟာကာလဥပါသကာကို သူခိုးထင်ပြီး ၀ိုင်းရိုက်ကြပါတယ်။ သူကလည်း ဥပုသ်စောင့်ပြီး ပြန်လာတာပါလို့ ရှင်းပြပေမယ့်လည်း ပစ္စည်းထုတ်နဲ့ အတူတွဲပြီး တွေ့တာဖြစ်တဲ့အတွက် သူခိုးက ဥပုသ်စောင့်တဲ့သူ ဟန်ဆောင်ရမလားဆိုပြီး ပိုစိတ်ဆိုးကာ ၀ိုင်းရိုက်နှက်တဲ့အတွက် သေသည်အထိ လက်လွန်သွားခဲ့ရပါတယ်။
ဒီသတင်းဟာ ဘုရားရှင်ကိုယ်တော်မြတ်ကြီး သတင်းသုံးရာ ဇေတ၀န်ကျောင်းတော်အထိ ရောက်လာပါတယ်။ သူ့အတွက် သေရတာ မတော်လိုက်တာ မဖြစ်သင့်လိုက်တာလို့ ဥပုသ်စောင့်တွေက ပြောဆိုနေကြတာ ကြားတဲ့အချိန်အခါမှာ ဘုရားရှင်ကိုယ်တော်မြတ်ကြီးက သူသေတာဟာ သူ့ရဲ့ကံဆိုးကို သူပြန်ပြီး ခံရတာပဲလို့ အတိတ်ကိုဆောင်ပြီး ပြန်လည်ဟောတော်မူပါတယ်။ အတိတ်ဘ၀တုန်းက မဟာကာလဥပါသကာဟာ သူတစ်ပါးရဲ့ မယားကို အတင်းအဓမ္မ သိမ်းပိုက်လိုတဲ့အတွက် လင်ယောက်ျားကို အကွက်ဆင် ထောက်ချောက်ချပြီး မသေသေအောင် တုတ်နဲ့ရိုက်သတ်ခဲ့တဲ့ အကုသိုလ်ကံမြောက်တဲ့ အလုပ်တစ်ခုကို လုပ်ခဲ့ပါတယ်။ သူလုပ်ခဲ့တဲ့ အကုသိုလ်ကံကပဲ ဒီဘ၀မှာ ပြန်ပြီးတော့ ပေးဆပ်ရတယ်ဆိုတဲ့ အကြောင်းကို ဘုရားရှင်ကိုယ်တော်မြတ်ကြီးက ဟောပြဆုံးမတော်မူပြီး.. သတ္တ၀ါဟူသမျှတို့ဟာ မိမိတို့ပြုခဲ့ဖူးတဲ့ မကောင်းမှုကံသာလျှင် မိမိအားအပါယ်လေးပါး၌ နှိပ်စက်ဖျက်ဆီးတတ်၏ ဆိုပြီး မဟာကာလဥပါသကာကို အကြောင်းပြုပြီး ဟောကြားဆုံးမတော် မူခဲ့ပါတယ်။
ဒီအကြောင်းအရာလေးဟာ အင်မတန် သတိထား သံဝေဂယူစရာ ကောင်းပါတယ်။ ကောင်းတာလုပ်နေရက်နဲ့ ကောင်းတာမဖြစ် ကောင်းကျိုးမခံစားရပဲ သူတစ်ပါးရဲ့ သတ်ဖြတ်ရိုက်နှက်ခြင်းနဲ့ ဘ၀ကို အဆုံးသတ်သွားတဲ့ အကြောင်းအရာလေးပါ။ ယခုလက်ရှိခေတ်ကာလတွေမှာလည်း ဒါမျိုးတွေ အများအပြားတွေ့ရပါတယ်။ ကောင်းရောင်းကောင်းဝယ်နဲ့ ကောင်းရာမွန်ရာ လုပ်ကိုင်စားသောက်နေတဲ့ လူတွေကျတော့ သူတစ်ပါး ညှင်းပန်းခံ နှိတ်စက်ခံရ.. မကောင်းတာလုပ်ပြီး မဟုတ်ကဟုတ်က လုပ်စားနေတဲ့ သူတွေကျတော့ ကြီးပွားချမ်းသာ နေကြတာတွေ တွေ့ဘူးကြမှာပါ။ ဒီတော့ တချို့တွေက သူများမိုးခါးရေ သောက်ရင် လိုက်သောက်ရတယ်.. လူရိုး သချိုင်္င်းမှာ ရှိတယ်ဆိုတဲ့ စကားတွေတောင် ဖောဖောသီသီ သုံးနေကြတာပါပဲ။ ဒီထဲမှာ ဘုရားရှင်ရဲ့ အဆုံးအမကို တကယ်ယုံကြည်တယ်.. ကံနဲ့ကံရဲ့ အကျိုးကို တကယ်ယုံကြည်တယ် ဆိုရင်တော့.. ကိုယ်တိုင်မပါဝင်အောင် ဘုရားရှင်ရဲ့ အဆုံးအမအတိုင်း နေထိုင်နိုင်အောင်ကြိုးစားကျင့်ကြံ လိုက်နာသင့်ပါတယ်။
ရဟန်းမစားရသော ဆွမ်းတစ်နပ်ထဲက အဖြစ်အပျက်လိုပါပဲ။ ရဟန်းကို သူခိုးထင်မှတ်ပြီး ဒကာက ရိုက်နှက်တဲ့အခါမှာ.. ရဟန်းက ပြန်လည် ဆုံးမပေးတဲ့ အကြောင်းအရာလေးကို မှတ်သားမိပါတယ်။ ဘယ်သူ့ဘယ်သူမှ အပြစ်မပြောလိုပါဘူး.. အတိတ်ဘ၀ရဲ့ အကုသိုလ်ကံ အကျိုးပေးတွေကြောင့် ဖြစ်ရတာပါ ဆိုတဲ့ အကြောင်းအရာလေးပါ။ ဒီလိုပါပဲနော်.. ကျွန်တော်တို့တွေမှာလည်း နေ့စဉ်နဲ့အမျှ ကြုံတွေနေရတာတွေ အများအပြားရှိပါတယ်။ ကိုယ့်ကို ကောင်းတယ်လို့ ပြောသွားလိုက်.. ဆိုးတယ်လို့ ပြောသွားလိုက်.. ချီးမွမ်းလိုက် ကဲ့ရဲ့လိုက်နဲ့ လောကဓံ(၈)မျိုးထဲက တစ်ခုခုနဲ့ အမျိုးမျိုး ကြုံတွေ့ကြရမှာပါ။ ကောင်းတာလုပ်နေရက်နဲ့ ဒုက္ခမျိုးစုံနဲ့ ကြုံကြိုက်နေရတာတွေ.. မကောင်းတာလုပ်နေရက်တဲ့ ကောင်းကျိုးတွေ ခံစားနေရတာတွေ ကိုယ့်ရှေ့မှာရော ကိုယ့်ပတ်ဝန်းကျင်မှာရော ဆုံတွေ့နေရမှာပါ။ ဒီလိုမျိုး ဆုံတွေ့နေခဲ့ရရင်တော့ ဘယ်သူ့ဘယ်သူ့ကိုမှလည်း အပြစ်မတင်မိပါစေနဲ့.. ကိုယ့်ကိုကိုယ်လည်း အပြစ်မတင်မိပါစေနဲ့.. ကိုယ်ပြုသည့်ကံ ပဲ့တင်သံ ဆိုတာလေးကို အမြဲနှလုံးသွင်းလိုက်ပါလို့..။ ဓမ္မမိတ်ဆွေအပေါင်း ကိုယ်စိတ်နှစ်ဖြာ ကျန်းမာချမ်းသာကြပါစေ…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဗုဒ္ဓဘာသာဝင်တွေအနေနဲ့ နေ့စဉ်ဘုရားရှိခိုးတာ မေတ္တာပို့ အမျှဝေတာတွေ ရှိပါတယ်။ ဒီလိုမျိုး ဘုရားရှင်ရဲ့ တရားတော်တွေနဲ့ ဘုရားရှင်ကို ရှိခိုးပူဇော်တဲ့နေရာမှာ အသံထွက်တွေ မှားယွင်းလွဲမှားစွာထွက်ပြီး ရွတ်ဆိုနေတာတွေ အများစုတွေ့ရပါတယ်။ ဒါ့ကြောင့်လည်း ဒီသတိပြုစရာအချက်လေးတွေကို သိစေချင်တာပါ။ အမှားကို အမှန်မှန်းသိလာရင် မိမိကိုယ်တိုင်လည်း မှန်အောင်ပြုပြင်ရမှာဖြစ်သလို ကိုယ့်ရဲ့ပတ်ဝန်းကျင်ကိုပါ အမှန်ဘက်ရောက်အောင် ပြုပြင်ပေးရမှာဖြစ်ပါတယ်။ ဒီအကြောင်းအရာလေးဟာ မင်္ဂလာသတင်းစဉ် (http://mawluu.blogspot.com/) မှ ကူးယူဖော်ပြခြင်းဖြစ်ပါတယ်။ ဒီဘလော့လေးဆီကိုလည်း စာဖတ်သူတွေ အရောက်နည်းတဲ့အတွက် အများသိစေခြင်း အလို့ငှာ ကူးယူဖော်ပြပေးလိုက်ခြင်းဖြစ်ပါတယ်။ ဒီအကြောင်းအရာလေးဟာ မြတ်မင်္ဂလာမှ စာရေးသူက ဆရာတော်ဘုရားအား ဘုရားရှိခိုးရာမှာ သတိပြုစရာအချက်တွေကို လျောက်ထားမေးမြန်းပေးတဲ့ အကြောင်းအရာလေးပါ။ ဘုရားရှိခိုးရာမှာ သတိပြုစရာအချက်လေးတွေကို သေချာနားလည်သဘောပေါက်မှန်ကန်အောင် ပြုပြင်နိုင်ပြီး အမှန်အတိုင်း ရွတ်ဆိုနိုင်ကြပါစေလို့ ဆန္ဒပြုလိုက်ပါတယ်။ ဓမ္မမိတ်ဆွေအပေါင်း မှားတာတွေ့ရင် အမှန်ပြင်နိုင်ကြပါစေ…။
ဘုရားရှိခိုးရာ သတိပြုစရာ
၁၃၆၃-ခုနှစ်၊ (၂၀၀၁-ခု) နွေရာသီကျောင်းပိတ်ရက်တွင်… မြို့ရှိ ဘုန်းတော်ကြီးသင် ပညာရေးကျောင်းတွင် ဆရာ ဆရာမများ၏ ဗုဒ္ဓဘာသာယဉ်ကျေးမှု နည်းပြသင်တန်းဆင်းပွဲ ကျင်းပသည်။ စာရေးသူအား ထိုပွဲသို့ တက်ရောက်ရန် သက်ဆိုင်ရာ ဆရာတော်ဘုရားက ကျောင်းသားတယောက်ကို လွှတ်၍ စာဖြင့် အကြောင်းကြားသည်။ သို့ဖြင့် စာရေးသူသည် သင်တန်းဆင်းပွဲ ပြုလုပ်သည့်ရက်တွင် အဆိုပါ ဘုန်းတော်ကြီးကျောင်းသို့ရောက်ရှိခဲ့ပါသည်။
သင်တန်းဆင်းပွဲသို့ ဆရာတော် ၅-ပါး ကြွရောက်သည်။ မြို့နယ် ရပ်ကွက်မှ တာဝန်ရှိသူများလည်း တက်ရောက်သည်။ သင်တန်းသား၊ ဆရာ ဆရာမများ စုံညီလည်းတက်ရောက်သည်။ သင်တန်းဆင်းပွဲတွင် ပဓာနနာယက ဆရာတော်ဘုရားကြီးက သြ၀ါဒကထာ ချီးမြှင့်သည်။ ဆရာတော်ဘုရားကြီးက သြ၀ါဒ ပေးတော်မူရာတွင် ဗျသနတရားငါးပါး အနက်မှ သီလဗျသန (ကောင်းသော ကိုယ်ကျင့်သီလ ပျက်စီးခြင်း)နှင့် ဒိဋ္ဌိဗျသန (မိစ္ဆာဒိဋ္ဌိအယူမှားခြင်း) တို့ ဖြစ်ပါက တဘ၀သာမဟုတ်၊ ဘ၀များစွာ ဒုက္ခပေးနိုင်ကြောင်း သြ၀ါဒ ပေးတော်မူသည်။ယင်းသို့သြ၀ါဒပေးရာမှ-
(၁)ဘုရားရှိခိုးခြင်း။
(၂)မေတ္တာပို့အမျှဝေခြင်း။
(၃)ဒါနပြုခြင်း။
(၄)သာသနာသန့်ရှင်း တည်တံ့ပြန့်ပွားရေးအတွက် ဆောင်ရွက်ခြင်းတို့ ပြုရာတွင် မှန်ကန်မှုရှိရန် လိုအပ်ကြောင်း။ သီလတောင်းရာတွင် မတောင်းတတ်သဖြင့် ရဟန်းတော်က ရှေ့ကဆိုပေးသည်ကို လိုက်ဆိုနေရကြောင်း၊ ပါဠိကို ရွတ်ဆိုရာတွင်လည်း ပုဒ် ပါဌ် အက္ခရာ အဖြတ်အတောက် မှန်ကန်အောင် ရွတ်ဆိုတတ်ဖို့လိုကြောင်း စသည်တို့ကို ထည့်သွင်းသြ၀ါဒပေးသွားသည်။
ဆရာတော်ဘုရားကြီး၏ သြ၀ါဒမှာ အဖိုးထိုက်တန်လှသဖြင့် သင်တန်းဆင်းပွဲ ပြီးသောအခါ စာရေးသူသည် ဆရာတော်ကြီးထံချဉ်းကပ်၍ အောက်ပါအတိုင်း မေးမြန်းလျှောက်ထားခဲ့သည်။
စာရေးသူ။ ။ ဆရာတော် သြ၀ါဒပေးတဲ့အထဲမှာ ပါဠိကို ပုဒ် ပါဌ် အက္ခရာ မှန်ကန်အောင် ရွတ်ဆိုဖို့ဆိုတာ ကြားနာရပါတယ်ဘုရား။ တပည့်တော်ကို ရှင်းပြတော်မူပါဘုရား။
ဆရာတော်။ ။ ရှေးဦးစွာ ပါဠိတော်ကို ရွတ်ဖတ်မှု အသံထွက် မှန်ကန်ဖို့ အရေးကြီးကြောင်း ဘုန်းကြီးပြောပြ ချင်တယ်။ အတ္ထော အက္ခရ သညာတော-ဆိုတဲ့ ပါဠိတော်အရ အနက်ကို အက္ခရာတို့ဖြင့်သာ သိနိုင်ပါတယ်။
အက္ခရာမမှန်လျှင်ပုဒ်မှန်မည်မဟုတ်ပါ။
ပုဒ်မမှန်လျှင်ဝါကျမှန်မည်မဟုတ်။
ဝါကျမမှန်လျှင်အနက်မှန်ကိုသိနိုင်မည်မဟုတ်။
အနက်မမှန်လျှင်အကျင့်မှန်ကိုသိနိုင်မည်မဟုတ်။
အကျင့်မှန်ကို မသိနိုင်လျှင် နိဗ္ဗာန်ရောက်ရန် နည်းလမ်းမှန်ကို သိရမယ်မဟုတ်ဘူး ဒကာကြီး။
ဒါကြောင့် ပါဠိတော်တွေကို ရွတ်ဖတ်မှု မှန်ကန်ဖို့ အလွန်အရေးကြီးတာပဲ။
စာရေးသူ။ ။ တပည့်တော် သဘောပေါက်ပါပြီဘုရား။ ဆက်လက်အမိန့်ရှိပါဦးဘုရား။
ဆရာတော်။ ။ ထေရ၀ါဒ ဗုဒ္ဓဘာသာဝင်တဦးအနေနဲ့ နေ့စဉ်ပြုလုပ်တဲ့ ဘုရားရှိခိုးခြင်းနဲ့ ပတ်သက်ပြီး မှန်ကန်မှုရှိဖို့ အထူးလိုအပ်ပါတယ်။ ထိုင်နည်းကိုတော့ အသေးစိတ် မပြောလိုတော့ပါဘူး။ ခန္ဓာကိုယ် အချိုးအစားအရ ကိုယ်ကာယမျှတအောင် ရိုရိုသေသေ ထိုင်ဖို့လိုပါတယ်။
လက်အုပ်ချီရမယ့် အနေအထားအမှန်က လက်ဖ၀ါးနှစ်ဖက်ကို ပူးကပ်မထားရပါဘူး။ ကြာဖူးပုံသဏ္ဍာန်သာ ထားရပါမယ်။ လက်မက မျက်ခုံး။ လက်ညှိုးက ဆံစကို ထိထားပြီးမှသာ လက်စုံမိုး ရှိခိုးတာ ဖြစ်ပါမယ်။
လက်စုံမိုးပြီး ခြေနှစ်ဖက်၊ ဒူးနှစ်ဖက်၊ လက်နှစ်ဖက်၊ တံတောင်နှစ်ဖက်နဲ့ နဖူးတို့ကို ကြမ်းပြင်၊ သို့မဟုတ်-မြေမှာထိပြီး ရှိခိုးရမယ်။ ဒါမှ ထိခြင်း၊ တည်ခြင်း ငါးပါးလို့ ဆိုရမယ်။
အခုတော့ အချို့သူများဟာ လက်ဝါးနှစ်ဖက်ကို ပူးကပ်ကာရင်ညွန့်နေရာမှာထားပြီး ရှိခိုးနေတာ တွေ့ရတယ်။ ခေါင်းက မော့လျက်နဲ့၊ လက်နှစ်ဖက်ပူးလျက်နဲ့ ကြမ်းပြင်ကို ချပြီး ကန်တော့နေကြတာ တွေ့ရတယ်။ ဒီလို မပြုသင့်ဘူး။ပြုပြင်သင့်တယ်။
ရင်ညွန့်မှာ လက်အုပ်ချီတာက တဦးနဲ့တဦး တွေ့တဲ့အခါ ဂါရ၀ပြုတဲ့ အမှုပဲ။ ကျောင်းသူ ကျောင်းသားတွေက ဆရာ ဆရာမများ အတန်းထဲဝင်လာတဲ့အခါ မင်္ဂလာပါ ဆရာ၊ ဆရာမ-ဆိုပြီး နှုတ်ခွန်းဆက် ဂါရ၀ပြုတဲ့အခါ အခုလို ရင်ညွန့်မှာ လက်အုပ်ချီခြင်း ပြုရပါမယ်။
စာရေးသူ။ ။ရွတ်ဆိုမှုအမှားတွကို အမိန့်ရှိပါဦးဘုရား။
ဆရာတော်။ ။ သြကာသကန်တော့ချိုးနဲ့ ရှိခိုးရာမှာ- သြကာသ-- ဖူးမျှော်မာန်လျှော့ ကန်တော့ပါ၏ အရှင်ဘုရား- လို့ဆိုပြီး ရပ်ထားရမယ်။ ကန်တော့ရသော အကျိုးအားကြောင့်ဆိုပြီး ဆုတွေတောင်းဖို့ မလိုဘူး။ အခုတော့ တောင်းလိုက်တဲ့ဆုတွေက အများကြီး။ သီလပေးတဲ့ ဆရာတော်ကတောင် ဆုပေးစရာ မကျန်တော့ဘူး။ ဒီအချက်ကိုလဲ ပြုပြင်သင့်တယ်။
ကန်တော့ပြီးတဲ့နောက် သီလပေးတဲ့ဆရာတော်က ငါးပါး၊ ရှစ်ပါး၊ ကိုးပါး၊ ဆယ်ပါးသီလ တမျိုးမျိုးကို သီလတောင်းပါလို့လဲ ပြောလိုက်ရော မတောင်းတတ်ကြတော့ဘူး။ ဘာသံမှ ထွက်မလာတော့ဘူး။ ဟိုကြည့် သည်ကြည် လုပ်နေကြပြီး သီလမတောင်းတတ်မှန်းသိလို့ ဆရာတော်က-ကဲ ကဲ လိုက်ဆိုကြဆိုပြီး ရှေ့ကနေ ပါဠိလိုချပေးရတယ်။
အဟံ ဘန္တေ တိသရဏေန သဟ ပဉ္စသီလံ ဓမ္မံ ယာစာမိ အနုဂ္ဂဟံ ကတွာ သီလံ ဒေထ မေ ဘန္တေ-လို့ ချပေးတာကို လိုက်ဆိုရာမှာ အသံထွက်မမှန်တဲ့ ရွတ်ဆိုမှုနဲ့ အဖြတ်အတောက် မမှန်တဲ့ လိုက်ဆိုမှုတွေကို တွေ့နေရတယ်။
ဥပမာ-အဟံ ဘန္တေ-လို့ ဆိုရမယ့်အစား အဟံ ဘန်းတေ-လို့ ၀ိသဇ္ဇနီသံ၊ ၀စ္စပေါက်သံ ထည့်ဆိုနေကြတယ်။
ဘန်းတေ-လို့ရွတ်ဆိုတာဟာ မမှန်ဘူး။ ပါဠိမှာ ၀ဇ္ဇနီသံ၊ ၀စ္စပေါက်သံ မရှိပါဘူး။
အဟံ ဘန်တေ- ( အဟံ ဘန္တေ ) လို့ အသံထွက်ရပါမယ်။
တိသရဏေန-လို့ ရွတ်ဆိုတဲ့အခါမှာလဲ တစ်သရဏေန- လို့ အချို့က မှားဆိုနေကြပြန်တယ်။ တိသရဏေန-လို့ အမှန်ဖြစ်အောင် ပြင်ရပါမယ်။
နောက်ပြီး- တိသရဏေန- သဟ- ပဉ္စသီလံ-လို့ ရွတ်ဆိုရမှာဖြစ်သော်လည်း အချို့က တိသရဏေန သဟ-ပဉ္စသီလံ -လို့ ဖြတ်သင့်ရာ မဖြတ်ဘဲ စပ်သင့်ရာ မစပ်ဘဲ (သဟ-နဲ့ပဉ္စသီလံ တွဲပြီး) အမှားရွတ်ဆို နေကြတယ်။
ဓမ္မံ ယာစာမိ-လို့ ရွတ်ဆိုရာမှာလဲ ဓမ္မံ-ကို ဓမ်မံ-လို့ရွတ်ဆိုရမယ့်အစား ဓမံ-လို့ မှားယွင်းရွတ်ဆိုနေတာ တွေ့ရတယ်။ ပြုပြင်သင့်တယ်။ယာစာမိ-ကို အချို့က ယာဆာမိ-လို့ စ နဲ့ ဆ မကွဲဘဲ ရွတ်ဆိုတော့ အက္ခရာမမှန်ရင် ပုဒ်မှန်မှာ မဟုတ်ဘူး။ဒကာကြီးတို့ကျောင်းမှာ အင်္ဂလိပ်စာသင်တော့ အသံထွက်မှန်အောင် ဖတ်ရ၊ ပြောရတယ် မဟုတ်လား။ အင်္ဂလိပ်စာမှာ အသံထွက်မမှန်ရင် အဓိပ္ပါယ်အမျိုးမျိုး ထွက်သွားတယ်မဟုတ်လား။ ဘုရားဟောပါဠိကို အသံထွက်မှန်အောင် ပိုပြီးဂရုစိုက်ရမှာပေါ့။
ပြီးတော့ အချို့က ဒေထ-ကိုလဲ ဒေးထ-လို့ ၀စ္စနှစ်လုံးပေါက်သံထည့်ပြီး မှားယွင်းရွတ်ဆိုနေကြပြန်တယ်။ ဒေထ-သာ အမှန်ဖြစ်ပါတယ်။ နောက်ပြီး နမော တဿ ဘဂ၀တော အရဟတော သမ္မာသမ္ဗုဒ္ဓဿ-ကို ရွတ်ဆိုရာမှာလဲ နမော နဲ့ တဿ ကို မဖြတ်ဘဲ တွဲစပ်ရွတ်ဆိုနေကြတယ်။ အမှန်က နမော တဿ-လို့ ဖြတ်ပြီးရွတ်ဆိုရမယ်။ နမောတဿ-လို့ တွဲစပ် မရွတ်ဆိုရဘူး။
နောက်ပြီး ဘဂ၀တော-လို့ တွဲစပ်ရွတ်ဆိုနေတာကိုလဲ တွေ့ရတယ်။ ဘဂ၀-တော လို့ ရွတ်ဆိုနေတာကိုလဲ တွေ့ရတယ်။အမှန်က ဘဂ-၀တော လို့ ရွတ်ဆိုမှ မှန်တယ်။ ဒီနေရာမှာ ဘဂ-ပုဒ် ဘုန်းတော်ခြောက်ပါး။ ၀တော-(၀န္တ)(ပစ္စည်း)ရှိသောပုဂ္ဂိုလ်-လို့ သိထားသင့်တယ်။
စာရေးသူ။ ။ အဖိုးတန်လှပါတယ် ဘုရား၊ အမှားရွတ်ဆိုသူတွေ အမှန်ရွတ်ဆိုနိုင်အောင် ပြုပြင်သင့်လှပါတယ်။
ဆရာတော်။ ။ နောက်ပြီး ငါးပါးသီလ ခံယူရာမှာ ပါဏာတိပါတာ ဝေရမဏိ-လို့ ရွတ်ဆိုရမယ့်အစား
ပါဏာတိပါတာ ဝေရာမဏိ-လို့ ရ-ကို ရေးချထည့်ပြီး ရာ-လို့ မှားယွင်းရွတ်ဆိုနေတာကိုလဲ ကြားရတယ်။ ရ-ကို ရာ-လို့မမှားအောင်သတိပြုရပါမယ်။
တဖန် အဒိန္နာဒါနာ-ကိုလဲ အဒိန္နဒါနာ-လို့ မှားယွင်းစွာ ရွတ်ဆိုနေကြပြန်တယ်။ ဒိန္နာ-မှာ ရေးချသံပါတာကို သတိပြုရပါမယ်။ သုရာမေရယ-ကိုလဲ သူရာမေရိယ-လို့ မှားယွင်းစွာ ရွတ်ဆိုနေကြပြန်တယ်။ သုရာမေရယ-သာ အမှန်ဖြစ်ပါတယ်။ မဇ္ဇပမာဒဋ္ဌာနာ-ကိုလဲ မဇ္ဇပမာဒဌာနာ-လို့ မှားယွင်းရွတ်ဆိုနေကြတယ်။
မဇ္ဇပမာဒဋ်ဌာနာ-(မဇ္ဇပမာဒတ်ဌာနာ) လို့ အသံထွက်ရပါမယ်။ ဌ-(ဌ၀မ်းဘဲ) နဲ့ ဋ္ဌ (လည်ချိတ်ပါတဲ့
ဋ္ဌ၀မ်းဘဲကြီး) တို့ဟာ မတူပါဘူး။ လည်ချိတ်ပါတဲ့ ဋ္ဌ ၀မ်းဘဲကြီးက ဌ နဲ့ ဋ ပေါင်းစပ်ထားတာပါ။ (ဌ+ဋ=ဋ္ဌ) ဖြစ်တယ်။ ဋ္ဌ ဆိုရင် ဋ သတ်ထည့်ရမယ်။ ဥပမာ ပြဋ္ဌာန်း-(ပြဋ်ဌာန်း) ဖြစ်ပါတယ်။ ဒါကြောင့် မဇ္ဇပမာဒဋ်ဌာနာလို့ အသံထွက်ရပါမယ်။
စာရေးသူ။ ။ ဒီလိုအမှားတွေ ရွတ်ဆိုမှုကို အချို့ဆရာတော်များက ပြင်ပေးကြပါတယ်ဘုရား။ ပြုပြင်သင့်တဲ့အချက်တွေပါဘုရား။
ဆရာတော်။ ။ ဒါကြောင့် အခု ဗုဒ္ဓဘာသာယဉ်ကျေးမှု နည်းပြသင်တန်းမှာလဲ ဒီလိုအမှားတွေ မဖြစ်ဖို့ အထူးဂရုစိုက်ပြီး သင်ကြားပေးနေတာကို ၀မ်းသာမိပါတယ်။
စာရေးသူ။ ။ သာဓုပါဘုရား။
( ရဲဘော်မျိုးညွန့်-သ-သ-န )
အမှန်အတိုင်းသိရှိပြီး လိုက်နာကျင့်ကြံနိုင်ကြပါစေ…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဤဝေါပေပါလေးအား http://www.lknt11.com/ မှကူးယူဖော်ပြပါသည်..။
နားထဲမှာ ခဏခဏကြားရတဲ့ စကားလေးတစ်ခွန်း အမြဲရှိပါတယ်။ အသက်ကြီးမှ တရားအားထုတ်မယ်ဆိုတဲ့ စကားလေးတစ်ခွန်းပါ။ လူအများစုနဲ့စကားပြောမိပြီး စကားလေးစပ်မိလို့.. တရားအလုပ် လုပ်ပါလားလို့ ပြောလိုက်ရင်..။ ငါ့အသက်ကငယ်ငယ်ပဲရှိသေးတာ.. ကြီးမှလုပ်တော့မယ်.. နောက်ပြီး.. တရားအလုပ်ဆိုတာ ဘုန်းကြီးတွေနဲ့ပဲဆိုင်တာပါ.. ငါတို့ အလုပ်မဟုတ်ပါဘူး.. ဆိုပြီး ဆင်ခြေအမျိုးမျိုးပေးနေတဲ့လူတွေ တော်တော်များပါတယ်။ ဆင်ခြေပေးတဲ့လူတွေများလာတော့.. သူတို့ကိုကြည့်ပြီးတော့ တခါတခါကျ မေးလိုက်ချင်တယ်။ အသက်ကြီးမှလုပ်မယ်ဆိုတော့ ဘယ်လောက်ထိ နေရမယ်ဆိုတာ သိလို့လားဆိုတဲ့ မေးခွန်းတစ်ခုပါ။ နောက်ပြီး သေနေ့စေ့လို့ သေမင်းခေါ်မယ့်အချိန်ကျရင်လည်း.. ငါကတရားအားမထုတ်ရသေးလို့ ပြီးမှလိုက်ခဲ့မယ်လို့ရော ဆင်ခြေပေးလို့ရမှာလားဆိုတဲ့ မေးခွန်းလေးတွေပါ။ အဲ့ဒါတွေမေးလိုက်ရင်လည်း.. မလုပ်ချင်တဲ့သူဟာ ဘယ်လိုပြောပြော ရလိ့မ်မယ် မထင်ပါဘူး။ လူတိုင်းလူတိုင်းမှာ သူ့ခံယူချက် သူ့အယူအဆနဲ့သူရှိကြတော့ အတင်းကြီးတိုက်တွန်းပြောဆိုလို့လည်း မဖြစ်ပြန်ပါဘူး။ ဒီတော့ သူတို့ပြောတဲ့စကားတွေမှန်မမှန်ကို ဘုရားအဆုံးအမတွေနဲ့ပဲ တိုက်ကြည့်ပြချင်ပါတယ်။
ဘုရားရှင်ဟောပြဆုံးမထားတဲ့ ပုထုဇဉ်တွေကြိုမသိနိုင်တဲ့ အရာငါးမျိုးဆိုတာ ရှိပါတယ်။ အဲ့ဒါတွေကတော့ (၁) ဇီဝိတိ= ဘယ်အသက်အရွယ်မှာ သေရမယ်ဆိုတာ ကြိုမသိနိုင်ဘူး (၂) ဗျာဓိ= ဘယ်အနာရောဂါနဲ့ သေရမယ်ဆိုတာ ကြိုမသိနိုင်ဘူး (၃) ကာလိ= မနက်၊ နေ့လည်၊ ည၊ ဘယ်ကာလမှာ သေရမယ်ဆိုတာ ကြိုမသိနိုင်ဘူး (၄) ဒေဟနိက္ခေပနံ= ဘယ်နေရာ၊ ဘယ်ဒေသမှာသေမယ်၊ ဘယ်သုဿာန်မှာ သင်္ဂြီုဟ်မယ်ဆိုတာလည်း ကြိုမသိနိုင်ဘူး (၅) ဂတိ= ဘယ်ဘုံရောက်မယ်ဆိုတာလည်း ကြိုမသိနိုင်ဘူး ဆိုတဲ့ အချက်ငါးချက်ပါ။ ဒါတွေဟာ တကယ်တမ်းတိုက်ပြီး စစ်ဆေးကြည့်လိုက်တော့ လုံးဝကို မှန်နေတာပါနော်။ ဒါကိုတောင်မှ အသက်ကြီးမှလုပ်မယ်.. နောက်မှလုပ်မယ်ဆိုတော့ ဘယ်လိုပြောရပါ့မလဲ..။ ကိုယ့်ရှေ့မှာတင် အသက်ကြီးသည်ငယ်သည်မဟုတ်ဘူး.. တဖြုတ်ဖြုတ်နဲ့ ကြွေပြနေတဲ့သူတွေကလည်း ဘုရားအဆုံးအမက အမှန်ပဲဆိုတာကို သက်သေပြနေသလိုပါပဲ။ ဒါကိုတောင်မှ အသက်ကြီးမှလုပ်မယ်လို့ ပြောထွက်ကြတယ်။ ဒီလိုပါပဲ.. ဘုရားရှင် လက်ထက်ကတော်အခါတုန်းက တရားအားထုတ်တဲ့အလုပ်ကို အသက်ကြီးမှလုပ်မယ်ဆိုပြီး မလုပ်ဖြစ်ဘဲ ခွက်လက်ဆွဲတောင်းစားရတဲ့ သာဓကတစ်ခု ထုတ်ပြချင်ပါတယ်။ ဘုရားရှင်ကိုယ်တော်တိုင် ပြုံးတော်မူပြီး ဆုံးမပြောကြားခဲ့တဲ့ ဇတ်ကြောင်းလေးတစ်ခုပါ။
ဘုရားရှင်လက်ထက်တော် အခါတုန်းက ကုဋေပေါင်းများစွာကြွယ်ဝတဲ့ သူဋ္ဌေးကြီးလင်မယားနှစ်ယောက် ရှိပါတယ်။ သူတို့နှစ်ဦးမှာ သူဋ္ဌေးကြီးဟာ ပထမအရွယ်မှာ စီးပွားရှာမယ်ဆို ပထမတန်းစားသူဋ္ဌေးကြီးအဖြစ် ရောက်ရှိမှာဖြစ်ပြီး.. တရားရှာမယ်ဆိုရင် ရဟန္တာဖြစ်တဲ့အထိ ပါရမီတွေပါလာပါတယ်။ သူဋ္ဌေးကတော်ကတော့ ပထမအရွယ်မှာ စီးပွားရှာမယ်ဆို ပထမတန်းစားသူဋ္ဌေးမကြီးဖြစ်ပြီး.. တရားရှာမယ်ဆိုရင် အနာဂါမ်ဖြစ်တဲ့အထိ ပါရမီပါရှိပါတယ်။ ဒုတိယအရွယ် တတိယအရွယ်တွေမှာလည်း သူတို့တွေ တရားထူးရဖို့ ပါရမီတွေပါရှိခဲ့ပါတယ်။ ဒါပေမယ့် တရားအလုပ်ကိုကိုယ်နဲ့ မဆိုင်သလိုနေပြီး မိတ်ဆွေပေါင်းမှားကာ ပျက်ဆီးချင်တိုင်း ပျက်ဆီးခဲ့တဲ့အတွက် ခွက်လက်ဆွဲတောင်းစားရတဲ့ ဘ၀အထိကို ရောက်သွားရတာပါ။ တတိယအရွယ်ထိကျော်လွန်လာပြီး အသက်(၈၀)ကျော်လာတဲ့ အချိန်မှာတော့ သူတို့မှာရှိတဲ့ငွေကြေးလည်း ဆုံးရှုံး တရားထူးလည်းမရနဲ့.. ဘ၀ကို မလှမပ ဇတ်သိမ်းသွားရတဲ့ ဇတ်ကြောင်းလေးပါ။
အဲ့ဒီ့ဇာတ်ကြောင်းလေးမှာ ခွက်လက်ဆွဲတောင်းနေတဲ့ လင်မယားနှစ်ယောက်ကိုစတွေ့တော့ ဘုရားရှင်ကိုယ်တော်မြတ်ကြီးက ပြုံးတော်မူပါတယ်။ ဘုရားရှင်တို့ ပြုံးတော်မူတယ်ဆိုတာ အကြောင်းအရင်းရှိပါတယ်။ ပြုံးတော်မူတဲ့အခါမှာတော့ အရှင်အာနန္ဒာက မေးပါတယ်။ ဘာလို့ပြုံးတော်မူတာလဲအရှင်ဘုရား ဆိုတော့.. ဘုရားရှင်ကိုယ်တော်မြတ်ကြီးက သူ့ရဲ့တပည့်သား သံဃာတော်တွေကို ဆုံးမသြ၀ါဒ ပေးတော်မူပါတယ်။ ချစ်သားတို့.. တကယ်တော့ ဒီသူဋ္ဌေးလင်မယားနှစ်ယောက်ဟာ ရှေးဘ၀က မဂ်ဥာဏ် ဖိုလ်ဥာဏ်ရဖို့ ပါရမီတွေအပြည့်ပါရှိခဲ့တယ်.. ဒါပေမယ့် သူတို့ဟာ ပထမအရွယ် ဒုတိယအရွယ် တတိယအရွယ်ဆိုတဲ့ အရွယ်သုံးပါးလုံးမှာ တရားဓမ္မကို ကြိုးစားအားထုတ်ဖို့ မေ့လျော့ခဲ့ကြတဲ့အတွက် မဂ်ဥာဏ်ဖိုလ်ဥာဏ်နဲ့ ဝေးခဲ့ရတယ်.. ဆိုတဲ့ ဆုံးမစကားလေးပါ။ ဘုရားရှင်ရဲ့ပါဋ္ဌိတော်မှာတော့ အကျယ်ဖွင့် ပြထားပါတယ်။ ကျွန်တော့်အနေနဲ့ အများနားလည်လွယ်အောင်ပဲ ရေးပေးလိုက်တာပါ။
ဒီအကြောင်းအရာလေးတွေးမိတော့ အင်မတန်သံဝေဂရမိပါတယ်။ ဒီလောက် မဂ်ဥာဏ်ဖိုလ်ဥာဏ် ရရှိဖို့ ပါရမီတွေ ပါရှိလာတာတောင် တရားအားထုတ်ဖို့ မေ့လျော့ခဲ့တဲ့အတွက် မဂ်တရားဖိုလ်တရားနဲ့ ဝေးခဲ့ရတယ်ဆိုတဲ့ အချက်လေးပါ။ ရှေးကအတိတ်ကံတွေ ဘယ်လောက် ကောင်းခဲ့ကောင်းခဲ့ ဒီဘ၀မှာ ကြိုးစားအားထုတ် ကျင့်ကြံမှုမရှိဘူးဆိုရင် ဘုရားရှင်တောင် မကယ်နိုင်ဘူးဆိုတဲ့ အသိလေးလည်း မှတ်သားမိပါတယ်။ ဘုရားရှင်ပြုံးတော်မူတယ်ဆိုတာလည်း သူ့တပည့်သားသံဃာတော်တွေကို ဒီအချက်လေးကို သိစေချင်လို့ပါပဲ။ ဘုရားရှင်လက်ထက်မှာ ဘုရားရှင်ပင် ရှိနေပါစေ.. ကိုယ်တိုင် မကျင့်ကြံအားမထုတ်ဖူးဆိုရင် ဘာမှအလွယ်တကူ မရနိုင်ဘူးဆိုတာကို ဘုရားရှင်က သိစေလိုတယ်လို့ ကျွန်တော်ကတော့ ယူဆမိပါတယ်။ ပါရမီတွေဘယ်လောက်ရှိခဲ့ရှိခဲ့ အရွယ်သုံးပါးကို ကျော်လွန်ပြီး အသက်အရွယ်အိုမင်းရင့်ရော်တဲ့အခါမှာ တရားအားထုတ်ဖို့ဟာ အင်မတန် ခက်ခဲတယ်ဆိုတာလည်း သိလာရပါတယ်။ ဒါမလို့လည်း ဘုရားရှင်က တရားအားထုတ်လို့မရတဲ့ဘေးမှာ အသက်အရွယ်အိုမင်းရင့်ရော်ခြင်းကို ပထမအချက်အနေနဲ့ ဟောပြဆုံးမထားတာပါ။
ဒီဇာတ်လမ်းမှာ.. သူဋ္ဌေးလင်မယားဟာ အသက်(၈၀)ကျော်အထိ နေသွားရတဲ့သူတွေပါ။ ကျွန်တော်တို့ လက်ရှိအနေနဲ့ဆိုရင် သူတို့လိုနေရမယ်လို့တောင် ပြောလို့မရနိုင်ပါဘူး။ သေမင်းကလည်း သူခေါ်ချင်တဲ့အချိန် ခေါ်တာပါ။ ကိုယ့်အနေနဲ့ကလည်း ဘယ်လောက်နေချင်နေချင် ကံပါသလောက်ပဲ လောကကြီးမှာ နေခွင့်ရတာပါ။ ဒါတောင်မှ မသိခြင်းများစွာနဲ့ အနာဂတ်ကိုမျှော်လင့်ပြီး လက်တွေ့ဘ၀ကို တရားနဲ့အညီ မနေနိုင်တာကြတွေဟာ နှမြောဖို့ ကောင်းပါတယ်။ မိုးကုတ်ဆရာတော်ဘုရားကြီးရဲ့ ဆုံးမစကားနဲ့ပြောရရင်တော့ အ၀ိဇ္ဇာ၊ တဏှာဖုံးလွှမ်းမှုတွေ အားကြီးလွန်းတော့ သေဖို့ကို အမေ့ကြီးမေ့ပြီး နေဖို့ကိုပဲ ပြင်ဆင်နေကြတဲ့ အကန်းပုထုဇဉ်တွေလို့ပဲ ပြောရတော့မှာပါ။
ဓမ္မဘေရီဆရာတော်ဘုရားကြီး ဆုံးမသြ၀ါဒပေးသလိုဆိုရင်တော့.. ငါးပျော်မပျော်ကြနဲ့.. ငါးတွေဟာတဖြေးဖြေး ရေခမ်းလာပြီး စည်ကားလာတာကို အပျော်ကြီး ပျော်နေကြတယ်.. ဒါပေမယ့် သူတို့ဟာ တဖြေးဖြေး ရေခမ်းလာတာကိုတော့ မေ့နေကြတယ်ဆိုတဲ့ ဆုံးမစကားလေးပါ။ ကျွန်တော်တို့တွေလည်း ဒီလိုပါပဲနော်.. တဖြေးဖြေးနဲ့အိုအိုလာတာဟာ ရေခမ်းခမ်းလာတာပါ။ ရေမခမ်းခင်မှာလည်း ငါးမျှားတံနဲ့ပါသွားချင်လည်း ပါသွားနိုင်ပါတယ်။ ဒ့ါကြောင့်.. နေဖို့ကိုလည်း ပြင်ဆင်သလို သေဖို့ကိုလည်း ပြင်ဆင်ပါလို့ သတိပေးလိုပါတယ်။ ဖြစ်လာရတဲ့ လူ့ဘ၀အခိုက်အတန့်လေးမှာ.. မေ့လျော့မှုတွေနဲ့ မနေမိစေပဲနဲ့.. အရွယ်သုံးပါးလုံးမှာ တရားအားထုတ်ကျင့်ကြံစေချင်ပါတယ်။ ဒါမှလည်း ဘုရားရှင် ပြုံးတော်မူခဲ့တဲ့ သူဋ္ဌေးလင်မယားလိုဘ၀မျိုး မရောက်ရမှာပါ။ ဘုရားရှင်မှာကြားသွားတဲ့ နောက်ဆုံးစကားဖြစ်တဲ့ အပ္ပမာဒတရားလက်ကိုင်ထားကာ ကြိုးစားကျင့်ကြံနိုင်ကြပါစေလို့ ဆန္ဒပြုရင်း…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဒီအကြောင်းလေးကတော့ ဘုရားရှင်ကို အမျိုးမျိုးလိုက်လံနှောက်ယှက် ဖျက်ဆီးနေတဲ့ ဒေ၀ဒတ္တရဲ့ အကြောင်းလေးပါ။ လူအများ သိသိနေတာက ဒေ၀ဒတ်လို့ သိကြတာပါ.. တကယ်တော့ သူ့နာမည် အရင်းက ဒေ၀ဒတ္တပါ။ ဘုရားရှင်လို သတ္တ၀ါအားလုံးအပေါ်မှာ သားတော်ရာဟုလာအလား မေတ္တာထားတဲ့ အနန္တမေတ္တာရှင်ကိုတောင် ဒေ၀ဒတ္တဟာ ပြစ်မှားကြံစီလုပ်ကြံခဲ့မိတာပါ။ ဘုရားရှင်လို ကြည်ညိုဖွယ်ရာအဆင်း၊ နှစ်သက်ကြားနာလိုဖွယ်ရာ ဂရုဏာအသံတော်နဲ့ တုနှိုင်းမရှိ ဂုဏ်တော်အပေါင်းနဲ့ ပြည့်စုံနေတဲ့ ဘုရားရှင်ကိုယ်တော်မြတ်ကြီးကို သူ့မျက်စိထဲမှာ ရန်သူလိုသဘောထားမိတဲ့အထိပါပဲ။ ဒါတွေဟာဘာလို့လည်း.. ဘာ့ကြောင့်ဖြစ်ခဲ့ရတာလဲ.. ဘယ်လိုအကြောင်းကြောင့်လည်း ဆိုတာလေး ပြန်လည်တွေးကြည့်မိပါတယ်။ ဘုရားရှင်ကို ရန်သူတစ်ယောက်လို သတ်မှတ်တဲ့အထိဖြစ်ရအောင် ဘယ်အရာက ဇာတ်လမ်းစခဲ့တာလဲ..။
အဓိကတရားခံကတော့ ၀ိသမလောဘကစခဲ့တာပါ။ လောဘဆိုတာ လိုချင်တက်မက်တဲ့ သဘောတရားပါ။ အရာဝတ္ထုတစ်ခုခုအပေါ်မှာ လိုချင်တက်မက်လိုတဲ့ စိတ်ဟာ လောဘစိတ်ပါပဲ။ လောဘမှာမှ သမလောဘနဲ့ ၀ိသမလောဘဆိုပြီးတော့ နှစ်မျိုးရှိပါတယ်။ သမလောဘဆိုတာကတော့ မျှမျှတတ တရားသဖြင့် ရယူလိုတဲ့ လောဘစိတ်ပါ။ ၀ိသမလောဘဆိုတာကတော့ မလိုမတရားအတင်းအဓမ္မ မတရားသဖြင့် ရယူလိုတဲ့ လောဘစိတ်ပါ။ ဒီအကြောင်းထဲမှာ ဒေ၀ဒတ္တစတင်ခဲ့တဲ့ ဇာတ်လမ်းလေးရဲ့တရားခံဖြစ်တဲ့ ၀ိသမလောဘ အကြောင်းလေးကို ဖော်ပြပေးလိုတာပါ။ ခုခေတ်လူတွေ အများဆုံးဖြစ်နေတဲ့ စိတ်တွေလို့ ပြောမယ်ဆိုလည်း မမှားနိုင်ပါဘူး။ သူများမိုးခါးရေသောက်ရင် လိုက်သောက်မယ်.. သူများမတရားတာလုပ်ရင် လိုက်လုပ်မယ်ဆိုတဲ့သူတွေအတွက်တော့ ဒေ၀ဒတ္တစခဲ့တဲ့ ဒီဇတ်လမ်းလေးဟာ မသိမဖြစ်လိုအပ်ပါတယ်။ ဒီဇာတ်လမ်းလေးအကြောင်းကို ပြန်လည်မိတ်ဆက်ပေးလိုပါတယ်။
ကျွန်တော်တို့တွေ ငယ်စဉ်ကသင်ခဲ့ရတဲ့ ရွဲကုန်သည်နှစ်ဦးအကြောင်းကို အားလုံးသိမယ်ထင်ပါတယ်။ ရွဲကုန်သည်နှစ်ဦးရှိတဲ့အထဲမှာ ပထမရွဲကုန်သည်ဟာ လောဘတအားကြီးတဲ့အတွက် သူရသင့်တဲ့ ရွှေခွက်နဲ့ လွဲခဲ့ရပြီး.. နောက်ရွဲကုန်သည်တစ်ဦးကတော့.. သင့်တင့်မျှတတဲ့လောဘထားခါ ရွှေခွက်ရဲ့တန်ရာတန်ကြေးကို အမှန်အတိုင်းပြောပြပြီး လဲလှယ်ခဲ့တဲ့အတွက် ရွှေခွက်ကို ပိုင်ဆိုင်ရရှိသွားခဲ့တဲ့ အကြောင်းအရာလေးပါ။ နောက်ဆုံးတော့ ပထမရွဲကုန်သည်ဟာ သူရသင့်တဲ့ရွှေခွက်နဲ့ လွဲရတဲ့အတွက် သွေးအန်ပြီး ဇတ်သိမ်းမကောင်းခဲ့တဲ့ ဖြစ်ရပ်လေးနဲ့ အဆုံးသတ်သွားပါတယ်။ ဒီအကြောင်းအရာလေးထဲက ရွဲကုန်သည်နှစ်ဦးကတော့ ပထမရွဲကုန်သည်ဟာ ဒေ၀ဒတ္တဖြစ်ပြီး ဒုတိယရွဲကုန်သည်ကတော့ ဘုရားအလောင်းပဲဖြစ်ပါတယ်။
တကယ်တော့ အဲ့ဒီ့ဘ၀မှာဆုံတွေ့ခဲ့တဲ့ သူတို့နှစ်ဦးဟာ ဘယ်သူကဘုရားလောင်း ဘယ်သူကဒေ၀ဒတ္တလဲဆိုတာ ဘယ်သူမှ မသိခဲ့ကြပါဘူး။ ဒေ၀ဒတ္တဟာ အဲ့ဘ၀မှာ ဘုရားလောင်းနဲ့ မတွေ့ခဲ့ဘူး.. ၀ိသမလောဘထားမိတဲ့ဇတ်လမ်း မစမိဘူးဆိုရင် သူ့အနေနဲ့ ဘုရားရှင်လက်ထက်မှာ မြေမြိုလောက်တဲ့ အကုသိုလ်ကံ လုပ်မိတဲ့အထိ ဘုရားရှင်ကို ပြစ်မှားမိမှာ မဟုတ်ပါဘူး။ ဒေ၀ဒတ္တဟာ တကယ်တော့ ပစ္စေကဗုဒ္ဓအလောင်းလျာပါပဲ..။ သူတို့နှစ်ဦးတွေ့ခဲ့တဲ့အချိန်မှာ ဘုရားလောင်းက ဘုရားဖြစ်ဖို့ ပါရမီတွေ ဖြည့်ဆီးနေသလို.. ဒေ၀ဒတ္တဟာလည်း ပစ္စေကဗုဒ္ဓဖြစ်ဖို့ ပါရမီတွေ ဖြည့်ဆည်းနေတဲ့အချိန်ပါ။ ဒါပေမယ့် ၀ိသမလောဘနဲ့စခဲ့မိတဲ့ ဇတ်လမ်းရယ်.. ဘုရားရှင်ကို ဖြစ်လေရာဘ၀တိုင်းမှာ လိုက်လံဖျက်ဆီးရပါလို၏ဆိုတဲ့ ထက်သက်တဲ့ အကုသိုလ်ကံတွေကြောင့်.. ဘုရားရှင်ကို ဖြစ်လေရာဘ၀တိုင်းမှာ လိုက်လံဖျက်စီးလိုတဲ့စိတ်တွေ အမြဲဖြစ်နေတော့တာပါ။ ဘုရားလောင်းနဲ့တွေ့ဆုံခဲ့ရတဲ့ ဘ၀တိုင်းမှာ သူဟာရန်သူအမြဲဖြစ်နေတာပါ။ ဘုရားလောင်း ဘယ်လောက်ကောင်းတာတွေလုပ်လုပ် သူ့အတွက်တော့ ရန်သူတစ်ယောက်လို မြင်နေတာပါ။ သူစမိတဲ့ဇာတ်လမ်း.. ကြောက်မက်ဖွယ်ကောင်းပါဘိ။
တကယ်တော့ ဒေ၀ဒတ္တဟာ ရွှေခွက်ကိုသူအရင်ရပိုင်ခွင့် ရှိခဲ့တာပါ။ ဆင်းရဲသားသားအမိဟာ သူနဲ့အရင်ဆုံတွေ့ပြီး သူ့ကိုအရင်ရောင်းချခဲ့တာပါ။ ဒါပေမယ့်.. ခင်များတို့ရွှေခွက်ကအတုကြီး ဘယ်လောက်မှ မတန်ဘူး အမှိုက်တောင်ရှုပ်တယ်လို့ ပြောပြီး နွှင့်ပြစ်ခဲ့တဲ့အထိပါ။ သူတစ်ပါးဥစ္စာပစ္စည်းကို မတရားသိမ်းပိုက်ချင်တဲ့ ၀ိသမလောဘဓါတ်အားကြီးတဲ့အတွက် မုသားပါသုံးပြီး လိမ်ညာလှည့်ဖြားခဲ့တဲ့ အထိပါပဲ။ ဘုရားလောင်းနဲ့တွေ့တဲ့အခါကျတော့.. အဒေါ်တို့ ရွှေခွက်က ဘယ်လောက်အထိတန်တယ်.. ကျွန်တော့်မှာ ပါတာတော့ ရွဲအနည်းငယ်နဲ့ ငွေကြေးအနည်းငယ်ပဲပါတယ်.. အဒေါ်တို့ လဲလှယ်လိုရဲ့လားလို့ အမှန်ကိုအမှန်အတိုင်း ပြောပြီး လဲလှယ်ဝယ်ယူခဲ့တာပါ။ အဲ့အချိန်တုန်းက ဘုရားလောင်းလည်း ပုထုဇဉ်ဖြစ်တဲ့အတွက် လောဘတော့ရှိမှာပါပဲ။ ဒါပေမယ့် သူရှိခဲ့တာ သမလောဘပါ။ မျှမျှတတနဲ့ ရောင်းသူဝယ်သူ နှစ်ဦးနှစ်ဖက် အမှန်တရားအတိုင်းသိရှိပြီး ၀ယ်ယူလဲလှယ်ခဲ့တဲ့ သမလောဘဓါတ်ပါ။ ဘုရားလောင်းထားရှိခဲ့တဲ့ သမလောဘဓါတ်နဲ့ ဒေ၀ဒတ္တထားရှိခဲ့တဲ့ ၀ိသမလောဘဓါတ်ဟာ ကွာခြားလှပါတယ်နော်။
ဒီအကြောင်းလေးတွေးမိတော့ ၀ိသမလောဘဓါတ်တွေ များနေတဲ့လူတွေကို မြင်ယောင်မိပါတယ်။ သူများကို လိမ်ရပတ်ရမှ ကျေနပ်အားရနေတဲ့သူတွေ.. သူများမသိအောင် လူလည်ကျပြီးလုပ်လိုက်ရင် ကိုယ့်ကိုကိုယ် ဟုတ်လှပြီလို့ ထင်နေတဲ့သူတွေ.. ငါလိမ်ပြီး မတရားလုပ်လိုက်တာ သူတို့တွေ မသိပါလားကွာဆိုပြီး ကြိတ်ဟားနေတဲ့သူတွေအတွက်တော့ ဒီဖြစ်စဉ်လေးဟာ အင်မတန် မှတ်သားသင့်တဲ့အရာပါ။ တကယ်တော့ ပုထုဇဉ်မှန်ရင် လောကီလူ့ဘောင်မှာ စီးပွားရေးကို ရှာဖွေလုပ်ကိုင် စားသောက်နေရတဲ့အတွက် လောဘနဲ့ မကင်းနိုင်သေးပါဘူး။ အရိယာသောတာပန်ဖြစ်တဲ့အထိတောင် လောဘ၊ ဒေါသ၊ မောဟဟာ အမြစ်ပြတ် မပယ်သတ်သေးပါဘူး။ အနည်းငယ်တော့ ကျန်ရှိနေဦးမှာပါ။ လောဘကျန်ရှိနေပေမယ့်.. ကိုယ့်မှာရှိမဲ့လောဘဟာ သမလောဘပဲဖြစ်သင့်ပါတယ်။ မဂ္ဂင်ရှစ်ပါးမှာ သမ္မာအာဇီဝမဂ္ဂင်ဖြစ်တဲ့ ဖြူစင်သန့်ရှင်း ကောင်းမြတ်မှန်ကန်သော အသက်မွေးမှုရှိခြင်းဆိုတာ ပါရှိပါတယ်။ ဒီအချက်ဟာ လောကီလူ့ဘောင်မှာနေတဲ့ ပုထုဇဉ်တွေ တရားသဖြင့် အသက်မွေးဝမ်းကြောင်း လုပ်ကိုင်ဆောင်ရွက်ဖို့ ဘုရားရှင် ကိုယ်တော်မြတ်ကြီးက ဆုံးမသြ၀ါဒ ပေးခဲ့တာပါ။
ဒီအကြောင်းအရာလေးဟာ ယခုခေတ်မှာ စီးပွားရေးကို အပြိုင်အဆိုင် လုပ်ကိုင်နေကြတဲ့သူတွေ သတိထား လိုက်နာကျင့်ကြံသင့်တဲ့ အကြောင်းအရာလေးပါပဲ။ ဘယ်စီးပွားရေးပဲလုပ်လုပ်ပေါ့.. ကိုယ်လုပ်လိုက်တဲ့ အလုပ်.. ကိုယ်ပြောလိုက်တဲ့အပြော.. ကိုယ်ကြံစီလိုက်တဲ့ အကြံစီတွေဟာ မိမိသူတစ်ပါး အကျိုးရှိပြီး တရားမျှတမှုရှိဖို့ဟာ အရေးကြီးပါတယ်။ ဒီလိုမှမဟုတ်ရင် ၀ိသမလောဘကပေးတဲ့ ဆိုးကျိုးဟာ မိမိကိုယ်တိုင်ပဲ ပြန်လည်ခံစားရမယ်ဆိုတာ မလွဲပါဘူး။ မတရားမှုနဲ့ရရှိလာတဲ့ ပစ္စည်းဟာလည်း ရေ၊ မီး၊ မင်း၊ ခိုးသူ၊ အမွေခံသားဆိုးသမီးဆိုးတွေကြောင့် ပြန်လည်ပျက်စီးရမှာပါပဲ။ ဒီဘ၀မပျက်ဆီးရင်တောင် နောက်ဖြစ်လာမယ့်ဘ၀တွေမှာ ၀ိသမလောဘဓါတ်ထားရှိခဲ့တဲ့အတွက်ကြောင့် ချမ်းသာမရှိ ဆင်းရဲအတိနဲ့ ဘ၀ဆက်တိုင်း ခံစားကြရမှာပါ။ ဒါ့ကြောင့်.. ဒေ၀ဒတ္တစခဲ့တဲ့ဇာတ်လမ်းလေးကို အမြဲသတိရပြီးတော့.. ဘယ်အလုပ်ပဲလုပ်လုပ်.. ၀ိသမလောဘဓါတ်တွေ နည်းနိုင်သမျှနည်းအောင် ကြိုးစားလုပ်ကိုင်ပြီး.. မိမိလုပ်လိုက်တဲ့ အလုပ်ဟာ မိမိသူတစ်ပါးအတွက် တရားမျှတမှုရှိရဲ့လား.. အပြစ်ကင်းရဲ့လား.. ဖြူစင်သန့်ရှင်းကောင်းမြတ်မှန်ကန်သော အသက်မွေးမှုရှိရဲ့လား ဆိုတာလေး အမြဲစဉ်းစားချင့်ချိန်ပြီး လုပ်ကိုင်ဆောင်ရွက်နိုင်ကြပါစေလို့ ပြောကြားလိုပါတယ်။ ဒေ၀ဒတ္တလိုတော့ ၀ိသမလောဘဇာတ်လမ်း မစမိပါစေနဲ့လို့…။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
ဒီပိုစ့်လေးကတော့.. မိရိုးဖလာဗုဒ္ဓဘာသာတွေများလာရင် ဆိုတဲ့ပိုစ့်မှာ ဖော်ပြထားတဲ့ အနာဂတ်ရဲ့ လူငယ်တွေကို မိရိုးဖလာမှသည် အထက်တန်းစားဗုဒ္ဓဘာသာဖြစ်အောင် ဘယ်လိုပြုပြင်ထိန်းသိမ်းကြမလဲဆိုတဲ့ အကြောင်းအရာလေးကို ဆွေးနွေး ဖော်ပြပေးလိုတဲ့ ပိုစ့်လေးပဲဖြစ်ပါတယ်။ ဒီအကြောင်းအရာလေးကို ပြောမယ်ဆိုတော့.. ဦးဖိုးကျားရေးသားထားတဲ့ ပေါက်ပင်ဘာကြောင့်ကိုင်းရလဲ ဆိုတာလေး သတိရမိပါတယ်။ စာထဲမှာ.. ပေါက်ပင်ကိုင်းတာကို အပြစ်ရှာရင်းရှာရင်း.. နောက်ဆုံးတော့ ပေါက်ပင်ကိုင်းရတာ ကိုယ်ကအဓိကတရားခံ ဖြစ်နေတယ်ဆိုတာကို သိသွားတဲ့ အကြောင်းလေးပါပဲ။ အင်မတန်မှ မှတ်သားသင့်တဲ့ စကားလေးပါ။ ပေါက်ပင်ဘာကြောင့် ကိုင်းရလဲဆိုတဲ့ စကားလေးဟာ.. တကယ်တော့.. အရင်းစစ်တော့အမြစ်က ဟူသော စကားအတိုင်း.. တစ်ယောက်ချင်းကစ၍ တရားပျက်သောကြောင့် တစ်တိုင်းပြည်လုံး ပျက်ကြရခြင်း ဖြစ်တယ်ဆိုတာကို မြင်သာအောင် ဖော်ပြထားတာပါ။ အခုလည်းဒီလိုပါပဲ.. မိရိုးဖလာတွေဘာကြောင့် များလာရတာလည်း ဆိုတာလေး အကြောင်းအရင်း ရှာကြည့်တော့.. တစ်ဦးချင်းတစ်ယောက်ချင်းက မလိုက်နာ အကျင့်ကြံတဲ့အတွက် များလာရတယ် ဆိုတာလေးကို အရင်ဆုံး နှလုံးသွင်းစေချင်ပါတယ်။
ဒီအကြောင်းအရာလေး ပြောမိတော့.. ဆရာတော် ဦးသုမင်္ဂလရဲ့ ဆုံးမစကားလေးကို သတိရမိပါတယ်.. လောကကြီးမကောင်းဘူးပြောရအေင် မင်းကဘယ်လောက် ကောင်းပြီးလဲ ဆိုတဲ့ ဆုံးမစကားလေးပါ။ မိရိုးဖလာဗုဒ္ဓဘာတွေ များလာတယ်.. မကောင်းဘူးလို့ပြောနေတော့.. ကိုယ်ကိုတိုင်ရော ထေရ၀ါဒ ဗုဒ္ဓဘာသာစစ်စစ် ဖြစ်ပြီလား.. ဗုဒ္ဓရဲ့အဆုံးအမတွေကို တကယ်လိုက်နာ ကျင့်ကြံနေတာလား.. ဆိုတာ အရင်ဆုံး ပြန်လည် ဆန်းစစ်ကြည့်ဖို့.. မေးကြည့်ဖို့.. လိုအပ်ပါတယ်။ ဒီလိုပါပဲ.. လူငယ်တွေကို မိရိုးဖလာကနေ ထေရ၀ါဒဗုဒ္ဓဘာသာဖြစ်အောင် ပြုပြင်ပေးမယ်ဆိုရင် မိမိကိုယ်တိုင်က ထေရ၀ါဒဗုဒ္ဓဘာသာဝင်စစ်စစ် ဖြစ်ဖို့.. ဘုရားအဆုံးအမကို တကယ်လိုက်နာကျင့်ကြံနေတဲ့သူဖြစ်ဖို့ အရေးကြီးပါတယ်။ လူငယ်တွေကို ပြုပြင်ပေးမယ်ဆိုရင် မိမိကိုယ်မိမိအရင်ဆုံး ပြုပြင်ပေးဖို့ လိုအပ်တယ်ဆိုတာလေးကို ဦးစွာပထမ ပြောလိုပါတယ်။
အရင်ဆုံး.. ကိုယ်ကိုတိုင်က ထေရ၀ါဒဗုဒ္ဓဘာသာစစ်စစ် ဖြစ်အောင်.. ဘုရားရှင်ဟောကြားခဲ့တဲ့ အဆုံးအမတွေကို ပြန်လည်ဟောကြားတဲ့.. ဘုရားတပည့်သားသံဃာတော်တွေရဲ့ ဆုံးမစကားတွေကို အရင်ဆုံးနာယူရပါမယ်။ ဗုဒ္ဓရဲ့အဆုံးအမတွေကို ထဲထဲဝင်ဝင်သိအောင် လေ့လာဆည်းပူးဖို့ လိုအပ်ပါတယ်။ လေ့လာတာနဲ့တင် လမ်းဆုံးမနေပဲနဲ့.. လေ့လာသိရှိပြီးတဲ့အတိုင်း.. တကယ်လိုက်နာကျင့်ကြံဖို့ကလဲ အရေးကြီးပါတယ်။ အဲ့လိုမျိုး ဘုရားအဆုံးအမအတိုင်း ကိုယ်ကိုတိုင်က စံနမူနာပြဖြစ်အောင် နေထိုင်ကျင့်ကြံပြီး မိရိုးဖလာဗုဒ္ဓဘာသာတွေကို ဆွဲခေါ်ဖို့ ဦးစွာပြောလိုပါတယ်။ ကိုယ့်ကိုတိုင်က လူငယ်တွေအတွက် ပတ်ဝန်းကျင်ကောင်းဖြစ်အာင် နေထိုင်ပြပြီးတော့.. သူတို့ကိုပါ ဘုရား၊ တရား၊ သံဃာ အပေါ်မှာ ကြည်ညိုတတ်လာအောင်.. ယုံကြည်တတ်လာအောင် ပြုပြင်ဆုံးမသွန်သင်ပေးဖို့ လိုအပ်ပါတယ်။ ဒါဟာ အဓိက လိုအပ်ချက်ပါ။ ကိုယ်ကိုတိုင် ဦးစွာကောင်းအောင်လုပ်ပြီး.. အများသူငါကိုလည်း ပတ်ဝန်းကျင်ကောင်းမှာ နေထိုင်ကျင့်ကြံတတ်လာအောင် လုပ်ဆောင်ပေးဖို့ ပြောလိုပါတယ်။
နောက်တစ်ချက်အနေနဲ့ကတော့ မိဘတွေအပိုင်းပါ။ ယခုခေတ်အခါမှာ မိဘတွေအနေနဲ့ စီးပွားရေးကို နေ့စဉ်နဲ့အမျှ ရုန်းကန်ရှာဖွေ စားသောက်နေရတဲ့အတွက် ကိုယ့်ရဲ့သားသမီးတွေကို ဘုရားရှင်အဆုံးအမတွေနဲ့ ထိတွေ့ပေးနိုင်ဖို့ မလွယ်ကူပါဘူး။ မိဘတွေမိရိုးဖလာဖြစ်လာတဲ့အတွက် သားသမီးတွေဟာ မိရိုးဖလာဖြစ်လာရတာ များပါတယ်။ ဒါမလို့လည်း ရှေ့ဆောင်ဖြစ်နေတဲ့ လူတွေကို ဦးစွာမိမိကိုယ်ကို ကောင်းအောင်ပြင်ပေးဖို့ ကြိုတင်ပြောထားတာပါ။ မိဘတွေကိုယ်တိုင်က ဘာသာရေးနဲ့ဝေးခဲ့လို့ မိရိုးဖလာဖြစ်တယ်ထားဦး.. ကိုယ့်ရဲ့သားသမီးတွေကိုတော့ ထေရ၀ါဒဗုဒ္ဓဘာသာစစ်စစ် တစ်ယောက်ဖြစ်ဖို့ လမ်းညွှန်ဆုံးမပေးနိုင်ရပါမယ်။ လက်ဦးဆရာမိဘတွေရဲ့ ဆုံးမသွင်သင်ထိန်းသိမ်းမှုဟာ အနာဂတ်လူငယ်တွေအတွက် အများကြီး အရေးကြီးပါတယ်။ ဒီတော့ ရှေ့ဆောင်လူကြီးတွေအနေနဲ့ လူငယ်တွေကို ဘယ်လိုတွေပြုပြင်ပေးမလဲ။
ဘုရားရှင်လက်ထက်တော်အခါတုန်းက အနာထပိဏ်သူဋ္ဌေးကြီးရဲ့ သူ့သားကို ဆုံးမသွင်သင်ပေးပုံလေးက ယခုခေတ်မိဘတွေ အတုယူစရာပါ။ လောင်းကစားမက်တဲ့ သားသမီးကို ပိုက်ဆံနဲ့မျှားပြီး တရားနာခိုင်းပါတယ်။ တပုဒ်နာရင် ဘယ်လောက်ပေးမယ်ဆိုပြီး ဦးစွာနာခိုင်းပါတယ်။ တရားနာခိုင်းတဲ့သားက ဘုရားကျောင်းသွားပြီး တနေရာမှာ ခွေအိပ်ပြီးပြန်လာပါတယ်။ ဒီအကြောင်းကို ဖခင်ကသိတော့ အကြံထပ်ထုတ်ပါတယ်။ တရားတပုဒ်ကို မှတ်မိအောင်နာ.. ပြန်ပြောပြနိုင်ရင် ပိုက်ဆံပိုပေးမယ်ဆိုပြီး ထပ်နာခိုင်းပါတယ်။ ဒီတော့.. လောင်းကစားမက်တဲ့သားက ပိုက်ဆံမက်တော့ သေချာမှတ်မိအောင် နာပါတယ်။ ဒီလိုမှတ်မိအောင်နာတဲ့အချိန်မှာပဲ.. ဘုရားအဆုံးအမကို တကယ်သက်ဝင်ယုံကြည်သွားပြီး အရိယာ ဖြစ်သွားတဲ့အထိကို အကျိုးရှိသွားတာပါနော်။ ကိုယ့်သားသမီးရဲ့ အခြေအနေကို အကဲခတ်ပြီး ဘယ်လိုပြုပြင်ထိန်းသိမ်းသင့်လည်း ဆိုတာလေးဟာ ယခုခေတ်မိဘတွေအနေနဲ့ အတုယူလိုက်နာ ကျင့်သုံးသင့်တဲ့ အကြောင်းအရာလေးပါပဲ။
မိဘတွေ အကြောင်းနဲ့ပတ်သတ်လို့ ပြောမိတော့ စာရေးဆရာမ ဒေါက်တာမတင်ဝင်းရဲ့ အကြောင်းကိုပါတခါထဲ ဖော်ပြပေးလိုပါတယ်။ လူငယ်တွေဟာ ငယ်ရွယ်စဉ်အခါတုန်းမှာ ဘုရားအဆုံးအမတွေနဲ့ ထိတွေ့ခွင့်ရဖို့.. သူ့အဆင့်နဲ့လျော်စွာသိတတ်ဖို့ လိုအပ်တယ်ဆိုတာကို ဆရာမကြီး ဒေါက်တာမတင်ဝင်းကလည်း သူစာရေးတဲ့အခါတိုင်းမှာ အမြဲထည့်ရေးလေ့ရှိပါတယ်။ သူကိုယ်တိုင်ကလည်း ငယ်စဉ်ကစပြီး သူ့ရဲ့အဖွားနဲ့အမေက ညအိပ်ရာဝင်တိုင်း ဘုရားရှင်ရဲ့ဇတ်တော်ပါ အကြောင်းလေးတွေ ပုံပြောပြပြီး အိပ်စေခဲ့တဲ့အတွက် သူကိုယ်တိုင် ယဉ်ကျေးလာရတယ်.. နောက်ပြီး ဘာသာရေးကို စိတ်ပါဝင်စားစွာ လေ့လာမိတယ် ဆိုတာလေးကိုလည်း အမြဲတမ်း ပြောကြားပါတယ်။ ငယ်စဉ်ကလေးဘ၀တုန်းက ပေးခဲ့တဲ့ ဘာသာရေးအသိတန်ဖိုးတွေဟာ ယခုအခါမှာတော့ သူ့အတွက် တန်ဖိုးမဖြတ်နိုင်တဲ့ အရာတွေ ဖြစ်တယ်ဆိုတာ.. သူ့ရဲအဖွားနဲ့အမေရဲ့ ကျေးဇူးတွေပဲဆိုတာတွေလည်း အမြဲထည့်ရေးပါတယ်။ ဒါတွေဟာ တကယ်တော့ အခုခေတ်မိဘတွေ အတုယူသင့်တဲ့အရာပါ။ (၇)နာရီမှာပြမယ့် ကိုရီးယားကား(၁)နာရီ ကြည့်မယ့်အစား ကိုယ့်သားသမီးအတွက် ဘာသာရေးနဲ့ပတ်သက်တဲ့အသိလေး တနေ့ကို (၁)နာရီလောက် ပြောပြပေးမယ်ဆိုရင်ကို တန်ဖိုးဖြတ်လို့ မရနိုင်ပါဘူးနော်။
မိဘတွေအကြောင်းနဲ့ပတ်သက်လို့.. ကျွန်တော့်အနေနဲ့ အဓိကပြောရတာ အကြောင်းအရင်းရှိပါတယ်။ မိဘဆိုတာ သားသမီးနဲ့ အနီးကပ်ဆုံးသူတွေပါ။ ပြီးပြီးရော ပြစ်ထားမယ်ဆိုရင်တော့ ဘာသာရေးအသိမရှိတဲ့ သားဟာ ကျားဖြစ်လာနိုင်သလို သမီးဟာလည်း မီးဖြစ်လာနိုင်ပါတယ်။ ဒါမလို့ လူငယ်တွေကို ဘာသာရေးနဲ့ မဝေးစေချင်တာပါ။ သူ့အရွယ်နဲ့တန်တဲ့ဘာသာရေးအသိ ပေးနိုင်အောင်တော့ ကြိုးစားဖို့ လိုအပ်ပါတယ်။ ကလေးတစ်ယောက်မှာ သူ့ဥာဏ်နဲ့လျော်ညီမယ့် ဘာသာရေးအသိလေးတွေရှိလာအောင် ဒေါက်တာမတင်ဝင်းရဲ့ အဖွားနဲ့အမေလိုမျိုး လုပ်ဆောင်ပေးနိုင်ရင်တော့ အကောင်းဆုံးပါပဲ။ ဘာသာရေးအကြောင်းလေးတွေသိအောင် ကိုယ့်အိမ်မှာ မြတ်မင်္ဂလာတို့ မင်္ဂလာမောင်မယ်တို့လို စာအုပ်တွေ ထားပေးထားပြီး.. အဲ့အထဲကပုံပြင်လေးတွေ အကြောင်းအရာလေးတွေကို သူတို့နားလည်အောင် ပြောပြပေးမယ်.. သူ့အသက်ကိုသတ်ရင် ဘာဖြစ်မယ်.. ဘယ်လိုခံရမယ်.. သူ့ပစ္စည်းခိုးရင် ဘာဖြစ်မယ်ဆိုတဲ့ အရာလေးတွေကို သူတို့အရွယ်နဲ့နားလည်လွယ်အောင် ပြောဆိုဆုံးမပေးဖို့ဟာ အင်မတန် အရေးကြီးပါတယ်။
ယခုအချိန်အခါမှာ ဓမ္မကထိကဆရာတော်များအနေနဲ့လည်း ကလေးတရားပွဲတွေ လိုက်လံဟောပြ ဆုံးမပေးတာတွေရှိပါတယ်။ နောက်ပြီး ကလေးတရားစခန်းတွေ.. ဗုဒ္ဓဘာသာသင်တန်းကျောင်းတွေ ဖွင့်လှစ်ပြီး သင်ကြားပို့ချနေတာတွေရှိပါတယ်။ ဒါတွေဟာ တကယ်တော့ အမျှော်မြင်ကြီးစွာ လုပ်ဆောင်ပေးနေကြတာပါ။ ဆရာတော်ဘုရားများရဲ့စေတနာဟာ အမြတ်တနိုး တန်ဖိုးထားစရာပါပဲ။ ဒီလိုမျိုးတရားပွဲတွေ.. တရားစခန်းတွေ.. ဗုဒ္ဓဘာသာသင်တန်းကျောင်းတွေမှာ မိဘတွေအနေနဲ့ သားသမီးတွေကို ခေါ်ယူဆုံးမပေးသင့်ပါတယ်။ မဟာဂန္ဓာရုံဆရာတော်ဘုရားကြီးဆုံးမစကားနဲ့ ပြောရရင်တော့.. ဗုဒ္ဓတံဆိပ် ဘာသာစိတ်ကို ခတ်နှိတ်ပေးလိုက်တာပါပဲ။ အင်မတန်လိုအပ်တဲ့.. လုပ်သင့်တဲ့ အရာလေးပါ။ ဒါဟာ တကယ်တော့ လူငယ်တွေရဲ့ရင်ထဲမှာ ဘုရားတည်ပေးလိုက်တာပါ။ အပြင်မှာတည်တဲ့ဘုရားတွေဟာ လေဒဏ်မိုးဒဏ် တစ်ခုခုကြောင့် ပျက်စီးချင်ပျက်ဆီးမယ်.. နှလုံးသားမှာတည်ပေးတဲ့ ဘုရားအဆုံးအမကတော့ ဘယ်တော့မှ မပျက်စီးတော့ပါဘူး။ ဘယ်တော့မှ မပျက်စီးစေမယ့် ခိုင်မြဲတဲ့ ဘုရားအဆုံးအမတွေ တည်ပေးလိုက်တာဟာ လူငယ်တွေအတွက် တန်ဖိုးမဖြတ်နိုင်ပါဘူး။ ဒါ့ကြောင့် ဆရာတော်ဘုရားတွေရဲ့ စေတနာကို တန်ဖိုးထားတဲ့အနေနဲ့ ဒီလိုမျိုး တန်ဖိုးရှိတဲ့အလုပ်လေးတွေနဲ့ လူငယ်တွေကို မွေ့လျော်ပေးဖို့ တိုက်တွန်းလိုပါတယ်။
ကျွန်တော်အထက်မှာ ဖော်ပြထားတဲ့ အကြောင်းအရာ အားလုံးဟာ ဗုဒ္ဓဘာသာဝင်စစ်စစ် တစ်ယောက်ဆိုရင် အမြတ်တနိုး တန်ဖိုးထား လုပ်ဆောင်သင့်တဲ့ အရာတွေပါ။ ဘုရားရှင် ကိုယ်တော်မြတ်ကြီး ကိုယ်တော်တိုင်တောင်မှ လေးအင်္သချေနဲ့ ကမ္ဘာတစ်သိန်းကာလပတ်လုံး သတ္တ၀ါတွေကို ကယ်တင်ဖို့ အတွက် ပါရမီတွေကို မနားမနေဖြည့်ဆီးပေးပြီး တာဝန်ကျေသွားခဲ့ပါတယ်။ ကျွန်တော်တို့အနေနဲ့ ဘုရားရှင်ရဲ့ စေတနာမေတ္တာတွေကို အမြတ်တနိုးတန်ဖိုးထားတယ် ဆိုရင်တော့ ဘုရားရှင်ရဲ့သာသနာတော်ကို စောင့်ရှောက်ကာကွယ်ဖို့.. နောင်အနာဂတ်မျိုးဆက်သစ် လူငယ်တွေကို ဘုရားရှင်ရဲ့အဆုံးအမတွေ မပျောက်ပျက်အောင် လက်ဆင့်ကမ်းသယ်ဆောင်နိုင်ဖို့ ပြုပြင်ထိန်းသိမ်းသင့်တယ်ဆိုတာ လုပ်သင့်တဲ့ လုပ်ထိုက်တဲ့အရာတစ်ခုပါ။
အစမှာကျွန်တော်ဖော်ပြထားတဲ့ ပေါက်ပင်ဘာကြောင့်ကိုင်းရလဲဆိုတာလေးကို မှတ်မိမှာပါ။ ဒီအချက်လေးဟာ အရေးကြီးပါတယ်။ တစ်ယောက်ချင်းက စပြင်ပြီး မိမိကိုယ်တိုင် ပြုပြင်ထိန်းသိမ်းရမယ်ဆိုတဲ့ အကြောင်းအရာလေးပါ။ မိဘတွေမှ မဟုတ်ပါဘူးနော်.. ကိုယ့်အနေနဲ့ ဘယ်နေရာရောက်ရောက် ဘယ်အရွယ်ပဲဖြစ်ဖြစ်.. ဘယ်သူတွေနဲ့နေရနေရ.. ဘုရားရှင်ရဲ့အဆုံးအမတွေကို လိုက်နာကျင့်ကြံနိုင်အောင် ကိုယ်သိတဲ့အသိတရားလေးတွေ ဝေမျှပေးပါလို့လည်း တိုက်တွန်းလိုပါတယ်။ ကိုယ်ကိုတိုင်က ဘုရားအဆုံးအမအတိုင်း ကျင့်ကြံနေထိုင်ပြပြီးတော့ ကိုယ့်အနားမှာရှိတဲ့သူတွေကို မိရိုးဖလာထဲက ဆွဲထုတ်ပြီး ဗုဒ္ဓဘာသာစစ်စစ်တစ်ယောက်ဖြစ်အောင် ပြုပြင်ပေးစေလိုပါတယ်။ ဘုရားရှင်ကိုယ်တော်မြတ်ကြီး ကိုယ်တော်တိုင်တောင်မှ တလောကလုံးက အတ္တလို့ထင်ထားတဲ့ လောကကြီးကို အနတ္တဆိုပြီး တစ်ပါးထဲ ကျွေးကြော်ပြီး အတိုက်အခံပေါင်းများစွာနဲ့ အဆုံးအမတွေကို ပေးဝေခဲ့တာပါ။ ကျွန်တော်တို့တွေဟာလည်း ဗုဒ္ဓဘာသာမှန်တယ်ဆိုရင်တော့ တစ်ယောက်ထဲဖြစ်ပါစေ.. တစ်ယောက်ထဲကစပြီး ကိုယ်စွမ်းရာအလုပ်ကို လုပ်ဆောင်ပြီး ဘုရားရှင်ရဲ့ကျေးဇူးတရားကိုဆပ်နိုင်ဖို့ ကြိုးစားပေးပါလို့ တိုက်တွန်းလိုပါတယ်။ ပေါက်ပင်ကိုင်းတဲ့အကြောင်းလေး သိပြီးရင်တော့.. ပေါက်ပင်လိုပဲ ကိုင်းနေတဲ့မိရိုးဖလာဗုဒ္ဓဘာသာတွေကို အပြစ်မတင်ပဲနဲ့.. တတ်နိုင်သလောက် ဆွဲခေါ်ပြီး ဘုရားအဆုံးအမတွေနဲ့ မွေ့လျော်တတ်တဲ့.. လိုက်နာတတ်တဲ့သူတွေဖြစ်အောင် ကြိုးစားပေးပါလို့ ဆန္ဒပြုလိုပါတယ်။ ဓမ္မမိတ်ဆွေအပေါင်း ကိုယ်စိတ်နှဖြာ ကျန်းမာချမ်းသာကြပါစေ..။
ဆက်လက်ဖတ်ရှုရန်.....
ပြန်သိမ်းပေးခဲ့ပါရန်.....
